S
Sahoumi Shahd
:: مسافر ::
هي صحيح مدينة اقل من عادية... عشان هي مش عاصمة زي باريس يعني فيها حاجات كتير سياحية ومن اقدم المدن الاوربية... غير انه مفهاش نشاطات كتير اوي ومملة... بس لما تيجي تتكلم يا عمنا عن الشكلاطة والوافل انا بقى بعترض معرفش يمكن انت دقت ارخص انواع الشكلاطة ... في انواع كتير اوي والوافل معروفة فبروكسل انها لذيذة جدا جدا
على فكرة انا عايشة فبروكسل
على فكرة انا عايشة فبروكسل
w wr2ha baset
D
DiDo DiDo
:: مسافر ::
انا بطلت اصدق حاجه عموما تتقال عالنت الفكره ان كل حد ليه رأي فيه ناس مثلا مكلتش وافل خالص او كلت فمكان مش حلو فمصر او اي دوله تانيه فلما راحت اوروبا قالت وهم و تحفه و كذلك الشيكولاته دي اذواق عمر ما حد يقدر يقول انا كلت احلى شيكولاته فالعالم انا ممكن اكل نوتيلا و اقولك كلت احلي نوع فالعالم بالنسبه لي انا فقط و انا جربت انواع شيكولاته من مختلف انحاء العالم بلا مبالغه و نقيس على كده كل حاجه ممكن واحد فمصر عمره ما راح مثلا غير مدينه واحده قاهره او اسكندريه عمره ما زار متاحف ولا لف و لا اتفسح ولا شاف بحر احمر ولا متوسط فيوم ما يسافر بينبهر طبعا و بيقول على حاجات وهميه في حين انها اقل من العاديه و انا نفسي السنه اللي بسافر فيها بره مصر مبتفسحش كتير و اسافر جوه مصر عشان يوم مسافر بره اتبسط و طبعا ناس هتقول طب اللي مسافرش جوه ده يسافر بره ازاي هقولكم اعرف ناس كتييييييير اوي كده لا عمرهم راحوا متاحف ولا اتفسحوا فالقاهره و عمرهم مراحوا جونه ولا سهل حشيش ولا غردقه حتي ولا عتبوا الساحل ولا مرسى مطروح و يوم مبيسافروا بيروحوا الهانوفيل و النخيل و العجمي فطبعا بتكون مقارنه فوق الرهيبه و مش قصدي الاماكن دي وحشه اقصد ان فيه اماكن فمصر وهميه لو زرتها و سافرت بره مش هتحس بالفرق الشاسع ده انا عموما اللي بهرني ف اوروبا النظافه و النظام و احترام الناس لبعض و عدم وجود معاكسات و تدخل فشئون الآخرين
A
Ahmed Mohammed
:: مسافر ::
بروكسل حلوة جدا للناس اللي بتحب تتفرج على العمارة الاوربية العريقة، انا شخصيا حبيتها جدا وكان ممكن اقف يوم كامل في grand square مجرد اتفرج على التحف المعمارية اللي في الميدان اللي كان مركز الحكومة زمان وكان فيه الوزارات، الشيكولات ازواق طبعا س هي مشهورة ومختلفة عن اي مكان خصوصا لو دخلت المحلات المتخصصة في الشيكولاتة وهم قريبين جدا من grand square والاسعار غالية جدا طبعا، عموما هي مدينة لازم تتزار ودمها اخف من امستردام وباريس وللاسف الهولنديين بيتريقوا وعاملين نكت كتير هلى البلجيك على ان فيه هرجلة وعشوائية هناك انما الكلام ده مش حقيقي