سلام عليكم ياجماعة بفكر أعمل دعاية سياحية...

[Moataz Ismail Bkheet]

سلام عليكم ياجماعة
بفكر أعمل دعاية سياحية لمصر عندي في المكسيك وعندي مكسيكان كتير نفسهم يزوروا مصر... ياريت تفيدوني لو هنزل جروب لمصر ايه البرنامج والاسعار وكل حاجة لأن مش عندي خبرة في السياحة
اقتراحاتكم وشكراً مقدما

 

[Sergi Kasparov]

قبل ده كله حاول تخليهم ينسوا ال ١٢ مكسيكي اللي اتقتلوا هنا وكانوا فاكرين انهم ارهابيين

 

[Moutaz Mohamed]

اولا تبعد عن شركات السياحه في مصر
ممكن توديهم الحسين و شارع المعز
حديقه الازهر
وكاله الغوري و يحضروا حفله التنوره
برج القاهره
الهرم
الاسكندريه
الفيوم
سيوه
الواحات
و يفضل يكون مصري معاهم

 

[Fawaz AlZahlof]

لازم تبلغ الجهات الأمنية ياحلو علشان لازم يبقا ليهم حراسة! مينفعش لوحدك

 

[Mahmoudx Cairo]

انا اقولك الجروب هنا فيه ااالاف من الناس عايزه تسافر تاخد منهم شويه وهما هيعملو احلى دعايه هناك

 

[Ahmed Manaa]

شرم

 

[Heba Ibrahim]

ده برنامج حلو
3ايام اسكندريه
3 القاهره
5 الاقصر و اسوان
3 مرسي علم
3 دهب و طابا دول الخلاصه

 

[Heba Ibrahim]

الاسكندريه ممكن يزوروا قلعه قايتباى و متحف الاحياء المائيه و يا سلام لو يروحوا يوم مرسي مطروح
القاهره طبعا الاهرام و المتحف و رحله نيليه و قت الغروب و الحسين و خان الخليلي و طبعا سيتى ستارز
الاقصر واسوان غنيه عن التعريف و يفضل نايل كروز بينهم
من الاقصر ممكن طياره لمرسي علم
و نفس الكلام من مرسي علم لشرم الشيخ و بعد كده تاكسي لحد دهب حيث بلو هول و السفارى و يوم تروحوا castle zaman بين طابا و نوبيع حلو اوى

 

[Sameh Mohamed]

بلاش وإفتكر إني قلت لك بلاش

 

[Ziad Ragab]

شرم الشيخ و الجونة و الحاجات دي.. سياحة الآثار و المتاحف مش ممتعة و ملهاش جمهور كبير

 

[Ahmed Gamal]

اعرف مرشد سياحي امين جدا ممكن يعملهم برنامج ممتاز بسعر معقول بعيد عن النصب و البلطجة المنتشرة Amr Gamal Abd Elglil

 

[Mohammed Ibrahem]

برنامج ٣ ايام القاهره و يوم اسكندريه و ٤ ايام شرم الشيخ شامل الاتى:
- المقابله و المساعده من المطار
- الانتقالات
- الاقامه ٣ ايام بفندق ٥ نجوم بالقاهره بالفطار
- الغداء بالقاهره بمطاعم سياحيه اوبن بوفيه يوميا
- الاقامه ٤ ايام بفندق ٥ نجوم بشرم الشيخ
- الانتقالات من القاهره الى شرم الشيخ و العكس
- جميع المزارات فى القاهره مقسمه على يومين
- مرشد سياحى مرافق
- يوم كامل فى الاسكنريه بالانتقالات و المزارات و الغداء بمطعم سياحى
- جميع الانتقالات بأتوبيسات سياحيه مجهزه و حديثه

البرنامج ده موجود بسعر ممتاز جدا
حضرتك تقدر تبعتلى و هبعتلك كل التفاصيل اللى تخص البرنامج ده و الشركة اللى بتنفذه كمان ... انا كنت جايب جروب من تونس و نزل معايا مصر و انبسطوا جدا بالبرنامج ده

 

[Hany Adel]

ماينفعش مرشد سياحى لازم شركة سياحى المرشد السياحى للارشاد فقط لاغير لكن تنظيم البرامج و حجز الفنادق و التصاريح لازم شركة سياحة

 

[Mohamed Alazazy]

لا لا لا لا لاااااا

 

[Mohamed Alazazy]

اسمع كلامي عشان شكلك ميبقاش وحش

 

[Aya EL Sherbiny]

اولا تستضفني عندك في المكسيك اتفسحلي يومين لو عملت كدا كله هيظبط

 

[Moataz Ismail Bkheet]

متشكر يا جماعة علي النصايح الغالية دي وواضح كده ان أنا نفسي مش هنزل مصر واللي عاوز يتفسح مع نفسه

 

[Sherif Sherif Sherif]

ممكن يزورو مكان الحادثه بتاعت المكسيكان اللى الجيش ضربهم بالطيارات لما كانوا بيتفسحوا ويقرلهم الفاتحه

 

[عبدالرحيم ماضي]

احكيلنا على المكسيك

 

[DrNivien Wahdan]

Hussein Khattab ها