صباح الخير فى الاول انا سافرت قبل كدة الصين...

[Rami Hesham]

صباح الخير

فى الاول انا سافرت قبل كدة الصين (كوانزو) فلو حد عايز يستفسر عن اى حاجة بخصوصها يقدر يسأل و انا هجاوبة

سؤالى انا بقا
انا عايز اطلع ماليزيا بشكل بشع بس انا لسه متخرج

السؤال بما ان ماليزيا محتاجة تصريح امنى
انا لو باسبورى فيه حاصل على مؤهل هحتاج تصريح امنى ولا لا ؟؟
فى صورة متصورة من مجمع التحرير بتقول ان لو مكتوب حاصل على مؤهل هحتاح تصريح امنى و ده شرطة انى اخد دعوة من السفارة

و معظم الناس اللى بتكنب تقارير بتقول انى مش هحتاج تصريح امنى

فمين الصح عن تجربة شخصية ؟؟

و بعدين دلوقتى باسبورى طالب و فيه تاشيرة الصين
كدة هغير باسبورى لمؤهل علشان اطلع ماليزيا
بعدها بشوية اشتغل و اغير للمرة التانية
اية اللغبطة دى :/

 

[MySon Prince]

كام سعر تذكرة ماليزيا اللى بتقول عليها رخيصة ممكن اعرف

 

[Walid Farrag]

نصيحة اخوية يا صديقي ، اذا سياحة بلاش ماليزيا دولة فاشلة بامتياز و غالية وشعب نصاب خصوصا الشاغلين ف السياحة .... روح بوكت تايلند أفضل وارخص وأجمل وأحسن

 

[Bassem Khaled]

نصايح الزتونه لجوانزو(الاكل و المواصلات و الكافيهات) و اي حاجه مهمه عرفتها هناك
محتاج فلوس قد ايه يوميا للأكل و الصياعه

 

[Salah Antar]

التصريح الأمني غير تصريح سفر القوات المسلحة Rami

 

[Mohamed Fathi]

بص تقريبا والله أعلم انته ممكن تعمل لنفسك مشكلة .. عشان بيتهيألى بسبورك هيتختم دخول ووخروج من ماليزيا فا لو شافوه هنا ممكن تحط نفسك ف مشكلة بس انا مش متأكد اوى من الحتة دى .. عموما اسأل قبل ما تنفز عشان ماتحطش نفسك ف مشكلة .. و لو قررت تايلاند قل لى ونا اشهيصك

 

[Hebatalla Adel]

هى ايه مشكلتك فى انك تطلع تصريح سفر

 

[Osama Adel]

لو حاصل على حيطلب منك تصريح امنى..لازم تغير البطاقة او متفكرش فى ماليزيا دلوقتى

 

[Abanoub Adel]

ماليزيا لو طالب او حاصل علي محتاجة تصريح أمني وبما انه مالهاش تأشيرة للمصريين في ده صعب ...حتي السجل التجاري لو معاك لازم يكون فوق ال١٠٠ جنيه رأس ماله ده حاجة وبرضوه علي حسب مزاج الظابط