H
Hend Salem
:: مسافر ::
#الشنجن
يعنى إيه شنجن ؟ إيه هى تأشيرة الشنجن و ممكن أروح بيها فين و أخدها إزاى ؟
سؤال بيتكرر كتير خصوصا من الناس الجديدة فى عالم السفر و الجديدة فى الجروب و بتشوف المصطلح لأول مرة
الشنجن ببساطة هى إتفاقية وقعت عليها مجموعة من الدول الأوروبية و بموجب الإتفاقية دى أصبح فى حرية حركة و تنقل داخل حدود الدول الأعضاء الموقعين على الإتفاقية
يعنى الدول دى أصبحت بمثابة كيان واحد أو دولة كبيرة بتضم مجموعة من الأعضاء مافيش حدود داخلية بينهم مع إحتفاظ كل دولة بسيادتها على أراضيها و ممكن تتنقل بينهم بأى وسيلة سواء طيران أو باص أو قطار و لما بتسافر طيران بيكون سفر داخلى بدون أختام كأنك مسافر بين إسكندرية و القاهرة طيران مثلا
إتفاقية الشنجن وقع عليها 26 دولة هم:
1- النمسا - 2- بلجيكا - 3- التشيك - 4- الدنمارك - 5 - إستونيا - 6- فنلندا - 7- فرنسا - 8- ألمانيا - 9- اليونان - 10- المجر - 11- أيسلندا - 12- إيطاليا - 13- لاتيفيا - 14 - ليتوانيا - 15 - لوكسمبورج - 16- مالطا - 17- هولندا - 18 - النرويج - 19- بولندا - 20 - البرتغال - 21 - سلوفاكيا - 22 - سلوفينيا - 23 - أسبانيا - 24 - السويد - 25 - سويسرا - 26 - ليخنشتاين
و بالتالى أى حد بيقدم على تأشيرة لدولة من الدول دى يقدر يسافر لأى دولة من الدول الأعضاء
- فى تلات دول مش أعضاء فى الشنجن بس بيسرى عليهم الشنجن بحكم أن حدودهم تقع داخل حدود دول و هم سان مارينو و الفاتيكان فى إيطاليا و إمارة موناكو فى فرنسا
- و فى تلات مناطق خارج حدود أوروبا بس لهم عضوية خاصة فى الشنجن و هم الأزور - ماديرا - جزر الكنارى
- طيب هل كل الدول الأعضاء فى الإتحاد الأوروبى أعضاء فى الشنجن ؟
غالبية الدول الأعضاء فى الإتحاد الأوروبى أعضاء فى الشنجن
بس فى بعض الدول أعضاء فى الإتحاد الأوروبى و مش أعضاء فى الشنجن
و فى بعض الدول الموقعين على إتفاقية الشنجن بس مش أعضاء فى الإتحاد الأوروبى
(الخريطة المرفقة موضحة الفرق)
- دول الإتحاد الأوروبى الغير موقعين على إتفاقية الشنجن هم 6 دول
إنجلترا (قبل الـ Brexit ) و جمهورية أيرلندا و دول رافضين لفكرة الحدود المفتوحة و متبنيين سياسة الـ opt out و لهم تأشيرات خاصة بيهم (بس المواطنين الأوروبيين بيسافروا عادى)
و فى أربع دول هم بلغاريا - رومانيا - قبرص - كرواتيا هينضموا للشنجن لما يستوفوا الشروط
الأربع دول لهم تأشيرات مستقلة يعنى لو أخدت تأشيرة دولة منهم ماتقدرش تسافر بيها لدولة من دول الشنجن
و لكن على العكس إذا كان معاك تأشيرة شنجن متعددة الدخول ممكن تدخل بيها دولة من الدول الأربعة
- التلات دول الأعضاء فى الشنجن و مش أعضاء فى الإتحاد الأوروبى هم النرويج - أيسلندا - و سويسرا
الشنجن هى تأشيرة قصيرة للإقامة لفترة لا تزيد عن 90 يوم سواء كان الغرض السياحة أو الزيارة أو حضور مؤتمر أو معرض أو حضور كورس لفترة قصيرة و هى من الفئة C
و بتختلف عن التأشيرة المحلية من الفئة D اللى بتكون خاصة بالدولة المصدرة و بتكون للإقامة لفترة طويلة أكتر من 90 يوم سواء كان الغرض منها لم الشمل أو الدراسة أو العلاج لفترة طويلة
و بتختلف التأشيرات الشنجن حسب قوانين كل دولة فى دول بتمنحها دخول متعدد و صلاحية لمدة تلات شهور و إقامة لمدة 30 يوم زى فرنسا مثلا و فى دول بتمنحها دخول لمرة واحدة و بيكون محدد فيها فترة الإقامة حسب المطلوب فى الأبليكيشن زى اليونان
كمان بتختلف المدة الممنوحة حسب كل حالة ممكن بعض السفارات تمنحها لفترات أطول للناس اللى بتسافر كتير و لم يسبق لها مخالفة النظام أو كسر التأشيرة
نظام الشينجن كله أصبح مربوط ببعضه من خلال البصمة الألكترونية يعنى بيانات أى حد اتقدم للحصول على فيزا قبل كده بتظهر فى أى سفارة بتقدم فيها بعد كده
المتطلبات أو المستندات المطلوبة و الإجراءات الخاصة للنقديم للحصول على التأشيرة الشينجن فى غالبية السفارات واحدة مع إختلافات فردية من سفارة لسفارة و على حسب نوع التأشيرة المطلوبة
المستندات العامة المطلوبة لتأشيرة السياحة هى:
- جواز سفر سارى لمدة ٦ شهور على الاقل وصور من الصفحات اللى عليها تاشيرات و اختام + جواز السفر السابق ان وجد
- عدد ٢ صورة شخصية خلفية بيضا مع مراعاة المعايير البيومترية المطلوبة لكل سفارة
- شهادة تحركات من مجمع التحرير لمن لم يسبق له السفر الى منطقة الشنجن (بعض السفارات بتكتفى بجواز السفر السابق ان وجد بشرط عدم مرور اكتر من شهر تاريخ انتهاء الجواز السابق و تاريخ اصدار الحالى)
- تامين طبى دولى بقيمة ٣٠ الف يورو يغطى فترة الاقامة و بيطلع من اى شركة تأمين او سياحة و سعره حسب الفترة و السن
- حجز فندق مبدئى ممكن تعمله من بوكينج او من شركة سياحة
- حجز طيران مبدئى من اى موقع شركة طيران فيها اوبشن الدفع اللاحق او من شركة سياحة
- شهادة قيد للطلبة
او خطاب من جهة العمل hr للموظفين
او سجل تجارى و بطاقة ضريبية لاصحاب الاعمال
- كشف حساب توفير او جارى عن ٦ شهور ماضية
و ممكن الزوجة تقدم كشف حساب زوجها او الطلبة كشف حساب الاب او الام مع خطاب بالتكفل بالمصاريف و شهادة ميلاد فى حالة تقديم كشف حساب الام و عقد زواج عند تقديم الزوجة كشف حساب زوجها
طبعا المستندات بتكون باللغة الانجليزية او لغة السفارة (المستندات باللغة العربية بيتم ترجمتها)
و زى ما قولنا يجب مراعاة الاختلافات الفردية فى طلبات السفارات و حسب نوع التأشيرة
غالبية السفارات نقلت الخدمة إلى مكاتب وسيطة زى tlscontact & vfs global اللى بيتم من خلال موقعهم على الإنترنت ملء الأبليكيشن و تحديد موعد للتقديم - المكاتب دى دورها أنها بتستلم المستندات و تسلمها للسفارة ثم تستلم الباسبور بعد البت فى الطلب و تسلمه لك سواء بتروح تستلمه بنفسك أو بيتبعت لك بالبريد على العنوان اللى بتحدده - يعنى المكاتب مالهاش أى علاقة بقرار منح التأشيرة
فى بعض الأحيان بيتم الإتصال ببعض المتقدمين من قبل السفارة و تحديد موعد للإنترفيو
فى حالة قبول الطلب بيوصل لك الباسبور و عليه التأشيرة أما فى حالة الرفض - لا قدر الله - بيوصل مع الباسبور ورقة مطبوعة موضح بها أسباب الرفض و بيكون فى فرصة للتظلم أو الإعتراض خلال فترة معينة و بتختلف إجراءات التظلم من بلد لاخرى فى بلاد بتشترط إن الإجراء يكون من خلال محامى و بلاد أخرى ممكن تعمل التظلم و بتبعته على عنوان معين فى البلد نفسها غالبا بيكون مكتوب فى الورقة اللى فيها الرفض
#دمتم_مسافرين
#Traveller_Experience
يعنى إيه شنجن ؟ إيه هى تأشيرة الشنجن و ممكن أروح بيها فين و أخدها إزاى ؟
سؤال بيتكرر كتير خصوصا من الناس الجديدة فى عالم السفر و الجديدة فى الجروب و بتشوف المصطلح لأول مرة
الشنجن ببساطة هى إتفاقية وقعت عليها مجموعة من الدول الأوروبية و بموجب الإتفاقية دى أصبح فى حرية حركة و تنقل داخل حدود الدول الأعضاء الموقعين على الإتفاقية
يعنى الدول دى أصبحت بمثابة كيان واحد أو دولة كبيرة بتضم مجموعة من الأعضاء مافيش حدود داخلية بينهم مع إحتفاظ كل دولة بسيادتها على أراضيها و ممكن تتنقل بينهم بأى وسيلة سواء طيران أو باص أو قطار و لما بتسافر طيران بيكون سفر داخلى بدون أختام كأنك مسافر بين إسكندرية و القاهرة طيران مثلا
إتفاقية الشنجن وقع عليها 26 دولة هم:
1- النمسا - 2- بلجيكا - 3- التشيك - 4- الدنمارك - 5 - إستونيا - 6- فنلندا - 7- فرنسا - 8- ألمانيا - 9- اليونان - 10- المجر - 11- أيسلندا - 12- إيطاليا - 13- لاتيفيا - 14 - ليتوانيا - 15 - لوكسمبورج - 16- مالطا - 17- هولندا - 18 - النرويج - 19- بولندا - 20 - البرتغال - 21 - سلوفاكيا - 22 - سلوفينيا - 23 - أسبانيا - 24 - السويد - 25 - سويسرا - 26 - ليخنشتاين
و بالتالى أى حد بيقدم على تأشيرة لدولة من الدول دى يقدر يسافر لأى دولة من الدول الأعضاء
- فى تلات دول مش أعضاء فى الشنجن بس بيسرى عليهم الشنجن بحكم أن حدودهم تقع داخل حدود دول و هم سان مارينو و الفاتيكان فى إيطاليا و إمارة موناكو فى فرنسا
- و فى تلات مناطق خارج حدود أوروبا بس لهم عضوية خاصة فى الشنجن و هم الأزور - ماديرا - جزر الكنارى
- طيب هل كل الدول الأعضاء فى الإتحاد الأوروبى أعضاء فى الشنجن ؟
غالبية الدول الأعضاء فى الإتحاد الأوروبى أعضاء فى الشنجن
بس فى بعض الدول أعضاء فى الإتحاد الأوروبى و مش أعضاء فى الشنجن
و فى بعض الدول الموقعين على إتفاقية الشنجن بس مش أعضاء فى الإتحاد الأوروبى
(الخريطة المرفقة موضحة الفرق)
- دول الإتحاد الأوروبى الغير موقعين على إتفاقية الشنجن هم 6 دول
إنجلترا (قبل الـ Brexit ) و جمهورية أيرلندا و دول رافضين لفكرة الحدود المفتوحة و متبنيين سياسة الـ opt out و لهم تأشيرات خاصة بيهم (بس المواطنين الأوروبيين بيسافروا عادى)
و فى أربع دول هم بلغاريا - رومانيا - قبرص - كرواتيا هينضموا للشنجن لما يستوفوا الشروط
الأربع دول لهم تأشيرات مستقلة يعنى لو أخدت تأشيرة دولة منهم ماتقدرش تسافر بيها لدولة من دول الشنجن
و لكن على العكس إذا كان معاك تأشيرة شنجن متعددة الدخول ممكن تدخل بيها دولة من الدول الأربعة
- التلات دول الأعضاء فى الشنجن و مش أعضاء فى الإتحاد الأوروبى هم النرويج - أيسلندا - و سويسرا
الشنجن هى تأشيرة قصيرة للإقامة لفترة لا تزيد عن 90 يوم سواء كان الغرض السياحة أو الزيارة أو حضور مؤتمر أو معرض أو حضور كورس لفترة قصيرة و هى من الفئة C
و بتختلف عن التأشيرة المحلية من الفئة D اللى بتكون خاصة بالدولة المصدرة و بتكون للإقامة لفترة طويلة أكتر من 90 يوم سواء كان الغرض منها لم الشمل أو الدراسة أو العلاج لفترة طويلة
و بتختلف التأشيرات الشنجن حسب قوانين كل دولة فى دول بتمنحها دخول متعدد و صلاحية لمدة تلات شهور و إقامة لمدة 30 يوم زى فرنسا مثلا و فى دول بتمنحها دخول لمرة واحدة و بيكون محدد فيها فترة الإقامة حسب المطلوب فى الأبليكيشن زى اليونان
كمان بتختلف المدة الممنوحة حسب كل حالة ممكن بعض السفارات تمنحها لفترات أطول للناس اللى بتسافر كتير و لم يسبق لها مخالفة النظام أو كسر التأشيرة
نظام الشينجن كله أصبح مربوط ببعضه من خلال البصمة الألكترونية يعنى بيانات أى حد اتقدم للحصول على فيزا قبل كده بتظهر فى أى سفارة بتقدم فيها بعد كده
المتطلبات أو المستندات المطلوبة و الإجراءات الخاصة للنقديم للحصول على التأشيرة الشينجن فى غالبية السفارات واحدة مع إختلافات فردية من سفارة لسفارة و على حسب نوع التأشيرة المطلوبة
المستندات العامة المطلوبة لتأشيرة السياحة هى:
- جواز سفر سارى لمدة ٦ شهور على الاقل وصور من الصفحات اللى عليها تاشيرات و اختام + جواز السفر السابق ان وجد
- عدد ٢ صورة شخصية خلفية بيضا مع مراعاة المعايير البيومترية المطلوبة لكل سفارة
- شهادة تحركات من مجمع التحرير لمن لم يسبق له السفر الى منطقة الشنجن (بعض السفارات بتكتفى بجواز السفر السابق ان وجد بشرط عدم مرور اكتر من شهر تاريخ انتهاء الجواز السابق و تاريخ اصدار الحالى)
- تامين طبى دولى بقيمة ٣٠ الف يورو يغطى فترة الاقامة و بيطلع من اى شركة تأمين او سياحة و سعره حسب الفترة و السن
- حجز فندق مبدئى ممكن تعمله من بوكينج او من شركة سياحة
- حجز طيران مبدئى من اى موقع شركة طيران فيها اوبشن الدفع اللاحق او من شركة سياحة
- شهادة قيد للطلبة
او خطاب من جهة العمل hr للموظفين
او سجل تجارى و بطاقة ضريبية لاصحاب الاعمال
- كشف حساب توفير او جارى عن ٦ شهور ماضية
و ممكن الزوجة تقدم كشف حساب زوجها او الطلبة كشف حساب الاب او الام مع خطاب بالتكفل بالمصاريف و شهادة ميلاد فى حالة تقديم كشف حساب الام و عقد زواج عند تقديم الزوجة كشف حساب زوجها
طبعا المستندات بتكون باللغة الانجليزية او لغة السفارة (المستندات باللغة العربية بيتم ترجمتها)
و زى ما قولنا يجب مراعاة الاختلافات الفردية فى طلبات السفارات و حسب نوع التأشيرة
غالبية السفارات نقلت الخدمة إلى مكاتب وسيطة زى tlscontact & vfs global اللى بيتم من خلال موقعهم على الإنترنت ملء الأبليكيشن و تحديد موعد للتقديم - المكاتب دى دورها أنها بتستلم المستندات و تسلمها للسفارة ثم تستلم الباسبور بعد البت فى الطلب و تسلمه لك سواء بتروح تستلمه بنفسك أو بيتبعت لك بالبريد على العنوان اللى بتحدده - يعنى المكاتب مالهاش أى علاقة بقرار منح التأشيرة
فى بعض الأحيان بيتم الإتصال ببعض المتقدمين من قبل السفارة و تحديد موعد للإنترفيو
فى حالة قبول الطلب بيوصل لك الباسبور و عليه التأشيرة أما فى حالة الرفض - لا قدر الله - بيوصل مع الباسبور ورقة مطبوعة موضح بها أسباب الرفض و بيكون فى فرصة للتظلم أو الإعتراض خلال فترة معينة و بتختلف إجراءات التظلم من بلد لاخرى فى بلاد بتشترط إن الإجراء يكون من خلال محامى و بلاد أخرى ممكن تعمل التظلم و بتبعته على عنوان معين فى البلد نفسها غالبا بيكون مكتوب فى الورقة اللى فيها الرفض
#دمتم_مسافرين
#Traveller_Experience