K
Karim El Assiouty
:: مسافر ::
السلام عليكم
دي أول مشاركة ليا في الجروب وهتكلم فيها عن رحلتي لأوروبا وكانت ل3 دول (إيطاليا - فرنسا - إسبانيا) ، وهتكلم اليوم عن إيطاليا وكانت مدتها 14 يوم زرت فيها (ميلانو- فينسيا- بيزا-فلورينسا -نابولي - جزيرة كابري - روما- الفاتيكان).
مبدئيا الفيزا أنا أخدتها من سفارة فرنسا بس بدأت بإيطاليا وختمت بإسبانيا ومريت بفرنسا في النص ، ودي كانت غلطة عرفتها بعدين لما جيت أقدم على الشنغن تاني سنة عشان قالولي أنت أخدت الفيزا من عندنا بس لا ختمت دخول ولا خروج من عندنا (فرنسا) فلازم عشان نديك الفيزا تاني لازم تجيب ما يثبت إنك دخلت فرنسا ، فجبتلهم حجز فندق وتذاكر الطيران وفواتير كنت اشتريت بيها حاجات ، وأخدتها 3 شهور بس بعد ما أخدتها من عندهم أول مرة سنة كاملة!
المهم نرجع لإيطاليا أنا روحتها في شهر أغسطس وده بيكون أجازة في أوربا بشكل عام فمعظم الطليان يا إما كانوا مسافرين بره إيطاليا ، يا إما كانوا مأنتخين في البيت ميلانو قعدت فيها 3 أبام نزلت أنا وصحابي في شقة مفروشة كانت لطيفة جداا وفيها كل حاجة لازم طبعا تزور دوم ميلانو ووسط المدينة بالليل ولازم تجرب الإيس كريم والبيتزا طبعا ، هواة الكورة لازم يزورا ملعب السانسيرو ، بعد كده أخدت قطار من ميلانو لفينسيا بصراحة مطلعتش زي ما كنت متخيل أولا كانت زحمة جدااا جداااا لدرجة إنك وأنت ماشي في الشوارع بتخبط في الناس معظمها بارات بالليل ، كمان كان فيها ناموس شرس جداا ، والكهربا قطعت كام مرة بالليل المدينة كانت ضلمة كحل
، في فينسيا لازم تاخد قارب تلف بيه المدينة السعر بيختلف حسب العدد اللي هياخد المركب ، كمان لازم هتعدي على ساحة سان ماركو وفي هناك كتدرائية سان ماكو وقصادها في برج سان ماركو ، كمان لازم تروح جسر ريالتو وده في وسط المدينة مش بعيد ، بره فينيسيا في 3 جزر ممكن تروحها حلوين أوووي وهي جزر ( بورانو ومورانو وتورشيللو ) دي جزر حلوة جداا والبيوت هناك بسيطة وألوانها تحفة جدااا كمان في شاطىء هناك للي عاوز ينزل ، بعد كده روحت فلورينسا ودي بالقطر برضه ، بلد جميلة جداا ونضيفة جدااا فيها برضه مزارات سياحية كتير في وسط المدينة أبرز معالمها السياحية (كنيسة سان لورنزو - قصر فيكيو-ساحة ديلا احكم - متحف أوفيزي - جسر بونتي فيكيو - كاتدرائية سانتا ماريا ديل فيوري- وأخيرا ممكن تشوف الغروب من عند قبر مايكل أنجلوا ) ، من فلورنسا روحت بيزا يوم ورجعت وبيزا مفيها غير برج بيزا المايل ، بعد كده روحت نايولي 3 أيام لازم تجرب بيتزا نابولي لأن نابولي متخصصين في عمل البيتزا وهتاكل أحلى بيتزا أكلتها في حياتك وغير أي بيتزا في أي مدينة في إيطاليا ، ومن نابولي روحت جزيرة كابري ، جزيرة ساحرة والمية بتاعتها جميلة ونقية جداا والسباحة فيها جميلة ، بعدين روحت روما أخدت باص من نابولي لروما ، روما أول ما نزلت من الباص اتصدمت فيها حسيت نفسي في ميدان رمسيس نفس الريحة اللي بنشمها تحت الكباري ( أكيد فاهمين ريحة إيه ) ، كمان زحمة جداا ، بس لازم تخلي بالك وأنت في روما عشان واحد صاحبي اتسرق في محطة المترو هو ومراته اتسرق منهم المحفظة بالفلوس بكل شيىء ، في روما تقدر تزور ( زيارة الكولوسيوم - مقبرة البانثيون - ساحة نافونا - السلالم الإسبانية - نهر التيبر- نافورة تريفي - زيارة ساحة بيازا ديل بوبولو- دوم روما ) ، وبعد كده لازم تخصص يوم كامل لزيارة الفاتيكان .
عموما دي كانت معلومات سريعة عن المدن دي وأي حد عنده أي استفسار أو سؤال تحت أمره وإن شاء الله أقدر أفيده
دي أول مشاركة ليا في الجروب وهتكلم فيها عن رحلتي لأوروبا وكانت ل3 دول (إيطاليا - فرنسا - إسبانيا) ، وهتكلم اليوم عن إيطاليا وكانت مدتها 14 يوم زرت فيها (ميلانو- فينسيا- بيزا-فلورينسا -نابولي - جزيرة كابري - روما- الفاتيكان).
مبدئيا الفيزا أنا أخدتها من سفارة فرنسا بس بدأت بإيطاليا وختمت بإسبانيا ومريت بفرنسا في النص ، ودي كانت غلطة عرفتها بعدين لما جيت أقدم على الشنغن تاني سنة عشان قالولي أنت أخدت الفيزا من عندنا بس لا ختمت دخول ولا خروج من عندنا (فرنسا) فلازم عشان نديك الفيزا تاني لازم تجيب ما يثبت إنك دخلت فرنسا ، فجبتلهم حجز فندق وتذاكر الطيران وفواتير كنت اشتريت بيها حاجات ، وأخدتها 3 شهور بس بعد ما أخدتها من عندهم أول مرة سنة كاملة!
المهم نرجع لإيطاليا أنا روحتها في شهر أغسطس وده بيكون أجازة في أوربا بشكل عام فمعظم الطليان يا إما كانوا مسافرين بره إيطاليا ، يا إما كانوا مأنتخين في البيت ميلانو قعدت فيها 3 أبام نزلت أنا وصحابي في شقة مفروشة كانت لطيفة جداا وفيها كل حاجة لازم طبعا تزور دوم ميلانو ووسط المدينة بالليل ولازم تجرب الإيس كريم والبيتزا طبعا ، هواة الكورة لازم يزورا ملعب السانسيرو ، بعد كده أخدت قطار من ميلانو لفينسيا بصراحة مطلعتش زي ما كنت متخيل أولا كانت زحمة جدااا جداااا لدرجة إنك وأنت ماشي في الشوارع بتخبط في الناس معظمها بارات بالليل ، كمان كان فيها ناموس شرس جداا ، والكهربا قطعت كام مرة بالليل المدينة كانت ضلمة كحل
، في فينسيا لازم تاخد قارب تلف بيه المدينة السعر بيختلف حسب العدد اللي هياخد المركب ، كمان لازم هتعدي على ساحة سان ماركو وفي هناك كتدرائية سان ماكو وقصادها في برج سان ماركو ، كمان لازم تروح جسر ريالتو وده في وسط المدينة مش بعيد ، بره فينيسيا في 3 جزر ممكن تروحها حلوين أوووي وهي جزر ( بورانو ومورانو وتورشيللو ) دي جزر حلوة جداا والبيوت هناك بسيطة وألوانها تحفة جدااا كمان في شاطىء هناك للي عاوز ينزل ، بعد كده روحت فلورينسا ودي بالقطر برضه ، بلد جميلة جداا ونضيفة جدااا فيها برضه مزارات سياحية كتير في وسط المدينة أبرز معالمها السياحية (كنيسة سان لورنزو - قصر فيكيو-ساحة ديلا احكم - متحف أوفيزي - جسر بونتي فيكيو - كاتدرائية سانتا ماريا ديل فيوري- وأخيرا ممكن تشوف الغروب من عند قبر مايكل أنجلوا ) ، من فلورنسا روحت بيزا يوم ورجعت وبيزا مفيها غير برج بيزا المايل ، بعد كده روحت نايولي 3 أيام لازم تجرب بيتزا نابولي لأن نابولي متخصصين في عمل البيتزا وهتاكل أحلى بيتزا أكلتها في حياتك وغير أي بيتزا في أي مدينة في إيطاليا ، ومن نابولي روحت جزيرة كابري ، جزيرة ساحرة والمية بتاعتها جميلة ونقية جداا والسباحة فيها جميلة ، بعدين روحت روما أخدت باص من نابولي لروما ، روما أول ما نزلت من الباص اتصدمت فيها حسيت نفسي في ميدان رمسيس نفس الريحة اللي بنشمها تحت الكباري ( أكيد فاهمين ريحة إيه ) ، كمان زحمة جداا ، بس لازم تخلي بالك وأنت في روما عشان واحد صاحبي اتسرق في محطة المترو هو ومراته اتسرق منهم المحفظة بالفلوس بكل شيىء ، في روما تقدر تزور ( زيارة الكولوسيوم - مقبرة البانثيون - ساحة نافونا - السلالم الإسبانية - نهر التيبر- نافورة تريفي - زيارة ساحة بيازا ديل بوبولو- دوم روما ) ، وبعد كده لازم تخصص يوم كامل لزيارة الفاتيكان .عموما دي كانت معلومات سريعة عن المدن دي وأي حد عنده أي استفسار أو سؤال تحت أمره وإن شاء الله أقدر أفيده