ياجماعه انا جبتلكم الخلاص في حوار الدفع ع النت...

[Noura Hazen]

ياجماعه انا جبتلكم الخلاص في حوار الدفع ع النت باركولي اخيرا حجزت انا كنت من فترة لفيت ومسحت بلاط البنوك كلهم تقريبا وعملت prepaid البنك الاهلي طبعا دي ملهاش 30 لازمه هي اصلا مخصصه للطلبه ال سنهم ماينفعش يفتح حساب في البنك ولا ليها اي علاقه بالنت..
روحت علي بنك العربي الافريقي طلعت 4u ب 75 جنيه ومكتوب عليه internet دي شغاله ع النت بسسسس هنا الميزة والعيب في نفس الوقت انك لو حطيت مبلغ اكبر من ال هتشتري بيه مثلا لو هتشتري تذكرة طيران ب 3000 وروحت حطيت 5000 الباقي دا متعرفش تسحبه لا من مكنه فيزا ولا من جوه البنك من الشباك لازم تشتري بيه حاجات
ولو عاوز المبلغ ضروري هتضطر تروح تلغي الكارت (الخاذوق هيظهر اهو) وتستلم الفلوس بعد شهر في حين ان الموضوع ممكن يمشي حبي وتسحبهم في نفس اليوم لو تعرف حد فالبنك
الخلاصه ان الكارت ال اشتغل نت هو 4u البنك العربي الافريقي ابو 75 ج وتحط فيه بس ايداع من الشباك مابينفعش من المكنه وتحط علي اد الحاجه ال هتشتريها بسسس اكتر 100 او 200 احتياطي. المعلومات دي مؤكده من موظف خدمه العملاء فرع رشدي بالاسكندرية
والكارت دا بيدفع بالدولار عادي انا كنت مختارة عمله الدولار وانا بدفع والليمت بتاعه 15 الف في الشهر او مايعادله سواء دولي او محلي،، كمان زياده التأكيد الكارت دا انا استخدمته علي موقع اسمه gotogate طلع لي من سكاي سكنر واخترت نوع الفيزا depit visa ..
انا كدا عملت ال عليا ويارب محدش يشوف ال انا شوفته ولا يتبهدل زيي

 

[Ahmed Bahaa]

لا انا بقولها على الملاء انا اتفشخت علشان احجز تذكره طيران وروحت بدل ما ادفع 65 يورو دفعت حوالى 85 يورو لشركه سياحه بسبب ان الدبيت كارد بتاعتى مينفعش احجز بيها قمه الرخامه والكارت ده بتاخديه بعد قد ايه

 

[Mahmoud Nashed]

يعني إيه elahly prepaid card ملهاش علاقة بالنت مش فاهم!!!
تقدري تشحني الكارت من أي atm أو من البنك
تقدري تسحبي من أي atm
تقدري تشتري بيه اي حاجه سواء من ع النت او غيره
المصاريف 15 ج بس
بيشتغل ع النت بس لازم يتفعل الأول من الكول سنتر

 

[Alaa Taha]

بنك مصر والاهلي بيطلعوها برضه اسمه كارت نت بالبطاقة من غير حساب وب ٣٠ جنية، وتقدري تسحبي فلوسك عادي بعد متحوطيها بتقدمي طلب بس بتقعد ١٥ يوم ع مترجع ، وفي بنك مصر او الاهلي او العربي الافريقي مش هتقدري تخدي فلوسك قبل ١٥ يوم ع الاقل حتي لو بتعرفي حد من البنك لان ببساطة الي بيأخر رجوع الفلوس منظمة الفيزا نفسها عشان يتأكدو انك معلكيش فلوس لحد محجوزة.

 

[محمد على]

فى اختراع تانى بقى احلى واحلى تبع فورى ، ولا كارت ولا غيره

 

[Mahmoud Seada]

طب ماستر كارد اخبارها ايه بتاعه cib

 

[Ehab Mohammed]

البنك التجاري وبنك كريدي اجريكول حلوين والاجمد منهم بنك الكويت الوطني تقدر تسحب وتحط براحتك وليك صفحة شخصية علي موقعهم تعمل الللي عايزه اية اللي وداكم بنك الاهلي وبنك مصر الزفت

 

[Esraa Mansy]

اول مرة اقرا بوست على الجروب ده ومفهمش منه خاجة ايه الكارت ده بقي وبيتعمل بيه ايه اصلا

 

[Radwa E Mahmoud]

ايه نظام الطلبة اللي في بنك الاهلي؟؟

 

[Noura Hazen]

ايه دا انا كلامي مش مفهوم استني كدا ايوه صح دا الطبيعي Esraa Mansy

 

[Noura Hazen]

بصي من فترة كدا كان في حد نزل بوست يتكلم عن اسعار تذاكر الطيران لاوروبا انها هترخص في شهر 10 بالذات ع الخطزط اليونانيه حلو الكلام ،، نسي يقول ان الخصم دا متعرفيش تاخديه الا اذا حجزتي تذكرة الطيران من الموقع الي انتي لقيتيها عليه ع النت ولازم تدفعيىبمارت فيزا ع النت ،، مش كل الفيز ال بتشتغل نت حتي لو ليكي رصيد في البنك في حاجات مخصوص ال نفعت بقي تشتغل هي فيزا اسمها 4u من بنك العربي الافريقي وبتطلع في نفس اليوم وبتشتغل بعد الساعه 6 المغرب بس كدا Esraa Mansy

 

[علي عباس]

بص يا فندم هتروح المصرف المتحد تقولهم عاوز بطاقة انترنت او مدفوعة مقدما هتدفع ١٠ جنيه وتروح تستلم بعد اسبوع بطاقة عليها اسمك مميزاتها ايه :
تقدر تعمل ايداع في ماكينة البنك وسحب من اي ماكينة في اي وقت وتعمل مشتريات وكل ده من اي مكان سواء بره مصر او جوه مصر وطبعا مشتريات اونلاين
حد الايداع فيها ٢٠ الف جنيه
اقصى حد للعملية او العلميات يوميا ١٠ الاف جنيه
مفيش حد اقصى شهري
عمولة البنك اقل عموله ٣ في المية
خدمة العملاء متابعين معاك ولو حصلت عملية بيتصل يتأكد منك ان انت اللي عملت العملية عشان لو اتهكرت او اتسرقت لا قدر الله يلحق يقفلها
الكلام دا عن تجربة بتعامل بيها بقالي سنتين

 

[Moustafa Youssef]

f

 

[Hodhod Soliman]

F

 

[Nashwa Karmous]

ربنا يخليكى يا رب ويبارلك

 

[Amr Ali]

انا كنت باطلع كارت النت بتاع بنك مصر بعشرة جنيه في السنة وكان زي الفل
هو بس مشكلته ما ينفعش تسحب الفلوس تاني

 

[Kareem Ahmed]

كمان فور يو بياخد عمولة تحويل وصلت اخر مره سألت عليها ل 6% على اى عمله غير الجنيه المصرى

 

[Ivan Enrique Gomez Castro]

هو لية كل دة ؟ متعملواً كريدت من اي بنك واسحبوا بيها وسافروا بيها

 

[Noura Hazen]

اخيرا حد فهمني ميرسي دعواتك بقي Nashwa Karmous

 

[Noura Hazen]

انا بتكلم ع الناس ال اتزنقت لقت تذكرة لقطه وعاوزه تحجزها تاني يوم اقصي حاجه!!
الكريدت دا بيقعد 15 يوم علي الكارت مايطلع احنا بنكلم في كارت بيطلع في يومها اكيد دي حاجه تستاهل Ivan Enrique Gomez Castro