A
Amany G Mohammad
:: مسافر ::
رحت مرسي علم في الاجازه اللي فاتت.. كنت محتاره بينها وبين دهب ولحسن حظي اخترت مرسي علم... هدوء جدا ... بلد رايقه ولما تبقي في مكان زحمه يبقي معاك بتاع 20 واحد مثلا...
رحت شواطئ حنكوراب والنيزك مرتين والقلعان وصمداي مارحتش ابو دباب عشان كنت شبعت بحر رحت سفاري وعشا بدوي وبت ليله في كامب في الصحرا يجنن اسمه وادي السيفين...
سافرت لوحدي وقعدت في فندق اسمه ريد سي ... اللي اختارلي الفندق كان شاب من اهل البلد اسمه مؤمن العبادي... قالي علي الاماكن وتكاليفها وخطه الاقامه وساعدني في كل خطوه عملتها لدرجه حجزلي الاتوبيس من مرسي علم لاني ماكنتش فاضيه اسافر القاهره واحجز لاني من الشرقيه... الفندق كان نضيف والاوضه واسعه حبتها جدا والناس مرحبين وخدومين وقعدت اول يومين تلاته في الفندق لوحدي تماما مفيش نزلا غيري... قابلت اهل مرسي علم الموجودين معانا هنا في الجروب كرما جدا فوق الوصف وناس في منتهي الرقي ماقابلتش حد عاملني وحش في اي مكان... انا اخدت اتوبيس اكوا شرم كان اتوبيس تعبان وسواق كويس... وحجزت وانا راجعه مع الخليجيه اتوبيس حلو جدا بس اللي يستحمل بقي في الاتنين وش الاغاني بتاعه السواقين عشان ده اوبشن اجباري هايحب الشركات دي.. عن نفسي هرجع اركب جو باص بسبب الصداع اللي بيشغلوه
ليله الفندق السينجل كانت ب 200 جنيه بالفطار بس انا ماكنتش بصحي للفطار ومابحبش الانواع المقدمه فيه كانوا بيطلعولي لبن وباتيه كتر الف خيرهم... رحت كافيه عجبني جدا اسمه ديسباسيتو اسعاره ماشفتش زيها في حته رخيص جدا ومكان نضيف وكنت بتغدي او بطلب ديليفري من المشربيه تقريبا المطعم الوحيد هناك... أسعار كويسه برضه واكل حلو... المشكله الكبيره هناك كانت ان مكان زي حنكوراب والنيزك مافيهوش تجهيزات... يعني حنكوراب فيه 3 حمامات اللي شغالين ومن غير دوش والميه بتخلص علي طول ف ترجع بملحك لحد الفندق النيزك نفس النظام مفيش مرافق خالص لكن ميه ممتعه وسنوركلينج وتحب تقعد فيها طول اليوم.. القلعان هو اللي فيه حمامات ودوش لكن البحر هناك مش اد كده بس انت تروح عشان المنظر وشجر المنجاروف في هناك مطعم الوجبه فيه ب 120 جنيه ماكلتش هناك عشان ماحبتش الاكل (سمك فيليه مقلي ورز او مكرونه وبتنجان) ... حنكوراب رسم الدخول فيه 15 جنيه وتقدر تأجر من هناك زعانف ونضارات ولايف جاكيت بس لو الدنيا زحمه ممكن يخلصوا... ... رسم دخول القلعان 10 جنيه وقابلت ناس المرشدين بتوعهم دفعوهم أضعاف الارقام دي استغلالا لعدم معرفتهم بالاسعار ... انبسطت جدا في السفاري دفعت 350 للبيتش باجي و100 مواصلات كنت المصريه الوحيده واتعاملت احسن من الأجانب الجايدز كانوا واخدين بالهم مني جدا عشان اول مره كنت اركب بيتش باجي ورونا جبل الازاز وشربنا شاي في خيمه بدويه ورجعنا بعد 3 ساعات تقريبا
العشا البدوي اتكلف 140 جنيه لكل فرد بالمواصلات والليله في الكامب ب 50 جنيه... الاسعار دي بتعتمد علي عدد المجموعه
طلعت مع مجموعه رحله بمركب صيد صغير لكن ماكلمناهاش بسبب دوار البحر... لكن انبسطت جدا برضه وكانت مغامره بالنسبه لي لاني بخاف من البحر اصلا ... الرحله كانت ب 400 جنيه ويمكن كانت تتكلف 600 لو كنا قعدنا اكتر
انبسطت في كل مكان رحته وكونت صداقات جديده مع المجموعات اللي طلعت رحلات معاهم وبشكر من كل قلبي مؤمن اللي ساعدني كتير جدا وعرفني علي ناس لطاف وخلي اجازتي جميله وآمنة بدون اي مقابل... واستاذ احمد العنتبلي واستاذ احمد حامد علي كرمهم وحسن ضيافتهم وجو الالفه اللي ماحسسنيش اني في بلد غريبه ابدا
المره الجايه هاروح ابو دباب وهاغطس في القصير وابيت تاني في كامب وادي السيفين
التصوير مش اد كده بس احسن من مفيش
تعديل : اجمالي الرحله عدي ال 3 الف جنيه لكن ده مش معيار لاني مسرفه ومش عارفه حتي الان راحوا فين في ناس صرفت اقل مني بكتير خصوصا اللي بيتحركوا في مجموعات كبيره
*هناك مفيش مواصلات في عربيات مخصوصه بيسموها ليموزين لو كنتو 5 توفر معاكو جامد وتدفعوا ف المشوار كل واحد 20 جنيه مثلا لكن انا كنت بدفع 100 لوحدي...
اللي معاه عربيه هيرتاح كتير لكن انت ممكن تتفق مع عربيه تاخد رقمها من هنا من مؤمن او استاذ احمد العنتبلي او أستاذ احمد حامد تقضي بيها كل مشاويرك ولما تكونوا كتير تقسموا الفلوس عليكو
*نسيت اقول اني اشتريت تذكارات من بازار اسمه محمد احمد جمب كافيه الجيمس الاسعار فيه كويسه جدا كانك بتشتري من مكان عادي مش مكان سياحي
رحت شواطئ حنكوراب والنيزك مرتين والقلعان وصمداي مارحتش ابو دباب عشان كنت شبعت بحر رحت سفاري وعشا بدوي وبت ليله في كامب في الصحرا يجنن اسمه وادي السيفين...
سافرت لوحدي وقعدت في فندق اسمه ريد سي ... اللي اختارلي الفندق كان شاب من اهل البلد اسمه مؤمن العبادي... قالي علي الاماكن وتكاليفها وخطه الاقامه وساعدني في كل خطوه عملتها لدرجه حجزلي الاتوبيس من مرسي علم لاني ماكنتش فاضيه اسافر القاهره واحجز لاني من الشرقيه... الفندق كان نضيف والاوضه واسعه حبتها جدا والناس مرحبين وخدومين وقعدت اول يومين تلاته في الفندق لوحدي تماما مفيش نزلا غيري... قابلت اهل مرسي علم الموجودين معانا هنا في الجروب كرما جدا فوق الوصف وناس في منتهي الرقي ماقابلتش حد عاملني وحش في اي مكان... انا اخدت اتوبيس اكوا شرم كان اتوبيس تعبان وسواق كويس... وحجزت وانا راجعه مع الخليجيه اتوبيس حلو جدا بس اللي يستحمل بقي في الاتنين وش الاغاني بتاعه السواقين عشان ده اوبشن اجباري هايحب الشركات دي.. عن نفسي هرجع اركب جو باص بسبب الصداع اللي بيشغلوه
ليله الفندق السينجل كانت ب 200 جنيه بالفطار بس انا ماكنتش بصحي للفطار ومابحبش الانواع المقدمه فيه كانوا بيطلعولي لبن وباتيه كتر الف خيرهم... رحت كافيه عجبني جدا اسمه ديسباسيتو اسعاره ماشفتش زيها في حته رخيص جدا ومكان نضيف وكنت بتغدي او بطلب ديليفري من المشربيه تقريبا المطعم الوحيد هناك... أسعار كويسه برضه واكل حلو... المشكله الكبيره هناك كانت ان مكان زي حنكوراب والنيزك مافيهوش تجهيزات... يعني حنكوراب فيه 3 حمامات اللي شغالين ومن غير دوش والميه بتخلص علي طول ف ترجع بملحك لحد الفندق النيزك نفس النظام مفيش مرافق خالص لكن ميه ممتعه وسنوركلينج وتحب تقعد فيها طول اليوم.. القلعان هو اللي فيه حمامات ودوش لكن البحر هناك مش اد كده بس انت تروح عشان المنظر وشجر المنجاروف في هناك مطعم الوجبه فيه ب 120 جنيه ماكلتش هناك عشان ماحبتش الاكل (سمك فيليه مقلي ورز او مكرونه وبتنجان) ... حنكوراب رسم الدخول فيه 15 جنيه وتقدر تأجر من هناك زعانف ونضارات ولايف جاكيت بس لو الدنيا زحمه ممكن يخلصوا... ... رسم دخول القلعان 10 جنيه وقابلت ناس المرشدين بتوعهم دفعوهم أضعاف الارقام دي استغلالا لعدم معرفتهم بالاسعار ... انبسطت جدا في السفاري دفعت 350 للبيتش باجي و100 مواصلات كنت المصريه الوحيده واتعاملت احسن من الأجانب الجايدز كانوا واخدين بالهم مني جدا عشان اول مره كنت اركب بيتش باجي ورونا جبل الازاز وشربنا شاي في خيمه بدويه ورجعنا بعد 3 ساعات تقريبا
العشا البدوي اتكلف 140 جنيه لكل فرد بالمواصلات والليله في الكامب ب 50 جنيه... الاسعار دي بتعتمد علي عدد المجموعه
طلعت مع مجموعه رحله بمركب صيد صغير لكن ماكلمناهاش بسبب دوار البحر... لكن انبسطت جدا برضه وكانت مغامره بالنسبه لي لاني بخاف من البحر اصلا ... الرحله كانت ب 400 جنيه ويمكن كانت تتكلف 600 لو كنا قعدنا اكتر
انبسطت في كل مكان رحته وكونت صداقات جديده مع المجموعات اللي طلعت رحلات معاهم وبشكر من كل قلبي مؤمن اللي ساعدني كتير جدا وعرفني علي ناس لطاف وخلي اجازتي جميله وآمنة بدون اي مقابل... واستاذ احمد العنتبلي واستاذ احمد حامد علي كرمهم وحسن ضيافتهم وجو الالفه اللي ماحسسنيش اني في بلد غريبه ابدا
المره الجايه هاروح ابو دباب وهاغطس في القصير وابيت تاني في كامب وادي السيفين
التصوير مش اد كده بس احسن من مفيش
تعديل : اجمالي الرحله عدي ال 3 الف جنيه لكن ده مش معيار لاني مسرفه ومش عارفه حتي الان راحوا فين في ناس صرفت اقل مني بكتير خصوصا اللي بيتحركوا في مجموعات كبيره
*هناك مفيش مواصلات في عربيات مخصوصه بيسموها ليموزين لو كنتو 5 توفر معاكو جامد وتدفعوا ف المشوار كل واحد 20 جنيه مثلا لكن انا كنت بدفع 100 لوحدي...
اللي معاه عربيه هيرتاح كتير لكن انت ممكن تتفق مع عربيه تاخد رقمها من هنا من مؤمن او استاذ احمد العنتبلي او أستاذ احمد حامد تقضي بيها كل مشاويرك ولما تكونوا كتير تقسموا الفلوس عليكو
*نسيت اقول اني اشتريت تذكارات من بازار اسمه محمد احمد جمب كافيه الجيمس الاسعار فيه كويسه جدا كانك بتشتري من مكان عادي مش مكان سياحي