يا شباب عندي كام سؤال كده هقرفكم معايا شويه ،...

[Basma Mahmoud]

يا شباب عندي كام سؤال كده هقرفكم معايا شويه ، انا نفسي اسافر تركيا بالذات
عندي مشكلتين :
١- اني طالبه فهل فيه حل اني اطلع تصريح الامني غير اني اعمل فيزا زياره بدعوه
٢- كبنات معظمنا بنتفرج ع مسلسلات تركي و ديما بيصوره ف بيوت او اوتيلات شبه الاكواخ كده جوه غابات و ساعات قريبه من البحر او بحيره كده
لو حد يعرف مدن معينه فيها البيوت ديه او موقع مضمون بياجر البيوت ديه
و هل لو استنيت لما اوصل هناك ف مدن ديه هعرف الاقي مكاتب بتاجر بيوت كده ولا صعب
هتعبكم بس محتاجه اوصل لاقرب حاجة علشان اعمل سيرش بتاعي اسم مدينه او منطقه معينه
الصورة من بيوت شبه اللي بوصفها

 

[Ivan Enrique Gomez Castro]

هي البنت بتاعت الفيل بتسال زينا برضة ؟؟؟؟ اية التواضع دة

 

[Abdo Badawy]

التصريح الامني مش هيتفع الا بفيزة زيارة
الاكواخ دي معظمها بيكون في طرابزون
فوق الجبل جنب بحيرة اوزون جول
في طرابزون فى مكان اسمه maçka وكنا قاعدين فوق الجبل ووسط الاشجار والغابات، فى حاجة زى فندق هوا مش فندق هوا على شكل خيم للسكن واهل المكان قائمين عليه، الجميل ان الناس بسيطة والاكل جاى من القرية مباشرة وكل ذلك فى كومة والفطار الى بيعملوه فى كومة اخرى، يعنى ممكن تقول انك مش عايز حاجة تانية من الدنيا بعده دا طبعا غير الشاى الاتى من عالم اخر.
الراجل القائم على المكان بينظم رحلة غالبا للناس الموجودة كل مرة بس على حسب العدد والرحلة دى بتكون لطريق تاريخى عمره 2000 سنة وبتطلع لقمة الجبل لدرجة انك بتخش جوا السحاب اه والله دا غير ان لو فى مطرة بتشوف كمية شلالات لا تعد ومنظرها غاية فى الجمال، وطبعا المنظر لوحده من فوق الجبل بيعبر حرفيا عن جنة من الجنان،بالاضافة الى انك بتمر على مناطق اثرية لحقب تاريخية مختلفة ولو حظك حلو هتشوف الدير التاريخى الى هناك وبعد ذلك هتدخلوا فى رحلة وسط الغابات وكمية الجمال الى بداخلها دا بعيدا عن المغامرة
المكان اسمه Livera camping
ودى الصفحة بتاعتهم : /Livera Camping
لو عايز تنظم برنامج لطيف فممكن تقعد من 3 الى 4 ايام يوم كامل بتاع الرحلة اقعده هناك فوق الجبل، ويوم انزل فيهةالمدينة طرابزون نفسها ودا ممكن تزور فيه متحف ايا صوفيا و uzun gul ودى بحيرة، وخلى بالكم ان maçka بعيدة عن مركز مدينة طرابزون بتاع من 20 الى 30 دقيقة
ولهواة البحر فممكن تعملوله يوم خاص او تخلوه مع اليوم الى داخل مركز المدينة
ملاحظات: الراجل الى بيدير المكان بيتكلم انجليزى نادرا جدا فهو بيتكلم تركى بس غالبا ممكن تلاقى حد بيفهم انجليزى من الزائرين هناك
تكاليف الاقامة لليلة الواحدة 50 ليرة ومتحجزهاش من على tripadvisor او غيره لانه هيزودها عليك 25 ليرة لو عايز تحجز اتصل على الراجل نفسه على الرقم الموجود على الصفحة بتاعتهم فوق
الفطار تكلفته 25 ليرة للفرد بس بصراحة يستاهل جدا وكمان فى ناس مش هتعرف تخلصه
وانت طالع او نازل من livera camping مش هتعرف توصل الا بتاكسى والتاكسى بياخد 30 ليرة فمحدش يضحك عليك، وكمان متتاخرش بعد المغرب برا تحت الجبل لان الدنيا بتبقى سودا ومفيش نور بليل على الجبل اقصد انما المكان نفسه فيه طبعا كل حاجة ، ويستحسن يكون معاك gps عشان لو صادفت سواق تاكسى ميعرفش الطريق

 

[Dalia M. Tawfeek]

Sarah Wagdy

 

[MA LA KA]

F

 

[Amer Salah]

بصي يا بسمة
أنتي ساعدتيني و أنا رايح ماليزيا
و لازم اعمل معاكي الصح
خليني اسأل أصدقائي الأتراك و أرد عليكي

 

[Halim Ben Guirat]

فيه treehouses في Olympus, Antalya تقدري تحجزي على hostelworld.com

 

[Kerolos Khalaf Khela Solim]

الموضوع بالنسبه للسفر محلول و بالنسبه للاكواخ فيه كده فعلا و فيه احسن من كده..

 

[Hana Wael Ahmed]

up

 

[Sara Fu'd]

F

 

[Ahmed Ahmed]

اوزنجول بمدينة طربزون هتلاقى اللى انتى عاوزاه بالظبط وفيه ملاك وفيه مكاتب هى اللى بتاجر اكواخ حول بحيرة اوزنجول او وق الجبل المحيط ومكان رائع