بعد اذنكوا سؤال .. انا عندى شلل نصفى طولى ايسر...

  • بادئ الموضوع بادئ الموضوع Ahmed Talaat
  • تاريخ البدء تاريخ البدء
عرض العطلة
A

Ahmed Talaat

:: مسافر ::
#1
بعد اذنكوا سؤال .. انا عندى شلل نصفى طولى ايسر و طبعا ولا عارف اشتغل و لا اعمل اى حاجة ولا عارف اجيب عربية ... جالى من 5 سنين بسبب نظيف فى المخ و مش معروف سببه ايه لحد انهاردة و روحت لكذا دكتور ...السؤال .. لو عايز اسافر برة اعيش حياة كريمة و اتعامل معاملة كويسة ايه الحلول اللى قدامى و استاذنكوا تخلوا فى الحسبان انى مش معايا فلوس بس ممكن اقدر اتصرف فى تذكرة و فيزا ..
ملحوظة : انا متزوج و عندى بنت سنة و نص .
ارجو الافادة لانى فعلا مش عارف اعيش فى البلد ده نهائى ..
 
عرض العطلة
#6
اول حل وهو مش مضمون ..
قدم فى اللوترى شهر ١٠ الجاى ..
الحل التانى و هو محتاج منك مجهود ..
تشتغل على نفسك لو معاك شهادة تحاول تراسل اى جامعة برة تطلع على منحة و تاخد ماستر
لو لأ .. سهل تتعلم اى مجال من مجالات الفرى لانسر (عمل الحر) وانت فى مكانك و يبقى مصدر رزق ليك ان شاء الله
اخيرا .. هدعيلك فى كل صلاة بإذن الله
 
#10
صديقي شافاك الله وعافاك ،انا ليا معارف بقصص مشابهة لحضرتك وانا ساكن في السويد من سنين وليافكرة منيحة عن اللجوء بنصحك تفكر مليون مرة قبل السفر ولا تفتكر انالدولة رح تقدركاو تمنحك راتب وانت قاعد هذا في الخيال وهو مطبق فقط للمواطنين وليس لطالبي اللجوء وببصراحة اكتر حالتك مستحيل يقبلو لجوئها لانها لا تشكل خطر ملموس على حياتك ولو حتى تشكل خطر يبقى المحقق بالغالب يحسبها ماديا ويشوفك عبء على بلده ومش حيمنحك الاقامة الله يعافيك انا مش بحبط فيك انما بوضحلك فكرة اللجوء في عموم اوروبا لكن لو انت مجتهد وانجليزيتك تمام نصيحة قدم دراسة للماستر وانصحك بشمال اوروبا مثلا السويد فيهامنح بتغطي تكاليف الحياة والدراسة وزيادة لكن المنافسة شديدة جدا عليها وفي منح تغطي فقط تكاليف الحياة ولو حصل ودرست ماستر كمل دكترا وانت تحصل راتب شهري لان الدكتورا عمل وابحاث وتحصل مكتب وبعد تخرجك تحصل اقامة دائمة واي خدمة انا تحت امرك شافاك الله مرة ثانية
 
عرض العطلة
#12
اعتقد كندا ممكن تكووون اختيار ليك من خلال اللجوء ... بس هتحتاج تسافر... ماعنديش تفاصيل ... بس ممكن تتواصل مع سقارة كندا وتشوف ايه فرصك لانها دوله بترحب المهاجرين ... برضو المانيا ... شوف المانيا وتواصل مع السفاره الالمانية وشوف فرصك ... ربنا يوفقك ويكرمك ان شاء الله
 
#13
الف مليون سلامه عليك
انا اسف انا هاتكلم بعقلانية
بقالك ٥ سنين يعني خلاص حالتك استقرت علي هذا الحال ال prognosis يكاد يكون منعدم
طيب هتسافر تعمل ايه؟؟؟؟
مافيش دوله هتاخد حضرتك تصرف عليك الا لو حضرتك من زمان عندهم حتي لو كسبت في اللوتري هايرفضوك في المقابله
فكر تستغل وقتك وتشتغل
أذاي؟؟؟
بصوتك أو بالكتابه ممكن تكون ادمن لصفحه ممكن تتعلم الديزاين وتصمم لوجوهات وصفحات ومواقع
صدقني صدقني صدقني انت ممكن تبقي حاجه كبيره في بلدك
انا معاك ان هناك بيحترموا حالاتك جداً بس مش معني كده ان الحياه سهله وهما مش ملاحقين اللي عندهم لما يقبلوا حد من بره بلدهم
انا اسف انا اسف جداً اني كتبتلك الكلام ده ممكن الناس وانت تزعل مني اني اتكلمت بعقلانية كده
بس ماتستسلمش ابداً للمرض
المرض مرض العقل مش الجسد
امشي في طريقك ولو ربنا كاتبلك عيشه في بلد تانيه وانت بتجاهد في عملك يبقي خير لو مش كاتبلك يبقي بردو خير ليك انا اسف تاني ماتزعلش مني ارجوك....
 
#14
اانا معنديش معلومة اقدر اقدمها لحضرتك بس انا حاليا بلسعودية وراح ادعي لك غدا باذن الله بلحرم المكى .. ان يمن الله عليك بلشفاء ويوفقك لما فيه الخير لك.
 
عرض العطلة
#16
حضرتك ليه متخليش زوجة حضرتك هي اللي تقدم م main applicant و انت تكون مرافق ليها ووقتها اعتقد حيكون اسهل لان حالة حضرتك مستقرة و مش حتكلفهم علاج او أدوية
شفاك الله و عافاك
 
#18
و بالنسبة للشغل ليه ما تاخدش دورة في البرمجة programming او web development او برامج الرسم الهندسي زي الAutoCad او 3D Mac
كل الحاجات دي ممكن تشتغلها و انت قاعد و دخلها ممتاز
 
عرض العطلة
عرض العطلة
عرض العطلة
أعلى أسفل
عودة
قائمة