مساء الخير،،، بعد اذنكم انا متعود انزل في فندق...

  • بادئ الموضوع بادئ الموضوع Ahmed Ismail
  • تاريخ البدء تاريخ البدء
A

Ahmed Ismail

:: مسافر ::
مساء الخير،،،
بعد اذنكم انا متعود انزل في فندق شتايجبرج الداو بيتش وهو الحقيقة مكان رائع بمعني الكلمة في كل شئ ... سؤالي انه فيه ضغط عندهم دائماً ده وللامانة مش بيأثر علي اي حاجة بس الاسعار اصبحت عالية بزيادة ، الفندق تقييمه زاد علي بوكينج و اصبح 9.1 زي اعلي فنادق الغردقة اوبروي وروبنسون سوما باي ودول فقط اللي تقييمهم 9.1 .... عملت بحث شامل عن الفنادق القريبة جداااا من نسبة
التقييم في شتايجيبرج داو وهي 9.1 وعاوز آخد رايكم فيها في كل حاجة من حيث مستوي الاكل والنظافة والانشطة والخدمات ، الفنادق هي :-

** فنادق مكادي :
- جاز مكادينا 9
- ايبروتول مكادي بيتش 9
- جاز اكوا فيفا 8.7
- جاز مكادي سرايا 8.7
- جاز مكادي اواسيس 8.50

** الجونة :
- شيراتون ميرامار 8.4
- موفنبيك الجونة 8.3 ( كنت متوقع تقييمه اعلي من كدة )

** سهل حشيش :
- اوبروي 9.1
- البارون بالاس 9

** سوما باي :
- روبنسون كلوب سوما باي 9
- كمبنسكي 8.9

قرات تعليقات كتير ومركز علي اوبروي بس في ناس بتقول اسعاره اعلي من شتايجنبرج الداو والاقامة افطار فقط ، مركز كمان علي روبنسون كلوب سوما باي ( بس مش عارف عدد التقييمات عليه 33 تقييم فقط ليه رغم انه تقييمه 9.1 ) .... ياريت ياجماعة لو سمحتم اراؤكم الكاملة والشاملة للفنادق دي بناءا علي تجاربكم الشخصية ...
 
انا معتقدش اصلا ان اوبروي يتحطً ف مقارنة مع اي فندق تاني ... بالنسالي Top و فعلا الاقامة فطار بس
بس هوا For Honey mooners اكتر
 
بص هو اللي بيجرب Steigenberger
بصراحة بيتعلق بيه جدااااا
فعلاً الفندق بتحس ان كل جنيه بتدفعه بيرجعلك في خدمات ممتازة
انصحك تكمل معاهم مهما كان سعره
وبالمناسبة هما عندهم برنامج زي بتاع الولاء الدايم لمصر للطيران كدة ونظام الاميال ده
يعني كل ما بتحجز عندهم بيتحسبلك نقاط ممكن تستخدمها بعدين وتاخد حجز مجاني
ولو السعر حالياً مش مناسب لحضرتك ممكن بدل ما تحجز خمس ايّام في فندق تاني تحجز مثلاً ٣ في الفندق ده
هتستمتع وتكون في مكان انت بتحبه وبترتاح فيه
أو مثلاً تأجل أجازتك شهر وللا حاجة يكون الموسم في اخره والاسعار بدأت تقل