السلام عليكم يا جماعة أنا حجزت عن طريق بوكنج 5...

[وسام سامح]

السلام عليكم
يا جماعة أنا حجزت عن طريق بوكنج 5 ايام فى الغردقة فى فندق اسمه صنى دايز بالما وصلت الفندق الساعة 2 الظهر عطيتهم رقم الحجز وقالوا اتفضل استريح 5 دقائق فضلت منتظر اكثر من ساعتين رجعت للرسيبشن قالى معلهش يا أفندم مفيش أماكن فاضية وهنحولك ع فندق جنبنا تبعنا زينا وأحسن مننا قولت مفيش مشاكل رحت الفندق التانى لقيت الناس اللى متحوله للفندق من فندق صنى دايز بالما واقفه طوابير والخناق شغال فى الرسيبشن قعدت منتظر حوالى 3 ساعات كل ده وانا جاى من سفر ومرهق وعاوز ارتاح رجعت تانى لفندق صنى دايز بالما وعملت معاهم خناقه المهم نزلونى فى غرفه غير المتفق عليها مع بوكينج وقتلوا بكره نغيرلك الغرفه وادينى ليا ساعتين وانا منتظر فى الرسيبشن واتصلت بموقع بوكنج وللاسف مفيش اى تعاون منهم
معلهش طولت ع حضراتكم لكن علشان تخلوا بالكم

 

[Nahla El-Badry]

لازم تعمل شكوى في بوكينج علشان ما يسحبوش متك فلوس...بوكينج بياخد منك مش من الفندق

 

[Mohamed K. El-Sharoud]

لما كله يحجز اون لاين ..
ايه فايدة شركات السياحه

طالما جالك كونفيرميشن كوود يبقى لازم تاخد اللي متفق عليه و مترضاش بـ بديل

 

[Muhmmed T. Elshrief]

ابعتلي رقمك يا وسام وهقولك تعمل ايه

 

[وحيد عبد المقصود]

بوكينج بيحجز بس واية مشكلة تتواصل مع الفندق

 

[Amgad Safwat]

Nancy Romany

 

[Hwa Je Shin]

فى ناس كتير فعلا اشتكت ان موقع بوكينج مزور مش حقيقى لكن مش عارفة تريفاجو نفس السمعة الطين ولا لا ، والافضل انك دايما تتصل بالفندق وش بدون وسيط علشان تقدر تدب صباعك فى عينهم براحتك

 

[Khalid Jamal]

بوكينج مصر زي الزفت وفيه مشاكل ومبالغ في أسعاره ..

 

[Ayman Ahmed Darrag]

اتصل ببوكينج طبعا و ايعتلهم ايميلات كتير

 

[Haytham Ali]

اعتقد اما المشكلة من الفندق اللي دائماً مبين علي بوكينج ان الحجوزات عنده متاحة عشان يجيله اكبر عدد من الزبائن بعدين يحولهم علي الفندق التاني

او ان السيستم بتاع بوكينج بقي بيهرج ( مستبعده شويه )

 

[Samiha Mahmoud Elsebay]

بلاش booking للحجز داخل مصر ياجماعه

 

[Mohamed Hamoda]

ياسطي مقولتش ليه كنت ظبطلك الدنيا

 

[Mohammed Fawzi]

اللى بيحصل ان شركة السياحه او بوكنج دوت كوم بيبقى شارى عدد من الغرف فى الفندق ودا طبعا بسعر اقل من اللى بيحجز من الفندق على طول وطبعا بما ان الجشع بيبقى هو المسيطر لما بييجى حجز الفندق حيستفاد اكتر فا بياخد الحجز عادى على حساب الغرف المحجوزه من شركات السياحه او بوكنج!

 

[Ahmad M Murad]

اوعي تقبل بحلول الفندق او تلغي الحجز خليك ورا بوكينج وهما هايعوضوك عن الليلة دي

 

[Loai Mohamed Mohamed]

ادخل إنتا وأصحابك اعملوا ريفيوهات على trip adviser وعلى موقع الأوتيل لو عشرين واحد الفندق بيقع نجمه كامله من ع الموقع

 

[عمرو مختار]

على فكرة الفندق اللي حولك عليه هو صنى دايز البلاسيو...تبع بالما دى ميريت إللى انت فيه دلوقتي
بس البلاسيو ارقى و احسن بمرااااحل عن بالما دى ميريت.
حاول تدخل البلاسيو احسن ليك بكتيررر

 

[Sayed Elshayeb]

Don’t call the Arab no of booking call the international one that are more helpful

 

[Mohamed Albeshbeshi]

خش علي ياسر جمال في الريسيبشن قله انا صديق محمد البشبيشي

 

[Mohamed Eldou]

شركات السياحه ايه فائدتها
/Eldou Real Estate

 

[Mostafa Salama]

علشان الناس تبطل تحجز اون لاين وتتهمد بقي ونشوف احنا شغلنا بقي