ايه رأيكم في الفندق ده في مرسى علم وهل ينفع...

[M Mousa Hassan]

ايه رأيكم في الفندق ده في مرسى علم
وهل ينفع لعرسان جداد
؟

 

[Ahmed Hassan]

ده جنوب مرسي علم حوالي ١٢٠ كم
بعيد عن مرسي علم نفسها

 

[Hussein Essawy]

اللوكاشن عالمي بالنسبة لميناء حماطة تتطلع رحلات جزر حماطة و الدولفين و .. و شاطئ القلعان و شاطئ راس الحنكوراب -شرم اللولي-

 

[Sherif Azab]

بعيد جدا عن مرسي علم لا أنصح به في خيارات كتير افضل مثلا رويال توليب فندق رائع للعروسين وايضا نوفيتل

 

[Abdelrahman Mohamed Abdelmon'am]

لو عرسان روح بورتو غالب
Sun rise marina portoghalip

 

[Mina Raouf]

Ana ro7t concorde kan 7elw awy

 

[Ahmad Elfeel]

حلو وقريب لكل الزيارات فى مرسى علم لو معندكمش اعتراض على موقعه علشان بعيد فى الجنوب وفى فنادق كويسة كتير اقرب لو مش عاوزين فندق قريب للزيارات

 

[Mohamed Reda]

هو كده 4000 فى 5 أيام

 

[M Mousa Hassan]

شباب
ياربت تقترحوا عليا حاجة في رينج سعر قريب من كده
وفي نفس الوقت هادية لان الزوجة منقبة علشان نعرف ننزل بحر وكده

 

[Mohamed Mostafa]

انا روحته 5 مرات قبل كدا؛ منهم اسبوعين بعد زواجي؛ بس انا غاوي المكان دا من اول ما فتح الحقيقة

 

[Hoba Popa]

لا انصحك بفنادق بعيده عن مرسي علم لاني مجربه الموضوع دا وكل مكان حبيت اروحه في مرسي علم كنت باخد حوالي ساعتين طريق

 

[Mohamed Amr Dessoky]

الفندق تحفة والمنطقة جميلة جدا بس ما فيش حاجة برة الفندق اقرب حاجة ليك قاعدة برنيس الجوية

 

[احمد عطية]

لو حابب تروح اماكن زي القلعان و شاطئ حنكوراب
و تطلع رحلات بالمركب من حماطة لمشاهدة الدولفين يبقي موقع الفندق ممتاز

 

[Muhamet A. Shawki]

الفندق دا حلو جدا ، والحاجات الحلوة في مرسي علم هي الحاجات القريبة منه زي شاطيء حنكوراب والقلعان اللي في وادي الجمال
كمان دا قريب قوي من مارينا حماطة اللي بيطلع منها رحلة سطايح فهيوفر معاكم

لكن مافيش حاجه تانية يتعمل بره الفندق ، ودا طبيعة فنادق مرسي علم كلها ماعدا بورت غالب
توكلوا علي الله والف مبروك
ولو عاوزين بديل تاني بصوا علي ابو دباب لودج في رينج السغر و٣٥كم بس من مرسي غلم

 

[Ezzat Alzayat]

ده تقرير عن مرسي علم لو حد مسافر هناك قريب .. الميعاد 4\10 فيه ناس عجبها التقرير بتاع مرسي علم بس عندها مشكله في الاقامه انه هتبقي شقق عشان كده انا دورت ولقيت انه فيه فندق ع البحر اسمه red sea فندق حلو اوي الليله في الجناح ب 400ج يعني فيه غرفتتين كل غرفه بسريرين ده ينفع اقامه رخيصه بدل الشقق جمع صحابك 4 افراد واطلعوا هناك كل فرد ب 100ج .............. ده تقرير لبرنامج احنا عملنا في مرسي علم وانت تقدر تعملوا انت وزميلك لوحدكم بس لازم تكونوا مجموعه لو انتم عدد صغير ممكن تيجوا معانا في اول 10/4 البرنامج بأختصار لو طلعتوا انت وزميلك او جيت معانا
احنا بنطلع علي موقف الترجمان وبنحجز تذاكر الي طالعه مرسي علم بس بيكون قبل الرحله بكام يوم
سعر التذكره حوالي 120 ج رايح وزيهم راجع المهم بننزل مدينه مرسي علم قدام الشقق بالظبط وبردو جنب الفندق بنحط حاجتنا ونغير هدومنا طبعا البنات الي بيكونوا معانا بيكون ليهم شقه لوحدهم او غرفه في الفندق
بعدين بنكون متفقين مع اتنين اولهم سواق ميكروباص يودينا الاماكن دي وسواق عربيات دفع رباعي عشان لو حبينا ندخل الصحراء
اول يوم بنطلع علي شاطيء راس صمداي مكان كده جميل اوي في حيونات بحريه وشعب مرجانيه وبليل بنقضي السهر في مدينه مرسي علم
تاني يوم بنطلع علي شاطيء عجلي بردو من الاماكن المميزه جدا في مرسي علم الي فيه سمك ملون كتير وكاءنات بحريه جميله اوي وبليل بنقضي السهره في بورت غالب
اليوم التالت بنصحي الساعه 6 الصبح ونطلع علي وادي ابو غصون وبعدين نتحرك علي حنكوراب والقلعان الي فيها شجر المانجروف
اليوم الرابع بنروح بحيره النيزك ودي بسين كده طبيعي جنب البحر وبليل بناخد عربيات الدفع الرباعي ونطلع علي مكان كده وهم وسط الصحراء اسمه وادي سفين وبنقضي ليله هناك مع البدو عشان نعيش حياتهم ونشرب الجبنه
اليوم الخامس بنطلع علي شاطيء اصلايه وده تقريبا محوط بالشعب المرجانيه من كل مكان واخر النهار بنكون حاجزين علي تذاكر الباص الي بيرجعنا تاني القاهره
الرحله دي عشان تعملها لازم تكونوا انت وزميلك حوالي 11 واحد هتحتاج بس عربيه دفع رباعي وعربيه ميكروباص وتلف مرسي علم كلها
احنا لما كنا بنطلع انا وزميلي كانت بتكلفنا بتذاكر الباص بكل حاجه من 850 ج ل 950 لو هتعدوا في الشقق
وحوالي 1200ج لو هتباتوا في الفندق