الفيوم فيها فندقين حلوين اوى laz ibin وده...

[Rofida Emad]

الفيوم فيها فندقين حلوين اوى laz ibin
وده اسعاره غالية شوية فى موسم بيكون ب2500 وفى موسم بيكون ب5000 طبعا اللى يقدر يروحوا هيكون تحفة اللى مش هيقدر ممكن يروح فندق
Kom el dikka lodge
وده يعتبر اسعاره معقولة الليلة بتكون حوالى 1500 فطار بس وبالنسبة للغذاء المنيو كلها اسعارها معقولة طيب اولا هو مناسب للاطفال جدا كمان يعنى فى انشطة كتيرة يقدروا يعملوها pick and buy organic
Vegetables

Fishing
Ride boat
Pottery cafe
Ride horse
Petting zoo
Cycling
كل حاجة بتمن بس فلوس قليلة انا صورت اسعار كل حاجة فى activities
وطبعا تقدرتصطاد السمك تخلى المطعم فى الفندق ويعملهولك على الغذاء و
طبعا المعاملة هناك فى المكان محترمة جدا تحفة
المكان نضيف اوى وكمان فى حمام سباحة تحت الانشاء قلولى كام شهر وهيخلص بالنسبة للمكان متقسم لمكان ياخد تلات افراد ده حجرة وصالة بجنينة ومكان تانى يسعى لحد تمن افراد وطبعا فى سفارى هناك بتكون لوادى الريان ووادى الحيتان وsandboarding
بس انا مروحتش السفارى علشان معايا طفلة سنة وبرضوا صورت صورة اسعار السفارى وانتوا جايين المكان فى زى بوتجاز وتلاجة وكل حاجة ممكن تجيبوا الغذاء معاكوا بس مفيش سوبر ماركت كبير فلو هتيجوا هاتوا احتياجتكوا معاكوا
وعلفكرة الفيوم طريقها ساعة ونص تقريبا والطريق كويس ان شاء الله

 

[Vito Amen Mounirian]

كتير اسعار الفندقين بالنسبة لليلة وعموما انا لما بروح الفيوم بنزل في مكان اسمه تونس وببات هناك في مكان ظريف اليوم ب 100 جنيه ووجبة الفطار مابتتعداش 30 جنيه الفرد والغدا 70 جنيه

 

[Muhammed Halawany]

لامؤاخذه بس ، فيوم ايه الاي ادفع فيها ١٥٠٠ و ٥٠٠٠ في الليله ، دي مهما راحت او جت اسمها الفيوم !!

 

[Ahmed Ragab]

انت بنت صاحب الفندق؟ انا من الفيوم والاسعار دي مبالغ فيها.

 

[محمد الأمير]

انا معلوماتي أن الفيوم مفهاش فندق حلو غير الاوبرج

 

[Bassem Khater]

٥٠٠٠ وفيوم don't mix

 

[Shaymaa Mersal]

طب فنادق ايه حلوة في الفيوم ويكون سعرها كويس

 

[Soha El Nassag]

الاسعار مبالغ فيها جدا حتى الصور عادية جدا جدا
دة شكل غرفة النوم اللى فى فندق اليوم ب-١٥٠٠ لايمكن طبعا

 

[Sara Okasha]

Mai Okasha Aboelfadle

 

[Ahmed Elshreff]

انا روحت الفندق ده في الفيوم بصراحه كان روعه اسمه bayoum lakeside hotel كل حاجه فيه كانت رهيبه بصراحه تعامل ونضافه واستقبال وكل حاجه روحنا في weekend الاوضه الفردي كانت ب 750 شامل فطار وحجزنا اوضه ثلاثه كانت ب1300 والغدا مثلا تزود حوالي 70 جنيه ده قريب جدا من قريه تونس حوالي 5 دقايق او اقل الصورة دي من الغرفه بدون edit

 

[Ibrahim Shaheen]

البوست ده قفلني من الفيوم كلها تصدق بقي

 

[Ahmed Atteya]

منظر ومنشآت الفندق حتي ولو كانت بتعبر عن الديكور القروي لا يستاهل اطلاقا 200 جنيه مش الفين جنينه وكمان بدون حمام سباحه..بصراحه مبلغ مباااالغ فيه جداااا

 

[Mohamed Goudaa]

معلش انا مش لاقي الصور بتاعة اسعار الانشطة و السفاري.
انا بيفتح عندي 25 صورة، كده كلهم ولا المشكلة عندي في الفيسبوك ابليكيشن

 

[Enass Attia]

فيه هلنان اللي كان اسمه اوبرج الفيوم سابقا
حلو وعلي البحيره

 

[Hatem Ezz]

1500ف اليوم ليه هو صاحب الفندق ده حاطط ف الاوض كوتش اميجو إللى بينور هدية !!!

 

[Mai Elshafey]

f

 

[Amir Osama Hamza]

فاكِس، الفيوم كفاية عليها زيارة يوم واحد صد رد

 

[Marwa Eid]

Maissa Eid Mohamed Afifi

 

[Abdelrahman Mohamed]

انا خدمة الجيش بتاعى ف الفيوم شوفت ايام سودة والله
مفتكرش انى هروح البلد دى تانى بعد م اخلص جيش حتى لو فى هناك كنز

 

[Rofida Emad]