يا جماعة لو سمحتوا انا هحجز سفر لجورجيا شهر...

[Ahmed Rohayem]

يا جماعة لو سمحتوا انا هحجز سفر لجورجيا شهر اكتوبر. بس كنت عاوز اعرف شوية حاجات مهمه. بعد اذنكوا
١- خطوات استخراج الفيزا لأني كنت فاكرها اون لاين وبتاخد كام يوم عمل.
٢- التصريح الأمني بياخد وقت قد ايه. مع العلم اني صيدلي في الباسبور .
٣- في السفر هقعد حوالي ١٩ ساعة في مطار اثينا . وزيهم اكيد وانا راجع . يعني هياكل وقت السفر كتير . هل أحجز طيران ذهاب بس وأسافر . ولما اخلص أحجز رجوع؟
٤- ايه اولوية الأماكن هناك للزيارة؟ يعني لو حد يقولي عشان مسيبش اي وسيلة استمتاع هناك.
٥- متوسط المصاريف هناك ممكن يبقي كام ؟
٦- لو في هوستلز كويسة حد نجربها ويكون سعرها كويس ممكن يقولي عليها ؟
وشكرا ليكم

 

[Dina Nabil]

انا كنت في هوستيل اسمه
Leader
في تبليسي كان صغير و رخيص بس بعيد سنة عن وسط البلد

 

[Ahmed Rohayem]

وَيَا ريت يا جماعة لو حد مسافر جورجيا الشهر الجاي يقولي عشان اظبط معاه

 

[RaNa Abd El-kareem]

حضرتك ممكن تشوف البوست ده
/Ahmed Ali
وممكن تكتب ف السيرش عالجروب جورجيا هتلاقي كذا بوست عن جورجيا وكل الاستفسارات هتلاقي اجابتها فالكومنتات
لاني برضو متابعه حوار جورجيا بقالي فتره ف بدور فالسيرش بتاع الجروب وبستفاد

 

[Moamen Elgergawy]

باتومي حلوة كنت شفت في السي ان ان تقرير عنها روووعة

 

[Hesham Hesho]

لازم حجز ذهاب وعوده دا اولا مفيهاش اختيار عشان التاشيره نوعها سياحه ثانيا ابعد عند ترنزيت اوربا عشان ممكن تحصل مشاكل فى المطار لو حضرتك مش معاك فيزا شنجن

 

[Yasser Khalil]

ترانزيت ١٩ ساعة في أوروبا يستلزم بالضرورة الحصول علي تأشيرة ترانزيت شنجن ،
كما أنه هناك مخاطرة كبيرة لو جواز سفرك لاتوجد به سفريات كثيرة أن يمنعوكً في مطار القاهرة من السفر حتي لو كان الترانزيت ساعات قليلة خوفا من تقديم لجوء ،
وفي هذه الحالة سيقومون بتحويلك علي طيران لشركة أخري كالتركية مثلا !!
اشتريت لصديق لي وأسرته تذاكر طيران لجورجيا وعملوا معاه الحركة دي وانتظر في المطار لساعات طويلة حتي ميعاد الرحلة المعدلة !!

 

[Mohamed Farghaly]

إزاي تقدم على فيزا جورجيا من السفارة والتقديم على الموافقة الأمنية

أولا: الفيزا أونلاين لجورجيا مش متاحة للمصرين لو انت مسافر من مصر ، إنما لو مسافر من أي دولة تانية ممكن تعمل اونلاين فيزا وتسافر عادي (تحديث بتاريخ 1 مايو 2017)

ثانيا: الأوراق المطلوبة للتقديم على الفيزا من السفارة ( جواز سفر ساري المفعول - كشف حساب بنكي على اخر 3 شهور فيه مبلغ مش اقل من 10.000 جنيه والأهم يكون عليه عمليات سحب وايداع كويسه، وكمان ينفع حساب الوالد أو الوالدة او دفتر توفير أو اي إثبات أملاك - خطاب من العمل "لو انت طالب أو طالبة بتجيب شهادة قيد من الجامعة" - حجز طيران وفندق مبدئي - تأمين طبي - صورتين شخصية 4x5 - الأبليكيشن اللى هتعمله من موقع السفارة + وتحديد الميعاد فى السفارة) جميع الأوراق تكون مترجمة للإنجليزية.

ثالثا: خطوات التقديم على فيزا سياحة لجورجيا من السفارة وتكون ملصقة على جواز السفر وبعدين هتقدم على الموافقة الأمنية
1- الدخول على موقع السفارة من هنــــا
2- ملئ الأبليكيشن من الموقع وكتابة كل بياناتك وتواريخ الذهاب والعودة وبعدين تطبعه وتوقع علي آخر صفحة وترفع الأبليكيشن تاني على الموقع بعد التوقيع.
3- أيداع 20$ فى حساب السفارة الجورجية فى بنك CIB على حساب رقم 5360300106.
4- تحميل ايصال البنك بالإيداع.
5- تحميل جواز السفر - حجز الفندق المبدئي - حجز الطيران المبدئي
6- تحميل صورة شخصية مقاس 4*5 خلفية بيضاء حديثة
7- تحميل كشف حساب على اخر 3 شهور لا يقل الرصيد عن 10 ألاف جنيه مصري.
8- تحميل التأمين الطبي ويكون قد المدة اللى هتقضيها فى جورجيا.
9- تحديد ميعاد لتقديم الأوراق فى السفارة.
10- طباعة جميع الأوراق والذهاب إلى السفارة فى الميعاد المحدد.
عنوان السفارة: 11 ميدان اسوان، الحويتية، الجيزة، مصر / رقم التليفون: 0020233044768
مهم جدا: لازم الأبليكيشن والحجوزات والتأمين الطبي تكون كلها بنفس المدة اللي هتقصيها فى جورجيا لأن الفيزا بتطلع بعدد الأيام اللى كاتبها فى الأبليكيشن.

رابعا: التقديم على الموافقة الأمنية للسفر لجورجيا
للعلم كل مرة بيكون فى قانون جديد ودي أخر قوانين موجوده دلوقتي:
- لو انت / انتي سنك من 18 لـ 40 سنة لازم تعمل موافقة أمنية علشان تسافر جورجيا بغض النظر عن مهنتك.
خطوات استخراج الموافقة الأمنية:
1- بعد متستلم الفيزا من السفارة بتروح مجمع التحرير وتصور الفيزا والباسبور وتكلفتها نص جنيه (لازم تكون عارف اسم والدك خماسي وتاريخ ميلاده لأنهم بيطلبوهم منك هناك)
2- الموافقة الأمنية بتستلمها بعد 4 أيام
3- الموافقة الأمنية صلاحيتها شهرين من تاريخ الإستلام.
4- مواعيد العمل من السبت للخميس من 8 صباحا لـ 1 ظهراً.
5- العنوان : مكتب رقم 15 - مكتب ظابط الإتصال - الدور الأول - مجمع التحرير- ميدان التحرير - القاهرة (أقرب مترو محطة السادات

 

[اميره سليم]

حد مسافر جورجيا شهر 1

 

[Mohamed Farghaly]

اصعب حاجه فيها بعد التصريح الامني سعر الطيران يا جماعه غالي اوي

 

[Ayman Sabri]

انا عملت بوست كامل عن جورجيا ... دور عليه في الجروب ... موضوع التذكرة لازم لازم تعمل ذهاب وعودة وحجز فندق وإلا حيرجعوك من المطار .. انزل مطار تبليسي الاجراءات فيه اسهل وحد القطر لباتومي او منطقة اجارا ... هيا رخيصة جدا وحلوة جدا

 

[David El Almany]

احجز اير كايرو من الغردقه-تبليسى مباشر

 

[Ezz Gaber]

افضل رحلات مباشره من غير ترانزيت من مطار الغردقه وارخص

 

[Ahmed Ali]

كم يوم الرحله مخطط لها على اساسها تقدر تحدد الاماكن
التذاكر اسعارها بتقل فى شهر اكتوبر لانه مش موسم سفر ممكن تلاقى طيران العربيه ارخص من اير كايرو وبتطلع من القاهره مش شرم والغردقه زى اير كايرو لكن اوقات بيكون ترانزيت كتير بيوصل ل ١٦ ساعه

 

[Ahmed Metwally Salem]

F

 

[Shrouk Mahmoud Osar]

ليه 19 ساعه مفيش تذكره مباشر من الغردقه

 

[Aly Hekal]

M

 

[Emad El Sayed]

خلي بالك عشان صحبي كان رايح جورجيا من لبنان .. وفي جوريا سألوه عن تيكيت العوده .
فا اضمن ان يكون معاك تيكت للعوده

 

[Adel Ramadan]

Mostafa Emam

 

[Marian Fawzy]

Kazbegi trip is a must as one day trip ,i can send u the number of the organizer for this trip