M
Mohammed Zaky
:: مسافر ::
الناس اللي عماله تشتم في تركيا وشعب تركيا وشرطه تركيا ... يا جدعان متفهميين والله انك ممكن تروح. مكان ويحصلك فيه موقف سئ جدا ويخلي انطباعك سئ جدا برده زي ما ناس راحت وانبسطتت جدا والشعب كان لذيذ معاهم وانا واحد منهم فهتبقي تجربتي ممتازة وناوي اكررها ان شاء الله .... الاهم انك تاخد بالك في اي مكان في الدنيا تركيا لا هي جنه ولا جحيم خلي بالك من نفسك وخلاص
E
Eslam Heider
:: مسافر ::
السفارة هتطلع لك وثيقة سفر تقدر تغادر بيها من المطار بس حاول يكون معاك صورة الباسبور حتي لو حد يبعتهالك علي اي موبايل ، هتأخذ وقت شوية علي ما تطلع بدل فاقد عشان لازم إخباريات لأمن الدولة و يبعتوا لجميع المطارات ، المهم متعولش هم و تخنق نفسك سيبها علي ربنا و ان شاء الله يكونوا متعاونين في السفارة و ترجع بالسلامة ( فداك اي حاجة المهم تكون انت بخير )
D
Dalia Moursy
:: مسافر ::
هاتروح السفارة المصرية اللي عندك تاخد وثيقة ترجع بيها علي مصر، وفي مصر تقدم علي بدل فاقد،،، اوعي تقدم علي بدل فاقد من السفارة نفسها في البلد اللي مقيم فيها عشان هياخد وقت طويل جداااا لحد مايطلع، و لما يطلع بيبقا لمدة سنة واحده و لما تيجي تجدده هيحتاج شهر تجديده لو مقدم عليه من برة، لكن لو مقدم من مصر يومين تلاته... اوعي تقدم عليه من السفااارة عشان انا عملت كدة وطلع عيني!! ولما ترجع مصر بياخدو منك الوثيقة دي في المطار و بتاخد ورقه دي اللي بتثبت انك راجع بوثيقه و بتروح تقدم بيها علي بدل فاقد وربنا معاك
ه
هشام كامل
:: مسافر ::
والله ياجماعه من التعليقات يتضح ان بلاها اسطمبول وتركيا شوفوا بلاد ثانيه مفيهاش سرقه ده من كتر اللي عايزين يروحوا تركيا السفاره اقل ميعاد كمان شهر من متابعه المسافرين حالات السرقه قليله جدا ده مش معناه ان مفيش حرميه لكن اقصد يكون عندنا احنا مخ مثلا ماحدش يقول ان اصل الباسبور الف بيه الدنيا جوه تركيا موجود في شنطه عل كتفي ومعاه فلوسي انت بتمشي بصوره الجواز والتاشيره وتاخذ فلوس علي قد يومك والباقي في خزينه غرفتك بالفندق ولو معاك صاحب او زوجتك بتوزعوا الفلوس عليكم وتحطوها في جيب صعب الوصول اليه ياسيدي والحرامي بقي خبير وسرقهم باقي فلوسك وبسبورك في الفندق مش كل واحد بيرو ح تركيا بيتسرق لكن الحرامي بيختار الفريسه شنطه علي كتفي فيها كل حاجه فلوسي وجوازي تتسرق اقول ليه ماانا الغلطان في كل دول العالم فيه سرقه في برشلونه في الاتوبيس السياحي يحذروك من السرقه المهم الطبيعي في المطار عنيك علي شنطك وفي الفندق بسبورك وفلوسك في خزينه الفندق اوصندوق الامانات ولاتخرج الا بصوره الجواز وقيمه ماليه بمصروفات يومك وكارت اسطمبول سهله