R
Reham Fahmy
:: مسافر ::
طلعت جبل موسي في سانت كاترين في الشتا، مش تسلق، الجبل في طريق شبه ممهد، ارتفاعه 2300متر تقريبا، بس عشان بتمشي حواليه ف المسافة بتبقي اطول حبة حلوين. طلعنا بالليل ووصلنا قبل الفجر بساعة، اتفرجنا علي الشروق وبعدها بشوية نزلنا. الطلوع ماكانش مرهق اوي بس كنا لابسين تقيل اوي وعلي ما طلعنا فوق كنا عرقنا طبعا والجو فوق درجة الحرارة تحت الصفر ف كانت الهدوم الواح تلج علي ضهرنا. اللي عنده مشاكل في ضهره او ركبه هيتعب جامد.
O
Omnia Afify
:: مسافر ::
A
Abraham Zakhary
:: مسافر ::
كلمنجارو اعلي جبل فافريقيا، ارتفاعه 5895, الناس بتطلع من تنزانيا تكلفة الرحله حوالى ١١٠٠ دولار فيما فوق, في كذا طريق هو بياخد حوالى خمس ايام او سته، اخر يوم طلوع اصعب يوم، بس هو الجبل عموما مش صعب علي حسب كلام معظم اللى طلعوه، انا طلعت جبال كتير فمصر و بره مصر، اكبر مشكله فالجبال العاليا نقص الاكسجين و بيسبب altitude sickness صداع و جفاف و بتقلب بهلوسه فالارتفاعات العاليا خالص، في ناس بتبدى تحس بيه من بعد ال ٣٠٠٠، لازم بيتعمل فالنص كده acclimatization مثلا بيطلعوا يوم كده من 3400 ل 3800 و ننزل تانى نبات علي ٣٤٠٠ نعود الجسم علي الارتفاع و كل جبل و ليه ظروفه و معداته، الكلام ده كله مش فمصر اعلي جبل فمصر جبل كاترين ٢٦٤٢ مش محتاج اى معدات ولا اى حاجه، لو اول مره جبال ممكن تبدأى تدريب فمحمية وادى دجله فالمعادى الدخول ب ٣ جنيه اتدربي فيها عالمشي الكتير و متجربيش اى تسلق هناك عشان الصخر مش ثابت، و بعدها جربي جبل موسي سهل جدا و متسمعيش كلام الناس هو التحدي كله فالدماغ
الصوره من روسيا جبل البروس(5642) علي ارتفاع ٤٦٥٠
الصوره من روسيا جبل البروس(5642) علي ارتفاع ٤٦٥٠