O
Ola Alaa
:: مسافر ::
انا سافرت أسبوع شهر عسل اخدت فيلا مع حمام سباحه خاص مع فطار لمده ٦ ليالٍ و ٧ ايّام ب ٢٥٠٠ درهم من شهر ٧ الي فات والطيران أرخص حاجه كان وقتها طيران بروناي وعملنا ترانزيت في بروناي وأحنا رايحين ٤ ساعات واحنا راجعين عشر ساعات كان احنا الاتنين ب ٣٢٠٠ درهم تقريبا واخدنا معانا pocket money ١٠٠٠ دولار .. يعتبر عملنا كل حاجه ممكن تتعمل هناك من أنشطه مائية وعشا رومانسي في يخت وسفاري وغابات و rafting و ركبنا بيتش باجي وسط حقول الرز وكانت تحفه نزلنا في منطقه اسمها سيمينياك ودي وسط بالي بالظبط كنا بنروح مشي لكل حاجه حواليا والمنتجع الي أخذنا فيه الفيلا اسمه بالي ريتش واتفقنا مع ولد هناك بعربيه كان بيلففنا كل البلد ويودينا أماكن رخيصه نجيب منها هدايا الأكل في سيميناك في كل المطاعم في التركي واللبناني والايطالي وفيه أكل حلال كتير كنتاكي كان وحش بس بيتزا هت كانت تحفه