A
Ahmed Adel
:: مسافر ::
شاطئ المعمورة .. تجربة سيئة جدا جدا
كنا 3 و روحنا يوم الصبح و قولنا ناخد شقة ليلة و نمشي تاني يوم .. لقينا شقة ب750 جنيه الليلة و صغيرة جدا و قولنا مش مشكلة موسم
المعاملة هناك منتهى قلة الذوق و مفيش حتى مجاملات .. لغة التعامل هي الفلوس و بس
السمسار بقوله السعر غالي كدة ليه !!! بيقولي مش قادر تدفع ارجع و تعالى الأسبوع الجاي الأسعار هتنزل
تاني حاجة المكان مش أمان أبدا و عائلي منظر فقط .. كل اللي شغالين هناك بيستغلوا جدا إن الزوار أغراب و ما بيحترموش حد و ممكن يمسك فيك في أي لحظة و ما بيفرقش معاهم ستات و لا رجالة و لا بيحترموا سن لو راجل كبير معاه أسرته مثلا .. كأنهم عصابة
الأسعار غالية جدا جدا و كله يقولك هي اسكندرية كدة و اذا كان عاجبك
حتى السايس تديله 5 جنيه يحطها في وشك و يقولك ايه دي
تالت حاجة سيبنا الشنطة و قومنا نتمشى و الشنطة اتسرقت ( عارف ان دي غلطتنا بس اللي حصل )
المهم ما لقيناش أي مساعدة بالمرة و لا حتى مجاملة ..
أمن الشاطئ قالي مليش دعوة روح نقطة الشرطة
روحنا و عرفنا ان بوابات دخول الشط عليها كاميرات
النقطة مفيهاش ظابط و الأمين قالنا لازم إذن نيابة عشان افتح لك الكاميرا
قابلنا عربية شرطة معدية وقفناها .. قالي لازم تتصل ب122 و بعدين أجيلك و سابني و مشي .. الشنطة كان فيها مفتاح العربية .. روحنا النقطة نقول لهم على الأقل بلغوا أمن البوابة ان العربية ما تطلعش .. قالي مفيش الكلام ده ..روح اقعد جنب عربيتك
قولت له طب نعمل محضر إثبات حالة .. قالي مفيش محاضر هنا دي نقطة مش قسم
الخلاصة إن المكان مش أمان أبدا و معاملة زفت و غلاء جنوني في كل حاجة
آسف على الإطالة لكن حبيت أحذر المخدوعين بالمكان
كنا 3 و روحنا يوم الصبح و قولنا ناخد شقة ليلة و نمشي تاني يوم .. لقينا شقة ب750 جنيه الليلة و صغيرة جدا و قولنا مش مشكلة موسم
المعاملة هناك منتهى قلة الذوق و مفيش حتى مجاملات .. لغة التعامل هي الفلوس و بس
السمسار بقوله السعر غالي كدة ليه !!! بيقولي مش قادر تدفع ارجع و تعالى الأسبوع الجاي الأسعار هتنزل
تاني حاجة المكان مش أمان أبدا و عائلي منظر فقط .. كل اللي شغالين هناك بيستغلوا جدا إن الزوار أغراب و ما بيحترموش حد و ممكن يمسك فيك في أي لحظة و ما بيفرقش معاهم ستات و لا رجالة و لا بيحترموا سن لو راجل كبير معاه أسرته مثلا .. كأنهم عصابة
الأسعار غالية جدا جدا و كله يقولك هي اسكندرية كدة و اذا كان عاجبك
حتى السايس تديله 5 جنيه يحطها في وشك و يقولك ايه دي
تالت حاجة سيبنا الشنطة و قومنا نتمشى و الشنطة اتسرقت ( عارف ان دي غلطتنا بس اللي حصل )
المهم ما لقيناش أي مساعدة بالمرة و لا حتى مجاملة ..
أمن الشاطئ قالي مليش دعوة روح نقطة الشرطة
روحنا و عرفنا ان بوابات دخول الشط عليها كاميرات
النقطة مفيهاش ظابط و الأمين قالنا لازم إذن نيابة عشان افتح لك الكاميرا
قابلنا عربية شرطة معدية وقفناها .. قالي لازم تتصل ب122 و بعدين أجيلك و سابني و مشي .. الشنطة كان فيها مفتاح العربية .. روحنا النقطة نقول لهم على الأقل بلغوا أمن البوابة ان العربية ما تطلعش .. قالي مفيش الكلام ده ..روح اقعد جنب عربيتك
قولت له طب نعمل محضر إثبات حالة .. قالي مفيش محاضر هنا دي نقطة مش قسم
الخلاصة إن المكان مش أمان أبدا و معاملة زفت و غلاء جنوني في كل حاجة
آسف على الإطالة لكن حبيت أحذر المخدوعين بالمكان