A
Ahmed Mohamed
:: مسافر ::
الدليل التاريخي ل التدريب المهني في المانيا وازاي تخلع من مصر عن طريقه
---------------------------------------------------
اولا يعني ايه اوسبيلدونج او تدريب مهني ؟
بتروح تتعلم مهنه تبع مؤسسه عشان تتخرج وتشتغلها
.
هحاول اقربهالك بمثال :
فاكرين فيلم The Pursuit of Happyness لما ويل سميث راح اتدرب في شركه فتره معينه وبقي بيدرس الكلام النظري ويطبق العملي بايده عشان ف الاخر الشركه يختاروا واحد يكمل معاهم
.
هنا تقريبا نفس الفكره بالظبط باستثناء ان في الاوسبيلدونج مدته بتكون اطول بكتير و كمان بتاخد salary شهري اثناء فتره التدريب مش مجانا زي ما ويل سميث كان بيعمل
.
اللي عمله ويل سميث هنا حاجه اسمها البراتيكوم .. يعني ايه براتيكوم ؟؟؟
يعني بتروح لمكتب العمل تقوله انا مثلا مهنتي دي عندي خبره فيها كبيرة ومتميز فيها فبيحولوك علي الشركات اللي طالبه التخصص ده ويجربوك كام اسبوع وبعدين يشوفوا هتكمل معاهم ولا لأ
يعني البراتيكوم هي فتره ما قبل الاوسبيلدونج
------------------------------------------------------------
طيب الاوسبيلدونج دي مُعترف بيها يعني ؟
الالمان لما بيخلصوا مدرسه بيكون قدامهم طريقين يا طريق الدراسه في جامعه او الدراسه في التدريب المهني
واللي مش عايز يدرس ف الجامعه بيروح يدرس تدريب مهني ويشتغل بعد كدة
-------------------------------------------------------------
طب وهما ليه يسيبوا الجامعه اصلا ويروحوا ل التدريب المهني ؟
هي الدراسه الجامعيه في المانيا صعبه اوي كدة ؟
.
مش فكره صعبه ولا سهله
انت لما بتدرس في جامعه في المانيا حتي ولو 20 سنه بتتخرج وانت بطيخ ابيض يا ورد معندكش ولا ذره خبره في مجالك وبالتالي فرصتك ف الحصول علي شغل في نفس مجالك بتبقي صعبه
.
لكن في الاوسبيلدونج بتكون درست واشتغلت في نفس ذات الوقت وانت بتدرس يعني بيكون درست الكلام النظري وكمان عملت العملي بايدك اثناء فتره الدراسه فبتكون فرصتك ف الشغل اقوي وافضل
.
وصاحب العمل الالماني بيفضل انه يشغل واحد اتدرب عنده اوسبيلدونج احسن ما يجيب حد لسه متخرج من جامعه المانيه و Zerrrrrrro خبره
.
دة بالاضافه الي ان مرتبك بعد ما تاخد الاوسبيلدونج بيكون من 13.5 ل 17 يورو في الساعه
.
بس زي ما قالت الادمن Hend Salem
ان موضوع الاوسبيلدونج و الدراسة الجامعية ... الحاجتين مختلفتين تماما ... يعنى الاتنين مش بيحلوا محل بعض .... الاوسبيلدونج ده تدريب مهنى يعنى بيطلع حرفى او صنايعى ... سباك ... نجار .. ميكانيكى ... الخ ... ماينفعش واحد عايز يدرس هندسة او ادارة او طب يدرس اوسبيلدونج ... و بالتالى صاحب العمل لما يحب يجيب مهندس هيجيب خريج هندسة ... مش هيجيب صنايعى
--------------------------------------------------
طيب مدته بتكون قد ايه والنظام بيكون ازاي ؟
مدته : من سنه ل 3 سنين ( بتختلف حسب كل تخصص )
نظامه : 5 ايام ف الاسبوع شغل وتدريب
بمعني بتتعلم الكلام النظري في المدرسه يومين مثلا وبتروح تطبقه عملي بعد كدة في الورشه او الصيديله او المصنع حسب كل مهنه في 3 ايام الباقيين ..
وبتاخد مرتب شهري اثناء فتره دراستك للاوسبيلدونج من job center بيختلف حسب كل مهنه .. بيتراوح ما بين 450 ل 950 يورو شهريا حسب كل مهنه
.
هل يشترط سن معين ؟؟
لا مفيش اي سن محدد .. تقدر تقدم عليه في اي سن
.
هل يشترط شهادة تكون معايا ؟؟
يا تكون معاك شهادة سواء ثانويه او كليه او معهد
يا تكون معاك سنين خبره مثبته في مجالك
وكل مهنه وليها متطلبات للتقديم هنتعرف عليها تحت لسه
------------------------------------------------
ايوة يعني هروح ادرس ايه ولا هتدرب في ايه ؟
في شخروميه مهنه وحرفه بتتعلمها في الاوسبيلدونج
ممرض - مساعد محامي - مساعد دكتور - مساعد صيدلي - مساعد مهندس - محاسب - راعي للمسنيين - موظف تأمين - حلاق - سباك - ميكانيكي سيارات - فني نظارات - موظف في شركه سياحه - كهربائي سيارات - كول سنتر - سائق سفن - طباخ - عامل للبناء
وملايين من الحرف والمهن
.
طيب انا عايز اعرف مهنتي ال معايا من مصر مطلوبه ولا لأ اعمل ايه ؟؟
بكل بساطه هتدخل علي موقع من الاتنين دول :
1- الاول اسمه Gehalt
/Gehalt, Verdienst und Lohn: Deutschlands größte Gehaltsdatenbank
.
2- التاني اسمه Berufenet
/BERUFENET - Berufsinformationen einfach finden
.
وهتعرف مهنتك اللي عايز تدرسها هناك موجودة ولا لأ وكمان بيعرفك متطلبات كل مهنه ومدة دراستها هتكون قد ايه وال salary الشهري بتاعها كمان
.
طب انا فني لحام اقدر اعمل اوسبيلدونج ؟ بص علي المواقع
.
طب انا مهندس معماري اقدر اعمل اوسبيلدونج ؟ يا حبيبي بص علي المواقع
.
طب انا شغاله رقاصه شرقي ممكن اعمل اوسبيلدونج ؟ حتي لو مش ممكن عشان خاطر عيونك انتي يا قمر نخليها ممكن
بصي يختي علي المواقع جتك وكسه
--------------------------------------------------------
ايه دة !!!!!!!!!!!!!!!!!!!! المواقع بالالماني ؟؟
بجد ؟ تصدق كنت فاكرهم بالبولندي نيجي هنا بقي لمربط الفرس واهم نقطه
.
قبولك في التدريب المهني بيعتمد علي 3 حاجات :
1- الالماااااااااااااااااااااااااااااااااااااني .. لازم يكون عندك الماني قوي
يا B1 في حاله الحرف والمهن الحرفيه
يا B2 وساعات بيطلبوا C1 في حاله المهن العليا
مفيش الماني = مفيش حياه ف المانيا
.
2- السيرة الذاتيه اللي هي Bewerbung
لازم تكون عاملها بشكل احترافي وانك توضح لصاحب العمل انك مؤهل للشغل عنده
.
طب انا مبعرفش اعمل سيره ذاتيه ؟؟
ولا تزعل نفسك يا سيدي .. جبتلك موقع دة
/Lebenslauf für Bewerbung als PDF & Druckvorlage
في الموقع ال فوق دة موجود بالتفصيل الممل ازاي تظبط سيرتك الذاتيه عشان تتقبل في الشغل في المانيا
.
ودة فيديو كامل 15 دقيقه بتشرح ازاي تظبط سيرتك الذاتيه عشان الاوسبيلدونج في المانيا
.
3- شهاداتك ومؤهلاتك
بتختلف الشهادات المطلوبه حسب كل مهنه
يعني لو مهنه عليا زي مساعد صيدلي - مساعد مهندس - ممرض هتحتاج اكيد شهادات جامعيه بكالريوس يعني
.
لكن لو حرف زي طباخ - ميكانيكي سيارات الخ الخ هتحتاج ل شهادات فنيه أو معاهد أو بتحتاج فقط ل شهادات خبره في التخصص اللي انت مقدم عليه في الاوسبيلدونج ..
متسيبش اي شهادة خدتها في حياتك في التخصص دة الا و لازم ترفقها مع باقي ورقك
-------------------------------------------------------
طيب يا دكتره انا فهمت كل دة وعرفت بالتفصيل الممل يعني ايه اوسبيلدونج وانا مناسب تماما للمجال دة لكن لسه برضو معرفتش اقدم علي البتاع دة ازاي ؟؟
.
الاجابه ع السؤال دة ليه جزئين .. لو انت ف المانيا .. او انت برا المانيا
لو انت في المانيا بتروح لمكتب العمل او للشركات او المؤسسات او المصانع اللي فيها تخصصك دة علي ارض الواقع وبتعرض نفسك عليهم بالسي في بتاعك
.
أو تبعتلهم ايميلات بأوراقك اللي انت جهزتها وايميلات انك حابب تشتغل عندهم
.
لو انت برا المانيا
بتراسل المواقع الخاصه بتأمين الاوسبيلدونج عشان لو خدت قبول منهم يبعتولك عقود وتروح بيها السفاره انهم موافقين علي انك تروح تعمل عندهم اوسبيلدونج
وبتحتاج عقد عمل منهم و شهادتين اتش ار ليتر وبيبعتولك كل دة اونلاين او عن طريق البريد عشان تظبطهم مع باقي الورق وتروح السفاره
بتقدم علي فيزا اسمها Type D
المواقع اللي بتدور فيها علي الاوسبيلدونج زي
https://jobboerse.arbeitsagentur.de/va...
/Ausbildung & Duales Studium – Die Stellenbörse mit Eignungs-Check | AZUBIYO...
https://www.ausbildung.de/ausbildungs...
-----------------------------------------------------------
طيب عقد العمل بقي في جيبي اهو ... ايه بقي الورق المطلوب للسفاره ؟؟
.
الاوراق كلها موجودة علي موقع السفاره بس هجبلك الملخص عشان عارف التفخيد اليومين دول :
.
1- ابلكيشن من موقع السفاره type d هتملاه مرتين يدوي بالالماني وتمضي ومرة بالكمبيوتر
2- حاجه اسمها Declaration Form بتملاه 3 مرات بخد ايدك وتمضي وتطبعه
3- مطلوب 6 صور شخصيه + باسبور ساري 6 شهر وصورتين منه
4- عقد العمل من الشركه او المؤسسه اللي وافقت عليك + اتنين اتش ار ليتر
5- السي في بتاعك ويكون متظبط كويس
6- تأمين للسفر من اي شركه تأمين
7- شهادة الميلاد وشهادة التخرج لو متخرج او شهادة قيد لو طالب و تترجمهم وتوثقهم خارجيه
8- بعض الاحيان بيطلبوا ان شهادتك تكون معترف بيها وبتعملها تقييم تبع المؤسسه ال هتروحلها
-----------------------------------------------------
امبارح في الاستفتاء بتاعي عملتوا 675 كومنت بالظبط .. حوالي 400 منكم طلبوا التدريب المهني وانا كتبته اهو زي ما وعدتكم
.
لكن لسه برضو مقولتوليش اعمل انهي الاول ..
بوست الاقامه والشغل في دبي ولا بوست الهجره والاقامه في تركيا ؟؟؟
.
دبي الاول ولا تركيا الاول ؟؟ اختاروا عشان الحق اعمله بكرا باذن الله
.
#اقعدوا_بالعافيه
---------------------------------------------------
اولا يعني ايه اوسبيلدونج او تدريب مهني ؟
بتروح تتعلم مهنه تبع مؤسسه عشان تتخرج وتشتغلها
.
هحاول اقربهالك بمثال :
فاكرين فيلم The Pursuit of Happyness لما ويل سميث راح اتدرب في شركه فتره معينه وبقي بيدرس الكلام النظري ويطبق العملي بايده عشان ف الاخر الشركه يختاروا واحد يكمل معاهم
.
هنا تقريبا نفس الفكره بالظبط باستثناء ان في الاوسبيلدونج مدته بتكون اطول بكتير و كمان بتاخد salary شهري اثناء فتره التدريب مش مجانا زي ما ويل سميث كان بيعمل
.
اللي عمله ويل سميث هنا حاجه اسمها البراتيكوم .. يعني ايه براتيكوم ؟؟؟
يعني بتروح لمكتب العمل تقوله انا مثلا مهنتي دي عندي خبره فيها كبيرة ومتميز فيها فبيحولوك علي الشركات اللي طالبه التخصص ده ويجربوك كام اسبوع وبعدين يشوفوا هتكمل معاهم ولا لأ
يعني البراتيكوم هي فتره ما قبل الاوسبيلدونج
------------------------------------------------------------
طيب الاوسبيلدونج دي مُعترف بيها يعني ؟
الالمان لما بيخلصوا مدرسه بيكون قدامهم طريقين يا طريق الدراسه في جامعه او الدراسه في التدريب المهني
واللي مش عايز يدرس ف الجامعه بيروح يدرس تدريب مهني ويشتغل بعد كدة
-------------------------------------------------------------
طب وهما ليه يسيبوا الجامعه اصلا ويروحوا ل التدريب المهني ؟
هي الدراسه الجامعيه في المانيا صعبه اوي كدة ؟
.
مش فكره صعبه ولا سهله
انت لما بتدرس في جامعه في المانيا حتي ولو 20 سنه بتتخرج وانت بطيخ ابيض يا ورد معندكش ولا ذره خبره في مجالك وبالتالي فرصتك ف الحصول علي شغل في نفس مجالك بتبقي صعبه
.
لكن في الاوسبيلدونج بتكون درست واشتغلت في نفس ذات الوقت وانت بتدرس يعني بيكون درست الكلام النظري وكمان عملت العملي بايدك اثناء فتره الدراسه فبتكون فرصتك ف الشغل اقوي وافضل
.
وصاحب العمل الالماني بيفضل انه يشغل واحد اتدرب عنده اوسبيلدونج احسن ما يجيب حد لسه متخرج من جامعه المانيه و Zerrrrrrro خبره
.
دة بالاضافه الي ان مرتبك بعد ما تاخد الاوسبيلدونج بيكون من 13.5 ل 17 يورو في الساعه
.
بس زي ما قالت الادمن Hend Salem
ان موضوع الاوسبيلدونج و الدراسة الجامعية ... الحاجتين مختلفتين تماما ... يعنى الاتنين مش بيحلوا محل بعض .... الاوسبيلدونج ده تدريب مهنى يعنى بيطلع حرفى او صنايعى ... سباك ... نجار .. ميكانيكى ... الخ ... ماينفعش واحد عايز يدرس هندسة او ادارة او طب يدرس اوسبيلدونج ... و بالتالى صاحب العمل لما يحب يجيب مهندس هيجيب خريج هندسة ... مش هيجيب صنايعى
--------------------------------------------------
طيب مدته بتكون قد ايه والنظام بيكون ازاي ؟
مدته : من سنه ل 3 سنين ( بتختلف حسب كل تخصص )
نظامه : 5 ايام ف الاسبوع شغل وتدريب
بمعني بتتعلم الكلام النظري في المدرسه يومين مثلا وبتروح تطبقه عملي بعد كدة في الورشه او الصيديله او المصنع حسب كل مهنه في 3 ايام الباقيين ..
وبتاخد مرتب شهري اثناء فتره دراستك للاوسبيلدونج من job center بيختلف حسب كل مهنه .. بيتراوح ما بين 450 ل 950 يورو شهريا حسب كل مهنه
.
هل يشترط سن معين ؟؟
لا مفيش اي سن محدد .. تقدر تقدم عليه في اي سن
.
هل يشترط شهادة تكون معايا ؟؟
يا تكون معاك شهادة سواء ثانويه او كليه او معهد
يا تكون معاك سنين خبره مثبته في مجالك
وكل مهنه وليها متطلبات للتقديم هنتعرف عليها تحت لسه
------------------------------------------------
ايوة يعني هروح ادرس ايه ولا هتدرب في ايه ؟
في شخروميه مهنه وحرفه بتتعلمها في الاوسبيلدونج
ممرض - مساعد محامي - مساعد دكتور - مساعد صيدلي - مساعد مهندس - محاسب - راعي للمسنيين - موظف تأمين - حلاق - سباك - ميكانيكي سيارات - فني نظارات - موظف في شركه سياحه - كهربائي سيارات - كول سنتر - سائق سفن - طباخ - عامل للبناء
وملايين من الحرف والمهن
.
طيب انا عايز اعرف مهنتي ال معايا من مصر مطلوبه ولا لأ اعمل ايه ؟؟
بكل بساطه هتدخل علي موقع من الاتنين دول :
1- الاول اسمه Gehalt
/Gehalt, Verdienst und Lohn: Deutschlands größte Gehaltsdatenbank
.
2- التاني اسمه Berufenet
/BERUFENET - Berufsinformationen einfach finden
.
وهتعرف مهنتك اللي عايز تدرسها هناك موجودة ولا لأ وكمان بيعرفك متطلبات كل مهنه ومدة دراستها هتكون قد ايه وال salary الشهري بتاعها كمان
.
طب انا فني لحام اقدر اعمل اوسبيلدونج ؟ بص علي المواقع
.
طب انا مهندس معماري اقدر اعمل اوسبيلدونج ؟ يا حبيبي بص علي المواقع
.
طب انا شغاله رقاصه شرقي ممكن اعمل اوسبيلدونج ؟ حتي لو مش ممكن عشان خاطر عيونك انتي يا قمر نخليها ممكن
بصي يختي علي المواقع جتك وكسه --------------------------------------------------------
ايه دة !!!!!!!!!!!!!!!!!!!! المواقع بالالماني ؟؟
بجد ؟ تصدق كنت فاكرهم بالبولندي
نيجي هنا بقي لمربط الفرس واهم نقطه .
قبولك في التدريب المهني بيعتمد علي 3 حاجات :
1- الالماااااااااااااااااااااااااااااااااااااني .. لازم يكون عندك الماني قوي
يا B1 في حاله الحرف والمهن الحرفيه
يا B2 وساعات بيطلبوا C1 في حاله المهن العليا
مفيش الماني = مفيش حياه ف المانيا
.
2- السيرة الذاتيه اللي هي Bewerbung
لازم تكون عاملها بشكل احترافي وانك توضح لصاحب العمل انك مؤهل للشغل عنده
.
طب انا مبعرفش اعمل سيره ذاتيه ؟؟
ولا تزعل نفسك يا سيدي .. جبتلك موقع دة
/Lebenslauf für Bewerbung als PDF & Druckvorlage
في الموقع ال فوق دة موجود بالتفصيل الممل ازاي تظبط سيرتك الذاتيه عشان تتقبل في الشغل في المانيا
.
ودة فيديو كامل 15 دقيقه بتشرح ازاي تظبط سيرتك الذاتيه عشان الاوسبيلدونج في المانيا
.
3- شهاداتك ومؤهلاتك
بتختلف الشهادات المطلوبه حسب كل مهنه
يعني لو مهنه عليا زي مساعد صيدلي - مساعد مهندس - ممرض هتحتاج اكيد شهادات جامعيه بكالريوس يعني
.
لكن لو حرف زي طباخ - ميكانيكي سيارات الخ الخ هتحتاج ل شهادات فنيه أو معاهد أو بتحتاج فقط ل شهادات خبره في التخصص اللي انت مقدم عليه في الاوسبيلدونج ..
متسيبش اي شهادة خدتها في حياتك في التخصص دة الا و لازم ترفقها مع باقي ورقك
-------------------------------------------------------
طيب يا دكتره انا فهمت كل دة وعرفت بالتفصيل الممل يعني ايه اوسبيلدونج وانا مناسب تماما للمجال دة لكن لسه برضو معرفتش اقدم علي البتاع دة ازاي ؟؟
.
الاجابه ع السؤال دة ليه جزئين .. لو انت ف المانيا .. او انت برا المانيا
لو انت في المانيا بتروح لمكتب العمل او للشركات او المؤسسات او المصانع اللي فيها تخصصك دة علي ارض الواقع وبتعرض نفسك عليهم بالسي في بتاعك
.
أو تبعتلهم ايميلات بأوراقك اللي انت جهزتها وايميلات انك حابب تشتغل عندهم
.
لو انت برا المانيا
بتراسل المواقع الخاصه بتأمين الاوسبيلدونج عشان لو خدت قبول منهم يبعتولك عقود وتروح بيها السفاره انهم موافقين علي انك تروح تعمل عندهم اوسبيلدونج
وبتحتاج عقد عمل منهم و شهادتين اتش ار ليتر وبيبعتولك كل دة اونلاين او عن طريق البريد عشان تظبطهم مع باقي الورق وتروح السفاره
بتقدم علي فيزا اسمها Type D
المواقع اللي بتدور فيها علي الاوسبيلدونج زي
https://jobboerse.arbeitsagentur.de/va...
/Ausbildung & Duales Studium – Die Stellenbörse mit Eignungs-Check | AZUBIYO...
https://www.ausbildung.de/ausbildungs...
-----------------------------------------------------------
طيب عقد العمل بقي في جيبي اهو ... ايه بقي الورق المطلوب للسفاره ؟؟
.
الاوراق كلها موجودة علي موقع السفاره بس هجبلك الملخص عشان عارف التفخيد اليومين دول :
.
1- ابلكيشن من موقع السفاره type d هتملاه مرتين يدوي بالالماني وتمضي ومرة بالكمبيوتر
2- حاجه اسمها Declaration Form بتملاه 3 مرات بخد ايدك وتمضي وتطبعه
3- مطلوب 6 صور شخصيه + باسبور ساري 6 شهر وصورتين منه
4- عقد العمل من الشركه او المؤسسه اللي وافقت عليك + اتنين اتش ار ليتر
5- السي في بتاعك ويكون متظبط كويس
6- تأمين للسفر من اي شركه تأمين
7- شهادة الميلاد وشهادة التخرج لو متخرج او شهادة قيد لو طالب و تترجمهم وتوثقهم خارجيه
8- بعض الاحيان بيطلبوا ان شهادتك تكون معترف بيها وبتعملها تقييم تبع المؤسسه ال هتروحلها
-----------------------------------------------------
امبارح في الاستفتاء بتاعي عملتوا 675 كومنت بالظبط .. حوالي 400 منكم طلبوا التدريب المهني وانا كتبته اهو زي ما وعدتكم
.
لكن لسه برضو مقولتوليش اعمل انهي الاول ..
بوست الاقامه والشغل في دبي ولا بوست الهجره والاقامه في تركيا ؟؟؟
.
دبي الاول ولا تركيا الاول ؟؟ اختاروا عشان الحق اعمله بكرا باذن الله
.
#اقعدوا_بالعافيه