M
Mohamed Abdelhady
:: مسافر ::
ياجماعة احنا قافلين على نفسنا فى اجازتنا فى إطار الفنادق فقط! كل اللى بنعمله اننا نغير الفندق أو نغير الجهة! فيه نوع مختلف من الرحلات احب اكلمكو عنه اسمه live-aboard ( المعيشة على ظهر المركب). دى عادة بتكون لمدة أسبوع فى وسط البحر الأحمر وطبعا إقامة كاملة فى المركب اللى بيكون فيه كبائن للنوم. المركب بيكون نظيف والاكل جميل والرحلة عموما بتكون مختلفة تماما عن الرحلات التقليدية. بيكون فيها ٤ غطسات فى اليوم؛ ٣غطسات بالنهار وغطسة بالليل و بتشوفو فيها ريكات wrecks و كائنات بحرية بكثرة جدا. اكتر المراكب بتطلع من شرم والغردقة ومرسى علم وكل رحلة ليها زيارات لمواقع مختلفة حسب برنامج الرحلة. اجازات ال live-aboard فى مصر من أشهر الاجازات فى العالم بس للأسف كتير من المصريين مايعرفوش عنها حاجة.
اخيرا اجازات ال live-aborad غطاسين فقط و يفضل advanced واللى بيطلع بيكون معاه معداته أو بياجر قبل الرحلة أو ممكن بردو مرافقين غطاسين والصراحة بتكون مكلفة كتير مقارنة بالرحلات التقليدية ( فى حدود ١٠٠٠٠ جنيه للفرد فى الاسبوع ) بسى تجربة مختلفة تماما. ممكن تعملوا بحث عن شركات غطس سفارى أو live-aboard وهيظهرلكو شركات كتير.
طالع رحلة قريب وهبقى انزل لكم صور وتفاصيل اكتر من على المركب ان شاء الله.
اخيرا اجازات ال live-aborad غطاسين فقط و يفضل advanced واللى بيطلع بيكون معاه معداته أو بياجر قبل الرحلة أو ممكن بردو مرافقين غطاسين والصراحة بتكون مكلفة كتير مقارنة بالرحلات التقليدية ( فى حدود ١٠٠٠٠ جنيه للفرد فى الاسبوع ) بسى تجربة مختلفة تماما. ممكن تعملوا بحث عن شركات غطس سفارى أو live-aboard وهيظهرلكو شركات كتير.
طالع رحلة قريب وهبقى انزل لكم صور وتفاصيل اكتر من على المركب ان شاء الله.