S
Sherehan Shere
:: مسافر ::
كان نفسى أنزله من ساعه ما رجعت بس للاسف كان عندى ضغط شغل
ده تقرير رحلتى بالظبط بكل تفاصيلها ل [HASHTAG]#Dahab[/HASHTAG] وال عاوز يسأل يتفضل اكيد ولو بنات عاوزين يسافروا لوحدهم وحابين ده يسافروا وميقلقوش انا كنت لوحدى...
#تعديل اسفه جداااا مش هقول ع الكامب ولا هوفين فيه ناس دخلتلى بتقولى انتى بتسوقى للكامب انا ولا بسوق ولا حاجه دى تجربة حبيت انقلها وبرضو لو روحتوا سألتوا هناك ال يسأل ميتوهش شكرا لحضراتكم.
1- حجزت جوباص من عند نادى السكه ع حسب أقرب مكان لبيتى وفيه من وسط البلد الفرق بس بيبقى ف نص ساعه لأنه بيروح الأول وسط البلد ويرجع ع نادى السكة وينطلق.. هو مواعيده مظبوطة شويه يعنى ممكن يتأخر بس 20 دقيقة التيكت وانا رايحه كان 145 وانا راجعه 175 والفرق ده انت عاوزة بعد 8 مساء والا بعد 2 صباحا وبيختلف ف الفئه....
2- كنت مكلمه حد من هنا عشان يحجزلى كامب هناك وأنا كنت سنجل فاخدت الغرفه من غير تكييف بمروحتين وتواليت خاص بالغرفه وسريرين ع فكرة فقط ب 100ج ..وفيه طبعا فنادق وبتبقى ببول وحلوة بس عشان اغطى مصاريف الاكتيفتيس ال كنت عاوزاها والدوبل وبتكييف ب 150ج لليله ...
3- طبعا اول يوم استكشفت البلد ..وفيه هناك المشايه ودى ال بتدخلك للايت هاوس دى كلها هدوم ومطاعم وقدام شوية الايت هاوس "الشواطئ" وبرضو كلها كافيهات ومطاعم وفيه عند المشايه ناس بتعمل اكل بيتى وف محلات ونضيف جداا انا مش فاكرة اسامى بصراحه"
4- تانى يوم اتفقت مع حد من مكتب سياحه يحجزلى عربية عشان تودينى #البلوهول #وابوجالوم #والبلو لاجون وده كان ب 200 ورجعت ع البلو هول اتغديت من ضمن التكلفه برضو والوجبه عبارة عن "ربع فرخه وطبق سوتية وارز" وطبعا البلو هول زى ما بيقولوا عنه عشق الموت للأعشاب المرجانية وده لل عاوز يعمل سنوركلينج يعنى بلاش شجاعه المصريين تظهر هنا عشان كان لسه فيه غواص مات فيه وهو بينقذ صاحبته ...
5-تالت يوم عملت جولة للثرى بولز وده يعتبر 3 بوول برضو فيه اعشاب مرجانية بس ع صغير شوية ...
6-رابع يوم عملت سفارى بالبيتش باجى كانت ب 200 برضو وطلعت وقت الغروب وروحنا قعدنا شوية ف #جبل_الطويلات هناك قابلت اجانب كتير وكانت هيصه طبعا وتنطيط وبتشرب شاى ب 15ج والميه ب 10 الصغيرة ... ورجعت بليل وده كان حظى ع نايت لايف ودى كان بقالها كتير متعملتش بس كانت حلوة جداا ..
7-خامس يوم والمكان ده بجد وهم اسمه #لاجونا بجد منك لربنا عالطول طبعا بتقعد تعد النجوم بليل وحقيقى مبتعرفش تعد انت مش شايف غير سما وبحر والنجوم هى ال منورالك... بجد احلى مكان استمتعت بيه... وفيه ناس كانت عامله باربكيو وجايبين مشويات وكده بس بصراحه معملتش ده جبت كشرى لانى كنت مخنوقة من اكل المطاعم ع اللايت هاوس برضو مشويات المهم ان بجد ده مكان وهمى قاعده صفا مع نفسك كده ...واتكلف مواصلات بس ب 30ج وطبعا الكشرى ب 25 ج
8- المكان د ختمت بيه بس الشروق اسمه #EVERY_DAY ده كافيه بس منك لربنا برضو قصدى للسماء وقعدته حلوة جدااا ومريحه اوى
بصراحه كان فيه اكتر يتعمل بس انا ملحقتش عشان وقتى كان محدود
بجد اوحش حاجه هناك المياه مالحه اوى تقريبا اغلبية فلوسى للميه شرب وشاور بس يالا بقى المهم انى كنت مبسوطة جدااا
#دهب فيه ناس بتروحها استجمام مع نفسها وفيه ناس بتروحها عشان الاكتيفيتس ال فيها انت ومزاجك طبعا لكن كلنا متفقين انها ريزورت حلوة اوى حقيقى
#مصر بجد وخصوصا سيناء حلوة اوى وفيها كتير جداا ...نلف هنا االأول وبعدين ندور ع بره ...التقرير الجاى بإذن الله هيكون عن سيوة ...
ال عاوز يسأل عن حاجه تحت امره .
ده تقرير رحلتى بالظبط بكل تفاصيلها ل [HASHTAG]#Dahab[/HASHTAG] وال عاوز يسأل يتفضل اكيد ولو بنات عاوزين يسافروا لوحدهم وحابين ده يسافروا وميقلقوش انا كنت لوحدى...
#تعديل اسفه جداااا مش هقول ع الكامب ولا هوفين فيه ناس دخلتلى بتقولى انتى بتسوقى للكامب انا ولا بسوق ولا حاجه دى تجربة حبيت انقلها وبرضو لو روحتوا سألتوا هناك ال يسأل ميتوهش شكرا لحضراتكم.
1- حجزت جوباص من عند نادى السكه ع حسب أقرب مكان لبيتى وفيه من وسط البلد الفرق بس بيبقى ف نص ساعه لأنه بيروح الأول وسط البلد ويرجع ع نادى السكة وينطلق.. هو مواعيده مظبوطة شويه يعنى ممكن يتأخر بس 20 دقيقة التيكت وانا رايحه كان 145 وانا راجعه 175 والفرق ده انت عاوزة بعد 8 مساء والا بعد 2 صباحا وبيختلف ف الفئه....
2- كنت مكلمه حد من هنا عشان يحجزلى كامب هناك وأنا كنت سنجل فاخدت الغرفه من غير تكييف بمروحتين وتواليت خاص بالغرفه وسريرين ع فكرة فقط ب 100ج ..وفيه طبعا فنادق وبتبقى ببول وحلوة بس عشان اغطى مصاريف الاكتيفتيس ال كنت عاوزاها والدوبل وبتكييف ب 150ج لليله ...
3- طبعا اول يوم استكشفت البلد ..وفيه هناك المشايه ودى ال بتدخلك للايت هاوس دى كلها هدوم ومطاعم وقدام شوية الايت هاوس "الشواطئ" وبرضو كلها كافيهات ومطاعم وفيه عند المشايه ناس بتعمل اكل بيتى وف محلات ونضيف جداا انا مش فاكرة اسامى بصراحه"
4- تانى يوم اتفقت مع حد من مكتب سياحه يحجزلى عربية عشان تودينى #البلوهول #وابوجالوم #والبلو لاجون وده كان ب 200 ورجعت ع البلو هول اتغديت من ضمن التكلفه برضو والوجبه عبارة عن "ربع فرخه وطبق سوتية وارز" وطبعا البلو هول زى ما بيقولوا عنه عشق الموت للأعشاب المرجانية وده لل عاوز يعمل سنوركلينج يعنى بلاش شجاعه المصريين تظهر هنا عشان كان لسه فيه غواص مات فيه وهو بينقذ صاحبته ...
5-تالت يوم عملت جولة للثرى بولز وده يعتبر 3 بوول برضو فيه اعشاب مرجانية بس ع صغير شوية ...
6-رابع يوم عملت سفارى بالبيتش باجى كانت ب 200 برضو وطلعت وقت الغروب وروحنا قعدنا شوية ف #جبل_الطويلات هناك قابلت اجانب كتير وكانت هيصه طبعا وتنطيط وبتشرب شاى ب 15ج والميه ب 10 الصغيرة ... ورجعت بليل وده كان حظى ع نايت لايف ودى كان بقالها كتير متعملتش بس كانت حلوة جداا ..
7-خامس يوم والمكان ده بجد وهم اسمه #لاجونا بجد منك لربنا عالطول طبعا بتقعد تعد النجوم بليل وحقيقى مبتعرفش تعد انت مش شايف غير سما وبحر والنجوم هى ال منورالك... بجد احلى مكان استمتعت بيه... وفيه ناس كانت عامله باربكيو وجايبين مشويات وكده بس بصراحه معملتش ده جبت كشرى لانى كنت مخنوقة من اكل المطاعم ع اللايت هاوس برضو مشويات المهم ان بجد ده مكان وهمى قاعده صفا مع نفسك كده ...واتكلف مواصلات بس ب 30ج وطبعا الكشرى ب 25 ج
8- المكان د ختمت بيه بس الشروق اسمه #EVERY_DAY ده كافيه بس منك لربنا برضو قصدى للسماء وقعدته حلوة جدااا ومريحه اوى
بصراحه كان فيه اكتر يتعمل بس انا ملحقتش عشان وقتى كان محدود
بجد اوحش حاجه هناك المياه مالحه اوى تقريبا اغلبية فلوسى للميه شرب وشاور بس يالا بقى المهم انى كنت مبسوطة جدااا
#دهب فيه ناس بتروحها استجمام مع نفسها وفيه ناس بتروحها عشان الاكتيفيتس ال فيها انت ومزاجك طبعا لكن كلنا متفقين انها ريزورت حلوة اوى حقيقى
#مصر بجد وخصوصا سيناء حلوة اوى وفيها كتير جداا ...نلف هنا االأول وبعدين ندور ع بره ...التقرير الجاى بإذن الله هيكون عن سيوة ...
ال عاوز يسأل عن حاجه تحت امره .