S
Shimaa Monir
:: مسافر ::
دايما كنت بتابع الجروب دة من علي الكنبة بس اقصد نظري بس مش عملي.... بقرا تجارب الاعضاء و تفاصيل سفرياتهم و احفظ البوست و خلاص، بس مؤخرا اتشجعت اني اسافر فعلا و الحمد لله قررت انتقل من النظري للعملي بقا...و طلعت رحله لماليزياالأسبوع اللى فات، و طبعا بنا اني استفدت جدا من الجروب، قررت اكتب تقرير مفصل عن رحلتي ف ماليزيا(5 ليالي كوالالمبور + 3 ليالي لنكاوي) عشان افيد غيري... و دة الجزء الاول 
شوفت اسعار باكدج شركات السياحة ل ماليزيا و قارنتها بالاسعار لو رحت بدون شركه سياحة (حجز طيران و فنادق لوحدي) و في الاخر اخترت اني اروح لوحدي توفير للسعر و كمان كل برامج شركات السياحة مش بيقدموا اي باكدج اضافيه سواء رحلات سياحيه في برنامج الرحلة، و لا انتقالات (يعني بيحجزلي فنادق و طيران ✈ بس)
ملحوظة: لو هتروح لوحدك بلد جديدة بدون وسيط او شركة, لازم سيرش كويس و تقرا كل حاجة عن المزارات و الاماكن و المواصلات و تنزل خريطة اونلابن و تفهم الدنيا قبل السفر.
1-حجزت طيران ✈ الامارتيه القاهرة دبي كوالالمبور من مكتب الاماراتيه في الدقي (كان نفس سعر سكاي سكانر) و ممكن تتابع الاسعار من skyscanner و تشوف افضل سعر بتواريخ مختلفه (مع مراعاة ان كل ما السعر قل، كل ما وقت الترانزيت في دبي يزيد) و تحجز من بدرى عشان السعر يبقى اقل .....و بردو مهم اني احجز طيران يوصل كوالالمبور الصبح مش بليل، عشان نلحق نستغل اليوم من اوله، ميضيعش يوم و كدا كدا في ليله فندق مدفوعة.
2-حجزت فندق ف كوالا (من موقع بوكينج) في شارع العرب bukit bintag و طبعا شوفت اراء الناس في الفندق من trip advisor & booking reviews
و شارع العرب دة مكان حيوي و قريب من المولات و المحلات العادية و محطات المترو و فيه مطاعم عربية كويسة زي طربوش، و متنسوش تجربوا مطعم nandos ليه فروع كتير و سعره معقول.
3-حجزت فندق في لنكاوي برضو اونلاين من بوكينج، اخترت ريزوت قريب من لنكاوي فير مول (لاحتياجاتي من الاكل او الشوبنج) و كمان قريب من المطار و الferry.
(ملحوظة: الحجز دة من بوكينج non refundable لانه سعره اقل، و لما توصل الفندق، لازم يشوفوا الفيزا اللي حجزت بيها من بوكينج)
ملحوظة: رانج اسعار الفنادق تقدر تشوفه من بوكينج و تشرفوا الاراء و التقييم لكل فندق.
4-حجزت طيران داخلي) كوالا لنكاوي) رايح جاي علي air asia و دة رخيص جدا، لانه بدون شنط و بدون وجبات و طياره صغيرة اوي. (في ناس بتروح بالعبارة ferry، بس بتاخد وقت طويل، فقررت اخد طيارة)
(تذكرة الطيران رايح جاي ب 100 رينجت و ممكن اقل حسب الوقت )
الحجز من الموقع او الapp بتاعهم او ممكن تحجز من مكاتب اير اسيا في كوالا (في فرع ف bukit bintag و في فرع في في kl sentral)
متنسوش تحجزوا وزن اضافي طبعا( 15 كيلو وزن اضافي ب60 رينجت رايج جاي،20 كيلو وزن اضافي ب70 رينجت رايح جاي) ، لان سعر التيكيت علي موقعهم بدون وزن و لا وجبات ( الوزن المجاني هو شنطة هاندباج 7 كيلو بس و بيوزنوا الهاند باج تخيلوا ) و لو نسيت و محجزتش وزن لحد قبل ميعاد الطيارة ب4 ساعات، هتدفع دم قلبك ف المطار وزن زيادة)
اما لو انتا راجع نفس مطار كوالالمبور تاني اشتري لوكر lockerفي مطار كوالالمبور و حط شنطتك فيه (من 20 ل 50 رينجت في اليوم تقريبا حسب حجم الشنطة)
5-بعد حجز الطيران الدولي و الداخلي و الفنادق، بدات اجمع تقارير تجارب اعضاء الجروب هنا عن رحلتهم لماليزيا، و عملت فايل به عشان منساش. (اعمل سيرش جوه الجروب بكلمة ماليزيا/كوالا/كوالالمبور, هتلاقى معلومات كتير)
6- الابليكشن اللي ساعدتني ف الرحله :
اولا ابليكشن grab دة زي اوبر كدة و افضل و ارخص من تاكسياتهم، و اشتركت ف باقه رومينج قبل السفر، اما اصحابي اشتروا خط ماليزيي ب50 رينجت (نت و مكالمات) من المطار
ثانيا ابليكشن visit a city
دة فيه تفاصيل عن اهم المزارات في كل بلد/ مدينة و سعر تذكرة دخول الاماكن السياحية ديه و مواعيد العمل و كدة و كمان map للبلد
ثالثا ابليكشن room 2 rio
دة بيساعدني اعرف ايه المواصلات اللي توديني من مكان لمكان جوه البلد، مثال يعني انا نزلت في فندق دورست كوالالمبور، و كنت عايزة اروح batu caves, بكتب
2 destination
و هو بيطلع اختيارات المواصلات اللي توصلك المكان(تاكسي /مترو و بيقولك المحطة اللي هتنزل فيها /باص رقم كذا) بالاسعار و وقت الطريق للمكان دة اد ايه...
رابعا: قبل حجز الرحله طبعا كنت بتابع الاسعار و بدور في ابليكشن booking/ airasia/scyscanner/Emirates نزلوهم عشان تعرفوا اسعار مبدئيه لكل حاجة
7- الرحله : ركبت طيارة الامارتيه من القاهرة لدبي 3 ساعات، طيران الامارتية خدمة ممتازة جدا و مضيفات قمر و ناقص ياخدوك بالحضن و نزلنا ترانزيت دبي 3 ساعات، السوق الحره هناك حلوة اوي .... خدوا بالكوا كويس من رقم gate للطيارة بتاعتكم، لان المطارضخم كبير جدا، عشان
ننتقل من gate ل gate خدنا حوالي نص ساعه...
(لو ترانزيت طويل في دبي، في vip lounge. بتدخله ترتاح و تمدد و تعيش حياتك و تاخد سناكس مجانيه، بس دة لو معاك بلاتنيوم كريديت كارد qnb او ماستر كارد بلاتينوم)
المهم ركبنا طيارة تانيه لكوالالمبور، طيران 7 ساعات طويل جدا، حاولنا ننام... منظر شروق الشمس من الطيارة رائع...وصلنا مطار كوالالمبور الدولي اسمه. Klia
(المطار الدومستيك للطيران الداخلي اسمه klia2)، طبعا مفيش فيزا للمصريين، هما شافوا الباسبور و ختم دخول و خد بصمه العين و دخلنا و اشترينا خط ماليزيا maxxis ف المطارب50 رينجت و بعدين طلبنا تاكسي بgrab.، خد 65 رينجت بس لحد الفندق في شارع العرب.
(ملحوظة لو كذا فرد و معاكوا شنط كتير اطلبوا(grab 6 seats) بتبقي عربيه حجمها اكبر و سعرها اعلي شويه, اما لو شخص واحد و معهوش شنط كتير، ممكن ميركبش تاكسي، ممكن يركب klia express ب 55 رينجت ، انزل الدور الارضي للمطار و اركبه و بيروح محطة kl sentral الرئيسية (بياخد نص ساعه وقت) ، دي محطة كبيرة زي التحرير عندنا، بتغير فيها و تركب لاي مكان، و طبعا ابليكشن rome2rio هيساعدك تعرف انسب المواصلات من المطار الي اسم فندقك و سعر التذكرة و تركب انهي خط و تغير منين)
8-الطقس: رحت فى شهر سبتمبر, كان الجو هناك حرو رطوبة و مطر فى كولالمبور (لكن لنكاوى كان مطر رهيب و رعد و برق و حر)، خد ملابس قطن خفيفه، بلاش جينز، و طبعا المشي كتير، فالافضل تلبس كوتشي مريح و خفيف.هات معاك شمسية.
9_الاكل هناك سعره رخيص، يعني وجبه كنتاكي و ماك و ساب واي متوسط سعر الوجبه 12 رينجت، و في مطاعم عربيه في شارع العرب زي طربوش، دة الوجبه ميكس جريل كانت ب50 رينجت، و في مطعم حلو اسمع ناندوس، له كذا فرع هناك، متوسط اسعاره 30 رينجت للوجبه، اما اشهر سوبر ماركت و له فروع كتير 7eleven
دة جبنا منه سناكس، مشروبات و كدة، المياة / البيبسي/العصير ب2 رينجت الواحدة
الفواكه روعه، الاناناس فظيع غير عندنا في مصر..البطيخ الاحمر و الاصفر، الكنتالوب،الكيوي، عصير الجوافه الاخضر
ملحوظة: اكلهم كله بيض ، بيحبوه اوي يظهر، بيفطروا رز و فراخ و بيض، فطار الفنادق مكانش فيه جبن بيضا، فيتا،رومي، و لا فول (ممكن تجيب معاك جبن )
10- السوال المعتاد، الرحله كلفتك كام ؟!
*الطيران : سعره يبدا من 7500 ج ع الامارتيه او الاتحاد و الاسعار بتتغير طبيعي كل شوية و حسب المواسم .
*الفنادق: حسب احتياجاتك، يعني في الرخيص و الغالي، القريب و البعيد، الخمس نجوم و 4 و 3... و فى شباب بتعرف تعيش فى الهوستلز.....كل واحد يختار حسب ميزانيته..
*البوكيت ماني: اكل و شرب و انتقالات و فسح (8 ليالى) كلفتني حوالى 250 ل300 دولار للفرد، بس كنت في جروب 3 افراد و بتحرك ب grab و نقسم التوصيله علينا
و كل الفسح دي رحناها لوحدنا، اقصد دفعت تذاكر الفسح دي ضمن البوكيت مانى
( batu caves,genting,butterfly park,birds park, klcc tower, sun way lagoon,upside down house,i city, sky cab lanckawi)
،انا رحت المزارت دى لوحدي، مش تبع اي tour هناك، لان السعر مختلف، حتي الفندق كان منظم نفس الفسح و المزارات، بس باسعار مضاعفة.
( ملحوظة البوكيت ماني مش ثابته،دة حسب طبيعه كل شخص و بيصرف ازاي و فين و راح فسح ايه, لانى طبعا مرحتش كل الحجات)
*الشوبنج: ميزانيته مفتوحه ملهوش حدود بالذات لو رحت في وقت تخفيضات، المحلات اللي جبت منها و كانت سعرها حلوو و عاملين خصومات
Brands, padini, vincci, sogo mall,giordano
اهم المولات اللي رحتها: Pavillion, klcc, Fahrenheit, sang yang,genting mall,sogo mall
انتظروني في الجزء الثاني، هاشرح فيه تفاصيل المزارات و الفسح في كوالالمبور و لنكاوي بالاسعار و بالتفصيل
شوفت اسعار باكدج شركات السياحة ل ماليزيا و قارنتها بالاسعار لو رحت بدون شركه سياحة (حجز طيران و فنادق لوحدي) و في الاخر اخترت اني اروح لوحدي توفير للسعر و كمان كل برامج شركات السياحة مش بيقدموا اي باكدج اضافيه سواء رحلات سياحيه في برنامج الرحلة، و لا انتقالات (يعني بيحجزلي فنادق و طيران ✈ بس)
ملحوظة: لو هتروح لوحدك بلد جديدة بدون وسيط او شركة, لازم سيرش كويس و تقرا كل حاجة عن المزارات و الاماكن و المواصلات و تنزل خريطة اونلابن و تفهم الدنيا قبل السفر.
1-حجزت طيران ✈ الامارتيه القاهرة دبي كوالالمبور من مكتب الاماراتيه في الدقي (كان نفس سعر سكاي سكانر) و ممكن تتابع الاسعار من skyscanner و تشوف افضل سعر بتواريخ مختلفه (مع مراعاة ان كل ما السعر قل، كل ما وقت الترانزيت في دبي يزيد) و تحجز من بدرى عشان السعر يبقى اقل .....و بردو مهم اني احجز طيران يوصل كوالالمبور الصبح مش بليل، عشان نلحق نستغل اليوم من اوله، ميضيعش يوم و كدا كدا في ليله فندق مدفوعة.
2-حجزت فندق ف كوالا (من موقع بوكينج) في شارع العرب bukit bintag و طبعا شوفت اراء الناس في الفندق من trip advisor & booking reviews
و شارع العرب دة مكان حيوي و قريب من المولات و المحلات العادية و محطات المترو و فيه مطاعم عربية كويسة زي طربوش، و متنسوش تجربوا مطعم nandos ليه فروع كتير و سعره معقول.
3-حجزت فندق في لنكاوي برضو اونلاين من بوكينج، اخترت ريزوت قريب من لنكاوي فير مول (لاحتياجاتي من الاكل او الشوبنج) و كمان قريب من المطار و الferry.
(ملحوظة: الحجز دة من بوكينج non refundable لانه سعره اقل، و لما توصل الفندق، لازم يشوفوا الفيزا اللي حجزت بيها من بوكينج)
ملحوظة: رانج اسعار الفنادق تقدر تشوفه من بوكينج و تشرفوا الاراء و التقييم لكل فندق.
4-حجزت طيران داخلي) كوالا لنكاوي) رايح جاي علي air asia و دة رخيص جدا، لانه بدون شنط و بدون وجبات و طياره صغيرة اوي. (في ناس بتروح بالعبارة ferry، بس بتاخد وقت طويل، فقررت اخد طيارة)
(تذكرة الطيران رايح جاي ب 100 رينجت و ممكن اقل حسب الوقت )
الحجز من الموقع او الapp بتاعهم او ممكن تحجز من مكاتب اير اسيا في كوالا (في فرع ف bukit bintag و في فرع في في kl sentral)
متنسوش تحجزوا وزن اضافي طبعا( 15 كيلو وزن اضافي ب60 رينجت رايج جاي،20 كيلو وزن اضافي ب70 رينجت رايح جاي) ، لان سعر التيكيت علي موقعهم بدون وزن و لا وجبات ( الوزن المجاني هو شنطة هاندباج 7 كيلو بس و بيوزنوا الهاند باج تخيلوا ) و لو نسيت و محجزتش وزن لحد قبل ميعاد الطيارة ب4 ساعات، هتدفع دم قلبك ف المطار وزن زيادة)
اما لو انتا راجع نفس مطار كوالالمبور تاني اشتري لوكر lockerفي مطار كوالالمبور و حط شنطتك فيه (من 20 ل 50 رينجت في اليوم تقريبا حسب حجم الشنطة)
5-بعد حجز الطيران الدولي و الداخلي و الفنادق، بدات اجمع تقارير تجارب اعضاء الجروب هنا عن رحلتهم لماليزيا، و عملت فايل به عشان منساش. (اعمل سيرش جوه الجروب بكلمة ماليزيا/كوالا/كوالالمبور, هتلاقى معلومات كتير)
6- الابليكشن اللي ساعدتني ف الرحله :
اولا ابليكشن grab دة زي اوبر كدة و افضل و ارخص من تاكسياتهم، و اشتركت ف باقه رومينج قبل السفر، اما اصحابي اشتروا خط ماليزيي ب50 رينجت (نت و مكالمات) من المطار
ثانيا ابليكشن visit a city
دة فيه تفاصيل عن اهم المزارات في كل بلد/ مدينة و سعر تذكرة دخول الاماكن السياحية ديه و مواعيد العمل و كدة و كمان map للبلد
ثالثا ابليكشن room 2 rio
دة بيساعدني اعرف ايه المواصلات اللي توديني من مكان لمكان جوه البلد، مثال يعني انا نزلت في فندق دورست كوالالمبور، و كنت عايزة اروح batu caves, بكتب
2 destination
و هو بيطلع اختيارات المواصلات اللي توصلك المكان(تاكسي /مترو و بيقولك المحطة اللي هتنزل فيها /باص رقم كذا) بالاسعار و وقت الطريق للمكان دة اد ايه...
رابعا: قبل حجز الرحله طبعا كنت بتابع الاسعار و بدور في ابليكشن booking/ airasia/scyscanner/Emirates نزلوهم عشان تعرفوا اسعار مبدئيه لكل حاجة
7- الرحله : ركبت طيارة الامارتيه من القاهرة لدبي 3 ساعات، طيران الامارتية خدمة ممتازة جدا و مضيفات قمر و ناقص ياخدوك بالحضن و نزلنا ترانزيت دبي 3 ساعات، السوق الحره هناك حلوة اوي .... خدوا بالكوا كويس من رقم gate للطيارة بتاعتكم، لان المطارضخم كبير جدا، عشان
ننتقل من gate ل gate خدنا حوالي نص ساعه...
(لو ترانزيت طويل في دبي، في vip lounge. بتدخله ترتاح و تمدد و تعيش حياتك و تاخد سناكس مجانيه، بس دة لو معاك بلاتنيوم كريديت كارد qnb او ماستر كارد بلاتينوم)
المهم ركبنا طيارة تانيه لكوالالمبور، طيران 7 ساعات طويل جدا، حاولنا ننام... منظر شروق الشمس من الطيارة رائع...وصلنا مطار كوالالمبور الدولي اسمه. Klia
(المطار الدومستيك للطيران الداخلي اسمه klia2)، طبعا مفيش فيزا للمصريين، هما شافوا الباسبور و ختم دخول و خد بصمه العين و دخلنا و اشترينا خط ماليزيا maxxis ف المطارب50 رينجت و بعدين طلبنا تاكسي بgrab.، خد 65 رينجت بس لحد الفندق في شارع العرب.
(ملحوظة لو كذا فرد و معاكوا شنط كتير اطلبوا(grab 6 seats) بتبقي عربيه حجمها اكبر و سعرها اعلي شويه, اما لو شخص واحد و معهوش شنط كتير، ممكن ميركبش تاكسي، ممكن يركب klia express ب 55 رينجت ، انزل الدور الارضي للمطار و اركبه و بيروح محطة kl sentral الرئيسية (بياخد نص ساعه وقت) ، دي محطة كبيرة زي التحرير عندنا، بتغير فيها و تركب لاي مكان، و طبعا ابليكشن rome2rio هيساعدك تعرف انسب المواصلات من المطار الي اسم فندقك و سعر التذكرة و تركب انهي خط و تغير منين)
8-الطقس: رحت فى شهر سبتمبر, كان الجو هناك حرو رطوبة و مطر فى كولالمبور (لكن لنكاوى كان مطر رهيب و رعد و برق و حر)، خد ملابس قطن خفيفه، بلاش جينز، و طبعا المشي كتير، فالافضل تلبس كوتشي مريح و خفيف.هات معاك شمسية.
9_الاكل هناك سعره رخيص، يعني وجبه كنتاكي و ماك و ساب واي متوسط سعر الوجبه 12 رينجت، و في مطاعم عربيه في شارع العرب زي طربوش، دة الوجبه ميكس جريل كانت ب50 رينجت، و في مطعم حلو اسمع ناندوس، له كذا فرع هناك، متوسط اسعاره 30 رينجت للوجبه، اما اشهر سوبر ماركت و له فروع كتير 7eleven
دة جبنا منه سناكس، مشروبات و كدة، المياة / البيبسي/العصير ب2 رينجت الواحدة
الفواكه روعه، الاناناس فظيع غير عندنا في مصر..البطيخ الاحمر و الاصفر، الكنتالوب،الكيوي، عصير الجوافه الاخضر
ملحوظة: اكلهم كله بيض ، بيحبوه اوي يظهر، بيفطروا رز و فراخ و بيض، فطار الفنادق مكانش فيه جبن بيضا، فيتا،رومي، و لا فول (ممكن تجيب معاك جبن )
10- السوال المعتاد، الرحله كلفتك كام ؟!
*الطيران : سعره يبدا من 7500 ج ع الامارتيه او الاتحاد و الاسعار بتتغير طبيعي كل شوية و حسب المواسم .
*الفنادق: حسب احتياجاتك، يعني في الرخيص و الغالي، القريب و البعيد، الخمس نجوم و 4 و 3... و فى شباب بتعرف تعيش فى الهوستلز.....كل واحد يختار حسب ميزانيته..
*البوكيت ماني: اكل و شرب و انتقالات و فسح (8 ليالى) كلفتني حوالى 250 ل300 دولار للفرد، بس كنت في جروب 3 افراد و بتحرك ب grab و نقسم التوصيله علينا
و كل الفسح دي رحناها لوحدنا، اقصد دفعت تذاكر الفسح دي ضمن البوكيت مانى
( batu caves,genting,butterfly park,birds park, klcc tower, sun way lagoon,upside down house,i city, sky cab lanckawi)
،انا رحت المزارت دى لوحدي، مش تبع اي tour هناك، لان السعر مختلف، حتي الفندق كان منظم نفس الفسح و المزارات، بس باسعار مضاعفة.
( ملحوظة البوكيت ماني مش ثابته،دة حسب طبيعه كل شخص و بيصرف ازاي و فين و راح فسح ايه, لانى طبعا مرحتش كل الحجات)
*الشوبنج: ميزانيته مفتوحه ملهوش حدود بالذات لو رحت في وقت تخفيضات، المحلات اللي جبت منها و كانت سعرها حلوو و عاملين خصومات
Brands, padini, vincci, sogo mall,giordano
اهم المولات اللي رحتها: Pavillion, klcc, Fahrenheit, sang yang,genting mall,sogo mall
انتظروني في الجزء الثاني، هاشرح فيه تفاصيل المزارات و الفسح في كوالالمبور و لنكاوي بالاسعار و بالتفصيل
