لو سمحتوا بيبي شهور بيقعد ازاي فالطياره ؟؟

[Heba Talayaa]

مالوش كرسي طبعا لحد سنتين كرسي كامل بيقعد علي رجلك وعذاب شويه

 

[Rania Adam]

لو صغير اوي يعني شهرين مثلا بيجبولوا سرير وبتبلغيهم قبل ماتطلعي الطيارة في البوردنج عشان تقعدي قدام عشان السرير بيبقي قدامك متعلق..واعملي البوردينج بدري عشان لو فيه كذا بيبي عالطياره ممكن يقولوك مفيش مكان قدام

 

[Ramy Elsawy]

البيبى فى الطيران الاجنبى بيقعد كده

 

[Ramy Elsawy]

والبييى فى مصر للطيران بيقعد كده

 

[Mohammad Omran]

ممكن تخدى معاكى كار سيت و تقعديه فيه او الطياره اصلا بيكون فيها سرير اطفال و بيركب قدام الكرسى بتاعك بس لازم تكونى قاعده فى مكان مخصص

 

[Sharif Katcho]

انا سافرت كتير و انا بيبي بس مش فاكر ازاي

 

[Khaled Hassan Massoud]

الكلام صحيح على حجرك و متنسيش الحزام لية ، الأهم من ده ان الطفل لا يستطيع معادلة الضغط خاصة عند هبوط الطيارة علشان كدة بيصرخ و يعيط فحوالي تشربية مية عند الهبوط وبكدة ممكن يعادل الضغط من خلال شرب الماء . ربنا يحفظه .

 

[Ghada El Halfawy]

روحي بدري شويه و اطلبي الصف الاول و ده حقك و بيبقي فيه سرير للبيبي بيحطوهولك بينام فيه لو الرحله مش طويله غالبا السرير ده مش بيكون موجود لانها طيارات صغيره فبيكون علي حجرك ماتاخديش كار سيت مفيش مكان خالص يتحط فيه لانه مالوش كرسي اكيد مش حاتقدري تحطيه علي رجلك خدي معاكي العربيه بتاعته و بياخدوها علي باب الطياره

 

[Sara Mahfouz]

بتقعدي اول صف وتطلبي من المضيفه سرير بتركبهولك وينام فيه وتشيليه وقت الاقلاع والهبوط

 

[Noha Sobhy]

لو مدة الرحله طويله احجزي الكرسي بتاعك قريب من المكان تثبيت سرير للرضع بالطائرة. انا حجزته مرتين مفيد جدا. البيبي بينام فيه و انت تقدري تقعدي مرتاحه

 

[Yasmin A. Moghny]

اخويا سافر امريكا و ابنه شهور وجابله كار سيت و لانه كان ممنوع يبقي علي رجل مامته

 

[Dina Adel]

على رجلك

 

[Ghada Fouad]

علي رجلك وبيدولك حزام بتركبيه في الحزام بتاعك والبيبي لو اكبر من ٣ شهور مالهوش سرير لو اقل لازم تكوني مكلمه شركه الطيران من قبلها ومعرفاهم علشان يقعدوكي قدام ويحطوله السرير بس علي العموم هو افضل حل يكون علي رجلك علشان البيبهات مش بيستحملو الضغط وبيبكو كتير في الطياره

 

[Khloud Nasser]

معرفش بيعدو ازاي بس اسئلي كمان علي ازاي هتعادليله الضغط
انا سمعت انك ترضعيه في اللاندينج و ال take off بس مش متاكدة فاسئلي حد بيفهم احسن

 

[Nevine Ahmed Shokry]

ملوش كرسي،لحد سنتين

 

[Islam El Mantawi]

علي رحلك لحد سنتين.
شرييه ينسون علشان ينام

 

[هدى التوابتي]

في الطائره المضيفات هيجيبوا حاجة زي شياله كدا تلبسيها وتحطي البيبي فيها شفتها اخر مرة سافرت من شهر ونص

 

[Aya Ahmed]

لو الطيارة كومبليه بتاخديه على حجرك وبيتركبله حزام معاكى ولو حظك كان حلو والبوردينج بدرى وسنه صغير بيبقى ليه سرير بس لازم تبلغيهم وانتى بتحجزى ووانتى بتعملى بوردينج ولازم المضيفه تسلمك تيتينا عشانه وضرورى جدا يرضع فاللاندينج والتيك اوف عشان الضغط..نصيحه حاولى تديله او دوا للحساسيه عشان ينام وميتعبش مالضغط وربنا يغنمكو السلامه

 

[Tota Yosry]

روحي المطار بدري واحجزي اول كرسي قولي للموظف بتاع البوردينج انك عاوزه الكرسي اللي بالسرير عشان لما ينام تحطيه فيه
ولو حظك حلو والطياره فاضيه هاتشيله علي رجلك وقت الإقلاع والهبوط ولما ينام ان شاء الله نيميه علي اي كرسين فاضيين جنب بعض

 

[Marina Adly]

علي رجلك