A
Ahmed Mohamed
:: مسافر ::
ازاي تطلع شهادة التحركات للشنجن في 10 دقايق وانت بتشرب زبادي بالمانجا ؟
( ايوة متستغربش فيه زبادي بالمانجا اضربلك شوب من عند فرغلي بدل الحر دة )
ما علينا المهم
ايه الاوراق اللي لازم تكون معاك ؟
1- الباسبور
2- صورة من الباسبور
3- صورة من البطاقه
4- 10 جنيه فكه
5- قلم جاف .. ضروري فشخ اهم من كل اللي فات دة
هتروح مجمع التحرير الدور التاني هتدخل هتلاقي امين شرطه نايم علي الباب ولسه مفطرش وحالته كرب
متحاولش تسأله عن اي حاجه لانه مش مركز معاك اساسا .. هتلاقي شويه استمارات علي المكتب بتاعه ... تقوم تشدلك واحدة منهم وتقعد علي جنب تريح وتملي الاستماره
خلصت ملئ الاستماره يا معلم ؟ استعد بقي لخطه رأفت الهجان
هتلاقي طابور طووووووووووووووووويل جدا علي اليمين من العمال والناس العاديه اللي عايزين يطلعوها .. هتفكس منه طبعا طابور مين والناس نايمين !
.
هتقوم واخد بعضك وتتسحب ورايح علي اول الطرقه ناحيه الشمال كأنك رايح تقضي مصلحه تانيه من اي مكتب تاني غير حوار التحركات دة .. وتقوم رامي كتف علي شباك رقم 6 .. متقلقش محدش هياخد باله منك اساسا لانك هتلاقي العمال بيتخانقوا مع بعض في اول الطابور .. انت بقي شباك 6 دة الروقان كله
.
هتقوم مسلم الورق للموظف .. هيشوفهم وهيدبسهم وهيبعتك علي شباك 10 في اخر الممر خالص .. هتلاقي شاب كيوت كدة ع الكمبيوتر هيكتب البيانات وتدفعله 10 جنيه ويبعتك علي شباك 5 هتلاقي فيه مزة زي القمر مش عارف جت المجمع بالغلط دي ولا ايه هتاخد الورق وتديك وصل بالاستلام وتمضي
.
الاستلام بعد اسبوع بالظبط الساعه 1 الظهر .. أو تستلمه في نفس اليوم لو معاك واسطه او لو كرمشت للامين عشان تعدي .. شخلل يا بلدينا
.
ملحوظه كلبوظه
1- حاول تصور البطاقه والباسبور من بيتك لان مكاتب تصوير المجمع حراميه بياخدوا جنيه علي كل ورقه و جنيه شاي بالياسمين عشان ميخلكش تقف في الطابور
2- جيب قلم جاف معاك
3- لو انت من اسكندريه مثلا وهتعملها في محافظتك هتاخد شهر علي ما تطلع .. وبتتعمل في الجوازات اللي في محطة الرمل المتفرع من شارع الفلكي
4- جيب قلم جاف معاك
5- متستغربش لو لقيت بلاد الترانزيت او بلاد اصلا انت مزورتهاش طلعتلك في شهادة التحركات .. انت راجل كبير وصاحب مرض خدهم علي قد عقلهم وحاول تعدلها من وانت هناك
6- جيب قلم جاف معاك
7- فرنسا وهولندا حاليا مبيطلبوش شهادة تحركات لو اول مرة تقدم علي الشنجن
8- وحياه خالتك يا شيخ لانت جايب قلم جاف معاك ..
بليل بقي هبقي اكتبلكم ان شاء الله ازاي تطلع التصريح الامني ف 10 دقائق برضو
#اقعدوا_بالعافيه
( ايوة متستغربش فيه زبادي بالمانجا اضربلك شوب من عند فرغلي بدل الحر دة )
ما علينا المهم
ايه الاوراق اللي لازم تكون معاك ؟
1- الباسبور
2- صورة من الباسبور
3- صورة من البطاقه
4- 10 جنيه فكه
5- قلم جاف .. ضروري فشخ اهم من كل اللي فات دة
هتروح مجمع التحرير الدور التاني هتدخل هتلاقي امين شرطه نايم علي الباب ولسه مفطرش وحالته كرب
متحاولش تسأله عن اي حاجه لانه مش مركز معاك اساسا .. هتلاقي شويه استمارات علي المكتب بتاعه ... تقوم تشدلك واحدة منهم وتقعد علي جنب تريح وتملي الاستماره
خلصت ملئ الاستماره يا معلم ؟ استعد بقي لخطه رأفت الهجان
هتلاقي طابور طووووووووووووووووويل جدا علي اليمين من العمال والناس العاديه اللي عايزين يطلعوها .. هتفكس منه طبعا طابور مين والناس نايمين !
.
هتقوم واخد بعضك وتتسحب ورايح علي اول الطرقه ناحيه الشمال كأنك رايح تقضي مصلحه تانيه من اي مكتب تاني غير حوار التحركات دة .. وتقوم رامي كتف علي شباك رقم 6 .. متقلقش محدش هياخد باله منك اساسا لانك هتلاقي العمال بيتخانقوا مع بعض في اول الطابور .. انت بقي شباك 6 دة الروقان كله
.
هتقوم مسلم الورق للموظف .. هيشوفهم وهيدبسهم وهيبعتك علي شباك 10 في اخر الممر خالص .. هتلاقي شاب كيوت كدة ع الكمبيوتر هيكتب البيانات وتدفعله 10 جنيه ويبعتك علي شباك 5 هتلاقي فيه مزة زي القمر مش عارف جت المجمع بالغلط دي ولا ايه هتاخد الورق وتديك وصل بالاستلام وتمضي
.
الاستلام بعد اسبوع بالظبط الساعه 1 الظهر .. أو تستلمه في نفس اليوم لو معاك واسطه او لو كرمشت للامين عشان تعدي .. شخلل يا بلدينا
.
ملحوظه كلبوظه
1- حاول تصور البطاقه والباسبور من بيتك لان مكاتب تصوير المجمع حراميه بياخدوا جنيه علي كل ورقه و جنيه شاي بالياسمين عشان ميخلكش تقف في الطابور
2- جيب قلم جاف معاك
3- لو انت من اسكندريه مثلا وهتعملها في محافظتك هتاخد شهر علي ما تطلع .. وبتتعمل في الجوازات اللي في محطة الرمل المتفرع من شارع الفلكي
4- جيب قلم جاف معاك
5- متستغربش لو لقيت بلاد الترانزيت او بلاد اصلا انت مزورتهاش طلعتلك في شهادة التحركات .. انت راجل كبير وصاحب مرض خدهم علي قد عقلهم وحاول تعدلها من وانت هناك
6- جيب قلم جاف معاك
7- فرنسا وهولندا حاليا مبيطلبوش شهادة تحركات لو اول مرة تقدم علي الشنجن
8- وحياه خالتك يا شيخ لانت جايب قلم جاف معاك ..
بليل بقي هبقي اكتبلكم ان شاء الله ازاي تطلع التصريح الامني ف 10 دقائق برضو
#اقعدوا_بالعافيه
