شاطئ المعمورة .. تجربة سيئة جدا جدا كنا 3 و...

[Mohamed Soliman]

Yosra Alagooz

 

[Yomna Supernovà]

بص انا من اسكندرية وما بننزلش المعمورة دي غير في الشتا لانها ارخص واهدي وانضف من الصيف في كل حاجه عموما اسكندرية احلي فالشتا طبعا وده لان الصيف مصر كلها في اسكندرية تقريبا ...نيجي للناس اللي شغالة في اي مكان بيعرفوا انك غريب بيستغلووك انا لما رحت القاهرة عشان بيعرفوا بردو استغلال وحاجه قرف فده طبع شعب كامل مش ناس معينه بس ... ومش بنكر ان الناس اللي فالمعمورة مستغلين جدا بس ده فكل مكان ... اما السرقة برضو فاي مكان والبوليس ولا بيعمل اي بتنجان انا لقيت بطاقة ورحت اسلمها في القسم قالولي ابعتيها انت طب افرض اخدتها عملت بيها اي حاجه .... فهي المنظمه كلها بطيخ ومش بيشتغلوا وكفاية كدا

 

[Ibrahim El Deeb]

نظم رحلتك صح عشان كل حاجه تمشى مظبوط يعنى لازم تكون مكلم سمسار قبل ما تيجى و عارف السعر و يكون حاجزلك شقه عشان محدش يستغلك شنطتك تبقى جنبك مفتاح عربيه او محفظه حطها فى الامانات اول ما تدخل الشط

 

[Mohamad Aboklela]

بالنسبه للاسعار احنا كاهل اسكندريه بندفع كدا والمعموره ده مكان مصيف يعني اصحابها بيستنو من السنه للسنه عشان يشتغلو ... لو انت مستغليها متروحهاش ! روح جمصه او بلطيم حتلاقي السعر الي انت عايزه
مشكلتك التانيه مع الشرطه ممكن بردو تروح الوزاره في القاهره تشتكي وسيبك من اسكندريه خالص

 

[Ph Ali]

اسكندرية بقت سيئة للاسف ولا مكان ولا فسحة ولا معاملة ولا مية

 

[Ibrahim Madian]

حد يروح اسكندرية في الصيف برضه . دي بهدلة

 

[Mohamed Abdelrazek]

انا جربت المعمورة السنة اللي فاتت نفس اللي انت قلته بالظبط والزيادة الشاطي كان غير نظيف لا مياه ولا معاملة ولا اي شيء ودخلت المنتزه لقيته اسوء

 

[Moustafa Abdullatif]

انا لازم بس انبه ان 90% من اللى بيشتغلوا فى اسكنرية فى الصيف خاصة المعمورة و العجمي مش اسكندرانية ..

 

[خالد هجرس]

الصراحة انا مع الرأي انك معرفتش تنظم بس الرحلة وموضوع السرقة ده ممكن يحصل في اي مكان ده حتي الاجانب في القري السياحية بقوا بيسرقوا المصريين واقل بقشيش في اي شاطئ بقي 10 جنيه

 

[Sonia El-Sisi]

Tarek Sayed
Hesham M. Sayed

 

[Khaled El Babli]

ياعم وانت ايه الى خلاك تروح المعمورة كنت كلمتنى عملت معاك احلى واجب

 

[Menna Mohamed]

محديش بيصيف هناك كنت ايجارت شقة على البحر ب150

 

[Mahmod Elagamy]

مازالت نظرية " إيه اللى وادها هناك" هية السائدة فى كل التعليقات

 

[Adham Almansy]

فعلا انا من اسكندريه وبيستغلو الاغراب دايما وبيعاملوهم اوسخ معامله ومعظمهم ماعندهمشي خلق

 

[Hasnaa Samir]

في حد لقي المفاتيح دي لو هي بتاعتك ؟ Ahmed Adel

 

[Ahmed Adel]

Hoby Kamel

 

[Mohammed Abo Heebah]

الحقيقه الاسكندرانيه شعب مش مضياف ابدا في المجمل الا من رحم ربي

 

[Hussein Hamad]

المشكله انها خرابه مش شقه ده غير الزباله والحشرات اللي مش عارفها جايه منين

 

[Mohamed Khairat]

الراجل بيحكى تجربة سيئة فى المعمورة...يبقى اسكندرية كلها يعععع دلوقتى !!!؟ أمال الهجوم ال بيحصل عليها فى الصيف دة اى جرافيك !

 

[Mira Sh]

بما ان اسكندريه طلعت وحشه كدة اوى واهلها مش بيعرفوا يستضيفوا الغريب ياريت بقى تعملوا حمله ان محدش يصيف ف اسكندريه وترتاحوا انتوا ونرتاح احنا كمان