T
Traveller Experience Hub
:: مسافر ::
بعد نجاح فكره التجديف الي تم عرضها علي الجروب و شوفنا الردود الايجابيه من الناس الي راحوا و جربوها كان لازم نبدا نستكشف مغامره و لعبه غريبه محدش يعرف او يسمع عنها حاجه.
بشوف صور و فيديوهات لناس الي بتسافر دول شرق اسيا و تلعب لعبه اسمها zip line الي بتكون مربوط في حبل من ارتفاعات عاليه و تتزحلق بالحبل ده طبعا الي يقرا الشرح مش هيحس بالاثاره الي بتكلم عنها عشان اللعبه ديه من الالعاب الي بتزود هرمون الادريالين و بيديق ثقه في نفسك انك ممكن تعمل كل حاجه انت خايف منها.
طيب يا معتز انت بتتكلم علي لعبه موجوده في دول شرق اسيا فاكيد مش هتنزل بوست مخصوص عن اللعبه ديه و احنا اصلا اغلبنا مش عارف يسافر و مش معاه فلوس عشان يلعبها!!!
المفاجاه ان اللعبه ديه موجوده في مصر و في القاهره كمان و رخيصه جدا.
في مكان اغلب القاهريين يعرفوه في المقطم اسمه دير سمعان الخراز و ديه عباره عن كنيسه محفوره في صخور المقطم و معروفه جدا.
*ملحوظه
مش عايزك تتخض و انت طالع طريق الكنيسه عشان هتمر علي عزبه الزبالين فهتلاقي الريحه صعبه شويه بس مجرد ما توصل الكنيسه هتلاقي الريحه اختفت.
و انت داخل الكنيسه قول لامن انك داخل عند ماريو.
ماريو ده راجل كندي عايش في مصر بقاله ٢٥ سنه و بيتكلم عربي مكسر.
جه مصر و عمل منطقه العاب ملحقه بالكنيسه اسمها High Ropes و كلها عباره عن احبال مربوطه في منطقه الجبل.
هناك هتلاقي ٤ العاب بس الاربعه امتع من بعض بمراحل و العاب مش مؤلوفه بالنسبابنا عشان مش بنشوفها غير بره او علي التيلفزيون.
اول ما تدخل منطقه الالعاب هتلاقي منطقه لجلوس لناس الي حابه تتفرج بس و تتصور و الجلوس مجانا يعني مش لازم تطلب او تشتري حاجه.
هتلاقي حمام نضيف عشان لو حبيت تغير هدومك.
قبل ما تبدا اللعبه هتدخل منطقه يلبسك فيها الخوزه و شورت حزام و دول وسائل الامان.
بعد كده هتدخل منطقه الالعاب الي هتلاقي فيها:
+اول لعبه اسمها zip line
و ديه اهم لعبه لازم تبدا بيها و ديه عباره عن برج بتطلع عليه و تتربط في حبل و تتزحلق و طبعا اللعبه ديه هتحس في الاول بخوف رهيب في الاول بس هتلاقي قمه استمتاع و انت بتتفرج علي المقطم و انت طاير و تتفرج علي الكنيسه من اعلي نقطه.
اللعبه ديه محتاجه ثقه في نفسك انك في امان و مفيش خطر عليك.
سعر اللعبه ديه ٥٠ جنيه.
+ملحوظه مهمه
اللعبه ديه مش بتشتغل غير قبل ما الدنيا تضلم عشان تكون شايف الدنيا من فوق.
+لعبه تسلق الصخور
اللعبه ديه لازم تبدا بيها قبل اللعبتين التانيين عشان محتاجه طاقه عاليه و فيتنس عالي جدا عشان مجهود عالي انك تطلع ارتفاع عالي جدا عشان تضرب الجرس و طبعا متخفش بيكون في شخص انت مربوط بيه عشان يحافظ علي توازنك و انت طالع و عشان لو ايدك سابت الصخور تكون في نفس ارتفاعك و متقعش.
سعر اللعبه ديه ٣٠ جنيه
+لعبه الاحبال المنخفضه (low ropes)
و من هنا بتبدا الاثاره انك تمشي علي احبال و جسر و اللعبه ديه محتاجه توازن و حتي لو رجليك ثابت و انت علي ارتفاع فبيكون في حبل تاني بتتزحلق عليه عشان يوصلك لمنطقه التانيه و تكمل اللعبه.
ديه سعرها ٤٠ جنيه
+لعبه الاثاره High rope
و ديه حلوتها انها ارتفاع عالي جدا و بتمسك في احبالي و تتشعبط في الجبل و تتحرك بالحبل زي طرزان.
ديه اصعب لعبه عندهم بس كل ده امان بنسبه ١٠٠٪
سعرها ٤٠ جنيه.
**اهم الملحوظات
-روح بملابس رياضيه و كوتشي و بلاش جينز عشان حركه رجلك تكون سهله
-قبل ما تروح لازم تحجز قبلها مع ماريو عشان تعرف في اماكن و لا لأ
و ده رقمه 01200140662
-لو رايح بالمواصلات اركب اي عربيه راحه المقطم و قلهم دير سمعان و هينزلك في اقرب مكان فتنزل تركب توك توك ب ٥ جنيه يطلعك لفوق.
-لو عندك فوبيا من الاماكن العاليه بلاش تروح.
- المكان امان بنسبه ١٠٠٪ و الناس هناك متعاونه جدا جدا و بيهرجوا معاك عشان تتلاشي الخوف.
- لو سنك اقل من ١٨ سنه فلازم يكون معاك حد من اهلك عشان يمضي انك سليم و مش بتعاني من مشاكل صحيه.
-المكان شغال طول الاسبوع ما عدا يوم الاحد.
-مش لازم تلعب كل حاجه و بتحاسب بعد اما تخلص لعب.
مستني راي الناس بعد التجربه..
#Traveller_Experience_high_Ropes.
بشوف صور و فيديوهات لناس الي بتسافر دول شرق اسيا و تلعب لعبه اسمها zip line الي بتكون مربوط في حبل من ارتفاعات عاليه و تتزحلق بالحبل ده طبعا الي يقرا الشرح مش هيحس بالاثاره الي بتكلم عنها عشان اللعبه ديه من الالعاب الي بتزود هرمون الادريالين و بيديق ثقه في نفسك انك ممكن تعمل كل حاجه انت خايف منها.
طيب يا معتز انت بتتكلم علي لعبه موجوده في دول شرق اسيا فاكيد مش هتنزل بوست مخصوص عن اللعبه ديه و احنا اصلا اغلبنا مش عارف يسافر و مش معاه فلوس عشان يلعبها!!!
المفاجاه ان اللعبه ديه موجوده في مصر و في القاهره كمان و رخيصه جدا.
في مكان اغلب القاهريين يعرفوه في المقطم اسمه دير سمعان الخراز و ديه عباره عن كنيسه محفوره في صخور المقطم و معروفه جدا.
*ملحوظه
مش عايزك تتخض و انت طالع طريق الكنيسه عشان هتمر علي عزبه الزبالين فهتلاقي الريحه صعبه شويه بس مجرد ما توصل الكنيسه هتلاقي الريحه اختفت.
و انت داخل الكنيسه قول لامن انك داخل عند ماريو.
ماريو ده راجل كندي عايش في مصر بقاله ٢٥ سنه و بيتكلم عربي مكسر.
جه مصر و عمل منطقه العاب ملحقه بالكنيسه اسمها High Ropes و كلها عباره عن احبال مربوطه في منطقه الجبل.
هناك هتلاقي ٤ العاب بس الاربعه امتع من بعض بمراحل و العاب مش مؤلوفه بالنسبابنا عشان مش بنشوفها غير بره او علي التيلفزيون.
اول ما تدخل منطقه الالعاب هتلاقي منطقه لجلوس لناس الي حابه تتفرج بس و تتصور و الجلوس مجانا يعني مش لازم تطلب او تشتري حاجه.
هتلاقي حمام نضيف عشان لو حبيت تغير هدومك.
قبل ما تبدا اللعبه هتدخل منطقه يلبسك فيها الخوزه و شورت حزام و دول وسائل الامان.
بعد كده هتدخل منطقه الالعاب الي هتلاقي فيها:
+اول لعبه اسمها zip line
و ديه اهم لعبه لازم تبدا بيها و ديه عباره عن برج بتطلع عليه و تتربط في حبل و تتزحلق و طبعا اللعبه ديه هتحس في الاول بخوف رهيب في الاول بس هتلاقي قمه استمتاع و انت بتتفرج علي المقطم و انت طاير و تتفرج علي الكنيسه من اعلي نقطه.
اللعبه ديه محتاجه ثقه في نفسك انك في امان و مفيش خطر عليك.
سعر اللعبه ديه ٥٠ جنيه.
+ملحوظه مهمه
اللعبه ديه مش بتشتغل غير قبل ما الدنيا تضلم عشان تكون شايف الدنيا من فوق.
+لعبه تسلق الصخور
اللعبه ديه لازم تبدا بيها قبل اللعبتين التانيين عشان محتاجه طاقه عاليه و فيتنس عالي جدا عشان مجهود عالي انك تطلع ارتفاع عالي جدا عشان تضرب الجرس و طبعا متخفش بيكون في شخص انت مربوط بيه عشان يحافظ علي توازنك و انت طالع و عشان لو ايدك سابت الصخور تكون في نفس ارتفاعك و متقعش.
سعر اللعبه ديه ٣٠ جنيه
+لعبه الاحبال المنخفضه (low ropes)
و من هنا بتبدا الاثاره انك تمشي علي احبال و جسر و اللعبه ديه محتاجه توازن و حتي لو رجليك ثابت و انت علي ارتفاع فبيكون في حبل تاني بتتزحلق عليه عشان يوصلك لمنطقه التانيه و تكمل اللعبه.
ديه سعرها ٤٠ جنيه
+لعبه الاثاره High rope
و ديه حلوتها انها ارتفاع عالي جدا و بتمسك في احبالي و تتشعبط في الجبل و تتحرك بالحبل زي طرزان.
ديه اصعب لعبه عندهم بس كل ده امان بنسبه ١٠٠٪
سعرها ٤٠ جنيه.
**اهم الملحوظات
-روح بملابس رياضيه و كوتشي و بلاش جينز عشان حركه رجلك تكون سهله
-قبل ما تروح لازم تحجز قبلها مع ماريو عشان تعرف في اماكن و لا لأ
و ده رقمه 01200140662
-لو رايح بالمواصلات اركب اي عربيه راحه المقطم و قلهم دير سمعان و هينزلك في اقرب مكان فتنزل تركب توك توك ب ٥ جنيه يطلعك لفوق.
-لو عندك فوبيا من الاماكن العاليه بلاش تروح.
- المكان امان بنسبه ١٠٠٪ و الناس هناك متعاونه جدا جدا و بيهرجوا معاك عشان تتلاشي الخوف.
- لو سنك اقل من ١٨ سنه فلازم يكون معاك حد من اهلك عشان يمضي انك سليم و مش بتعاني من مشاكل صحيه.
-المكان شغال طول الاسبوع ما عدا يوم الاحد.
-مش لازم تلعب كل حاجه و بتحاسب بعد اما تخلص لعب.
مستني راي الناس بعد التجربه..
#Traveller_Experience_high_Ropes.