لو سمحتوا يا جماعة أنا مسافرة مع جوزي فرنسا...

[جوجو المصري]

لو سمحتوا يا جماعة أنا مسافرة مع جوزي فرنسا أول الشهر و بلجيكا و هولندا
و محتاجة حد يفيدني من الناس اللي سافرت قبل كدةهناك
في الضروريات اللي هاحتاجها في السفر واللبس هناك لأني سمعت ان الوقت دة هيبقي هناك شتا وفي نفس الوقت مش عايزة أشيل كتير
و كمان لما احب هناك اعمل شوبينج ايه افضل حاجة اشتريها من كل بلد و حتي لو دفعت فيها شوية مش هأندم
و إن أمكن أسماء أماكن أشتري منها لأني مش عارفة أي حاجة
يعني مثلا حد قال لي بالنسبة للهدوم في C&A في باريس
و حد قال أجيب ميكب من باريس بس مايعرفش أماكن و هكذا يعني
معلش طولت عليكم بس انا مستجدة

 

[Anass Atef]

خدوني معاكم

 

[Enas Magdy]

فرنسا كرواسون و ماكرون
بلجيكا وافلز و تشوكلت وفرايز بالمايونيز

شوفي الحرارة هتبقي كام خدي هدوم عادية و جاكت تقيل و جاكت ووتر بروف بس و شمسية

الشوبينج في C&A و Primark جودة كويسة و اسعار رخيصة
ميك أب في سيفورا بس غالي شوية وفي كيكو هتلقيه في فرنسا جوده كويسة وأسعار رخيصة

ان شاء الله تتبسطوا

 

[Ali Baba]

الحو بدا يبرد فعلا بس عادي زي شتا مصر كده. المهم المطر. في مطر كتير.. كل الشوبينح مول في المدن المبيرة تقريبا متشابهه و المحلات مكررة. انصحك تروحي دوسلدورف في المانيا و مش بعيدة عن بروكسل. ساعتين بالعربية. الشكولاته من بلجيكا. و العطور من فرنسا و الجبنه من هولندا

 

[Fragalla Botros]

أخدت التأشيرة عن طريق شركة سياحية ؟

 

[Maha Salah]

اهم حاجة تاخديها سوري يعني شطافة الرحلات

 

[Mohammed Zeitoun]

الجو عادة بيبقى برد شوية مش تلج محتاج جاكيت يبقى موجود معاكوا طول اليوم بس مش لازم يتلبس طول اليوم لأنه الجو عادة بيتغير على مدار اليوم. من الحاجات المهمة اللى تشتريها من هناك من بتوع الجرائد و البازارات معطف بلاستيك شفاف للمطر بيتلبس فوق الهدوم و سعره فى حدود ٢ يورو .

 

[Mohammed Zeitoun]

بالنسبة للمشتريات:
بلجيكا : شيكولاته من Godiva جودته حلوة و سعره معقول بالمقارنة طبعا. و انصح بتجربة ال salty caramel. و برضه بلجيكا مشهورة بوسترات الكوميكس تان تان و حاجات تانية او مجسمات صغيرة بتبقى ذكرياتها حلوة لما تتعلق فى البيت.
هولندا:
ده ارخص شوبنج فى الدول دى فى منطقة تجارية عند القصر الملكي فيه primark, C&A, و كل التوكيلات و فيه محل أحذية اسمه JD sports الأحذية فيه رخيصة و متنوعة.

فرنسا: اظرف حاجة جبتها من هناك صندوق مزيكا صغير بيلعب مزيكا Edith piaff. فى اوتليت على بعد نصف ساعة من باريس اسمه la Valle بيتركبله ال RER مترو بس كبير شوية. عموما انا افضل الذهاب لمنطقة Porte de clignancourt دى بالمترو دى عاملة زى العتبة كده و فيها محلات كتير بنبيع هدوم لاكوست و براندات تانية بأسعار مخفضة جدا جدا. بس خلوا بالكوا من النشاليين هناك

 

[Mohammed Zeitoun]

اه هولندا الاكل فيها جامد جدا. محل اولد امستردام فيه انواع جبن و dips كتيرة و ظريفة. البطاطس من maniquin piss ظريفة و فى واحد عند دام سكوير اسمه رينيه عنده حلويات و مخبوزات ظريفة جدا.

 

[Amro Elsafty]

الشوبنج ارخص فى برشلونة دولا امستردام

 

[Nader Fouda]

you can go for shopping in outlet village in paris

 

[Ahmed Ezzat]

Sephora & Guerlain
عطور و مكياجات في شارع الشانزليزيه

 

[Eslam Heider]

Mohammed zeitoun
جبت المفيد فعلا
اكيد طبعا في حاجات ممكن تتعمل تاني بس دي الأغلبية فعلا

 

[Mohamed Mostafa]

الجو برد بالليل جدا والصباح الباكر لازم جاكت تقيل اهم شي تاني حاجه انصحك ما تشتريش لبس غير من فرنسا لانها ارخص وتشكيلات اكتر من هولاندا وبلجيكا بس مش اي مكان فيه مارشيه دي بوس او س مارشيه مونتراي نفس الحاجه اللي في المحلات بس طبعا ارخص حتي معظم الماركات

 

[Mohamed Rizk Ibrahim]

لو حضرتك عايزة offer بخصوص فنادق او تذاكر طيران الى جميع دول العالم
Inbox me
و برضو سهولة استخراج التأشيرات لاى دولة

 

[Kævën Tæwêüqê]

/Sicherheitskontrolle erforderlich

 

[Matthew Banoub]

اخدتي الفيزا ازاي

 

[Wael Sayed]

 

[Mohamed Mohamed]

الجو هيكون محتمل جدا .. مش برد قوي زي ما انتي متخيلة .. بس تعملي حساب المطر لأن كل شوية الدنيا هتمطر .. الأماكن كتير بس أنصحك تروحي جاليري دي لاڤاييت اللي في الأوبرا جميل وأسعاره معقوله وحواليه محلات براندات بس بيقفل ٧ أو ٨ المغرب

 

[Doaa Negm]

F