A
Ahmed Nazeeh
:: مسافر ::
سافر بعربيتك
مش عارف ابدأ منين بس هوا انا فى الشهرين الفاتو قررت انى الف مصر كلها بعربيتى وعملتها على 3 رحلات وطبعا كنت معايا صحابى ... والتلت رحلات كانو كالأتى:
دهب (من جاء الى دهب عقله ذهب)*
البلد دى جميله اوى طلعت من راس غارب مرورا بالسويس وطابا ثم نويبع فدهب قعدنا تقريبا اربع ايام فى دهب عملنا حجات كتير اوى ... مش لازم تقعد فى فندق غالى روح هناك ودور شويه حتلاقى هوستلات وفنادق 3 نجوم هيا وظيفتها تنام فيها بس وباقى اليوم انت برا فى رحلات وبليل بتلف فى الممشى بتاعها وتتعشاه ... الأكل هناك رخيص مقارنتا باى مكان تانى عن تجربه ... ACTIVITIES العملناها هناك كانت اغلبها مغامرات يعنى عايزه صحه زى:
روحنا حته اسمها CAVES دى مكان ع البحر كده والجبل لوحدك مفيش ناس والماسك هناك اسمه ابراهيم شخص جدع جدا المهم ممكن تعمل DIVING فى المكان ده و SNORKLING مش هتكلم كتير بس هيا روعه.. وممكن تمشى شويه جنب البحر والجبل وفى حته قدام شويه تعمل فيها Hiking او تتسلق جبل جميله بردو ... جرب بنفسك ..
فى حته قبل ال CAVES دى اسمها 3 POOLS دى بقا فيها كافيتريات كتير قاعده على البحر وبتعمل SNORKLING هايله ..من الحجات المجنونه ان فى وادى بين الجبال اسمه وادى “جُنى” بيتراح سفارى بيتش باجى ... دخلته بالعربيه بتاعتى لحد اخره ورجعنا تانى على الcaves
شاطىء اسمه LAGOONA دا للأستجمام هايل ..
فى يوم لوحده روحنا BLUE HOLE دى بقا مكان على الشاطىء كده عباره عن HOLE كده فىها شعب مرجانيه لل SNORKLING و diving ... مرعبه بس جامده اوى هتخاف تنزل بس انزل هفوتك كتير ... خد معاك حد قلبه جامد لو اول مره تنزلها
... ومنها اخدنا زوديك لشاطىء تانى اسمه ابو جالوم ... كنت اول مره اركب زوديك شعور مختلف ... القاعدهفى الشاطىء بدويه وناس طيبين ... الشاطىء شعب مرجانيه للأ snorkeling ... بعد كده فى ناس بتروح شاطىْ تانى اسمه blue lagoon بالعربيه انا مرحتوهوش الحقيقه ... كل حاجه هايله ومختلفه ... كل ده رحله واحده بالغدا والمواصلات تكلفتها 200 جنيه ..
ويوم روحنا رحلة تانيه canyon دى بقا فى نويبع عباه عن شق فى الجبل كده بتركب لاند كروزر انت وسبعه تانيين وبيدخل بيك فى الصحراء لحد ماتوصل لل canyon بتنزلو ومعاكم دليل تتمشو شويه وتبدا الرحله انت بتتسلق الجبل وبتنزل وتطلع فرهضه بس تستحق ... التجربه تستحق المعاناه ... وبعد ساعه بتوصل الواحه دى بتتغدى فيها مع البدو ...اكل بدوى جميل ... وفة مسبح ماء حلو لو عايز تنزل بعد الفرهده دى ب 10 جنيه ... بعد الغداب بياخداب باللاند كروزر وتطلع على حاجهتانيه اسمها colored canyon دى شق جبلى بس ملون ... هتتوهم من المناظر ... وهتنسا التعب والفرهده ... يوميها زودنا 50 جنيه وخليناه يودينا closed canyon دى شق جبلى بس مغلق يعنى بتروح وترجع فى نفس الشق غير التانيين هوا شق مفتوح اخره بتطلع منه ... رحله هتاخد منك يوم ومجهود تكلفتها200 جنيه..
المهم رحلة دهب دى بالبنزينوالأكل والفسح والرحلات بكل العملناه ده كلفنى حوالى 1500 جنيه … كان معايا اتنين صحابى الغرفه بتاعة الفندق كانت ب 450 جنيه ثلاثيه بالفطار ... بتنزل البلد تتغدى ملوخيه وشوربهوسلطه ونص فرخه وعيش ورز ب 60 جنيه ... متحجزش فندق بالغدا والعشا قضيها هتنبسط ...وانا رايح اخدت طريق طابا معلهوش خدمات فاول قبل ماتركبه ... وانا راجع اخد طريق شارم دا طريق عليه خمات وكويس نسبيا ... نصيحه اى كمين اقف حتى لو مش شايف العسكرى لانك لو مشيت ونفضتله ممكن يشاور لبورج المراقبه قدام ويشقلك العربيه بالجرانوف بيعتبرك دخيل او اى حاجه تنيه... يعنى اقف للتفتيش وحاول تدور بعنيك على العسكرى للأمنك ... متخافش من الجيش دول شباب الهما اخويا واخواك وزع عليهم ميه او اى حاجه هون عليهم قاعدتهم فى الجبل ...
زمايلى روحو فى اتوبيس على اسكندريه فى اليوم الرابع والتالت وانا كملت على شارم قعدت فيها يوم ورجعت تانى راس غارب ...
* تانى رحله (مرسى علم , اسوان , الأقصر)
اتحركت من رأس غارب على مرسى علم بعد اسبوعين ...
مرسى علم مقعدش فيها كتير هيا اول ما تروح هتحس بكتأب مفيش حاجه تعملها والبلد تفتقر الخدمات ... المهم قعدنا فى فندق اسمه موون ريزورت وكنا هنمشى تانى يوم بس دورنا على النت لقينا ان فى شاطئين واحد اسمه حنكوراب او شرم اللولى وشاطىء اسمه وادى القلعان ... اخدنا بعضنا وروحنا شاطىْ حنكوراب تانى يوم ... واحنا فى السكه عدينا على مدخل وادى الجمال عشان تروحها لازم لاند كروزر بتطلع من مرسى علم بحوالى 1600 جنيه عيزا عدد ... المهم كملنا على الشاطىء توهنا وسالنى ورجعنا تانى ودخلنا الشاطىء لان المدخل مش باين ... كان فى عاصفه ترابيه شديده ... وكان فى رحلات ... القاعده بدويه بتشرب شاى دا اخرك ... فعيش حياتك وظبط نفسك ... الشاطىء رائع ... Snorkeling و سباحه ... قضينا اليوم وروحنا الفندق...
تانى يوم قلنا كفايه كده عليها اخدنا بعضنا وطلعنا من مرسى علم طريق ادفو على اسوان النوبه Nubian village ... قضينا يومين لوحدينا عند الناس الطيبين ...جميله اوى ... مش هتندم ... الجو حر ... مفيش رطوبه زى اسكندريه ... بتتعود عليه بعد اول يوم ...
زورنا متحف النوبه اول يوم وصول .. تانى يوم الناس فى الفندق زبطولنا مركب فى النيل ... قبليها روحنا نزور السد العالى ... فى حاجه اسمها خزان اسوان ووراه السد العالى ... هما سدين يعنى ورا بعض ... المهم اجمل حاجه المركب الفى النيل دى بتاخدك وتروح تزور معبد فيله على جزيره فى النيل تتفرج وتنزل تانى ... بعد كده المراكبى اخدنا ودانا شاطىْ جميل جدا على النيل وفى شجر جوافه اكلنا منه عسل ولله مش زى البتجيلنا خالص ... ونزلنا الشاطىْ ده رمله ناعمه ومايه عذبه تعوم وتشرب فى نفس الوقت ... احساس مختلف جدا ... اول مره كنت انزل النيل ... مفيش تمسيح متخافش ... مبتعديش من السد العالى ... بعد كدا الراجل النوبى الطيب طلع بينا على بيته فرجنا جزيره نوبيه اسمها جزيرة هيسا ... جزيره نوبيه جميله من المركب شوفناها ... وروحنا مع المراكبى بيته على جزيره تانيه شربنا شاى معاه ومع والده واخدنا بعضنا معاه بالمركب على المغرب ورجعنا تانى ... الموضوع ميتوصفش ... هوا جنان اه ... ودرجة الحراره 45 بس مش رطوبه مش هتحس من الجمال ... البيوت ملونه وجميله اوى فى تكييف متخافش هتنام من التعب بتاع اليوم ... بتسحب الطاقه السلبيه ... روعه ..
اليوم التانى دورنا العربيه وطلعنا على الأقصر
حولى 200 وشويه كيلو الطريق صحراوى وصلنا دورنا على بوكينج لقينا عرض فى (شتيجنبرجر) فندق روعه على النيل 3 ايام الليله ب 600 جنيه غرفه مزدوجه بالفطار ... روحنا وادى الملوك ومعبد الكرنكومحبت حتشبسوت...وفى يوم ركبنا البلون فيه احساس مختلف كنا حاجزين فى شركه البلون اسمها سندباد ب 800 جنيه للفرد المفروض يقعد ساعه الا ربع بس ال pilot كان رخم اوى يدوبك عدانا من البرش الغربى للشرقى ونزل فى ارض زراعيه قعد يتخانق شويه مع صحاب الأرض ... المهم شركه اسمها سندباد مش تمام مقعدش اكتر من 20 دقيقه وقلنا الغاز خلص مع ان الشركات التانيه فضلو كتير فى الهوا ... المهم انها تجربه مختلفه وتستحق ... الناس فى اقصر استغلاليين شويه خلى بالك منت بتتعامل هناك ... اليوم التالت روحنا كنا عيزين نروح الواحات بس متوفقناش واخدناها خبطه واحده من الأقصر الى الأسكندريه ونزلت صاحبى القاهره , المسافه 880 كيلو من 11 الصبح الى 11 بليل وريحت مرتين فى السكه...
الرحلة دى تكلفتها عليا بالبنزين والمزارات والأكل والمبيت فى 8 ايام كانت 3500 جنيه (مرسى علم اسوان الأقصر)...
* اخر رحله فى العيد الفات (سيوة مرسى مطروح)
اتحركت انا وصاحبى يوم العيد الصبح من اسكندريه الى سيوه ريحت فى مرسى مطروح شويه حوالى 600 كيلومتر وصلت على الساعه واحده تقريبا سيوه دورنا على فندق وقعدنا فى فندق اسمه شالى ريزورت بالفطار الغرفه المزدوجه (500) جنيه قعدنا يومين ... زورنا فيهم معبد التوج فيه الأسكندر الأكبر مش فاكر اسمه ايه ومدينة شالى القديمه وجبل الموتى وعيون كليوباترا ... دى زى نبع من الأرض طبيعى بيطلع ميه عذبه فى طحالب كدة خضراء بتطلع هتخليك تتقرف تنزل بس الناس بتنزل عادى ... واليوم قبل منتحرك فيه على مرسى مطروح روحنا البحيره المالحه وانا نزلت فيها ... الملح بيخليك تعوم من غير مجهود ... هتلاقى جسمك بيطفو لوحده ... بس لو نقطه دخلت عينك هتحرقك اوى ... التجربه جميله ... احساس باللزوجه كده ميتوصفش ... جرب وشوف ... هيا من غير طول ولازم تلبس شوز البحر عشان الملح حاد شويه ...وعلى الغروب روحنا جزيره اسمها جزيرة فطناس المنظر را~ع ساعة الغروب وسربنا بلح باللبن هايل ... طول منتا ماشى تلاقى نخل وبلح ...
بعد كده روحنا فطرنا واخدنا بعضنا على مرسى مطروح 300 كيلومتر روحنا على طول على شاطىء اسمه "ام الرخلَم" شاطىء مش معروف فيه موج وجزيره عمت للجزيه وقعدت عليها شويه ورجعت تانى روحنا شاطىْ عجيبه ... ورجعنا على مرسى مطروح اول فندق قابلناه قعدنا فيه اسمه شاطىء الغرام مش قد كده الليله كانت ب200 جنيه للفردين هيا نومه بس ... الأكل والشرب من البلد بقا ... تانيى يوم روحنا شاطىْ الغرام الشامسيه ب 100 جنيه على البحر ... كان زحمه اوى فى العيد قاعد مع الناس الجانبك يعنى ... وتانى شوم شدينا على اسكندريه ...
والرحله دى ثلاثة ايام تكلفتها عليا بالبنزبن والمبيت والاكل والفسح تقريبا 1000 جنيه ...
الخلاصه:
سافر بعربيتك هتستمتع اكتر ... كفايه احساس الحريه مش مقيد بمجموعه
Enjoy everything not only your destination. Enjoy driving, the road,& the place you’re going too…
متسوقش بسرعه اخرك 120 كيلومتر لكل ساعه (الفرق بين 120 و150 كيلو فى ال 100 كيلومتر 10 دقائق بس) الفرق مش كبير بس امنك اهم ... ابقا اتحرك بدرى نص ساعه يا سيدى مش هتفرق ...
120 كيلومتر ساعه دى اخر سرعه ممكن تلم فيها العربيه لو حصل حاجه ...
ريح فى السكه مش عيب ... متكابرش ... انت مش فى rally
فكك من الأسطوره البتقول سيوة واسوان والأقصر متتراحش فى الصيف ... هتستمتع بحجات تانيه زى انك ممكن تنزل النيل او العيون دا مش هتعمله فى الشتاء ...
تكلفة ال 3 رحلات عليا تقريا 6000 جنيه مصرى 16 يوم تقريبا لفيت فيهم معظم البلد ... لو روحت ريزورت من ابو all inclusive ده هتدفع اكتر من كده فى اسبوع ومش هتشوف كل ده ...
احسبها صح ...
البوسط بهوأ منى وبقا كبير اوى
سلمات ...
مش عارف ابدأ منين بس هوا انا فى الشهرين الفاتو قررت انى الف مصر كلها بعربيتى وعملتها على 3 رحلات وطبعا كنت معايا صحابى ... والتلت رحلات كانو كالأتى:
دهب (من جاء الى دهب عقله ذهب)*
البلد دى جميله اوى طلعت من راس غارب مرورا بالسويس وطابا ثم نويبع فدهب قعدنا تقريبا اربع ايام فى دهب عملنا حجات كتير اوى ... مش لازم تقعد فى فندق غالى روح هناك ودور شويه حتلاقى هوستلات وفنادق 3 نجوم هيا وظيفتها تنام فيها بس وباقى اليوم انت برا فى رحلات وبليل بتلف فى الممشى بتاعها وتتعشاه ... الأكل هناك رخيص مقارنتا باى مكان تانى عن تجربه ... ACTIVITIES العملناها هناك كانت اغلبها مغامرات يعنى عايزه صحه زى:
روحنا حته اسمها CAVES دى مكان ع البحر كده والجبل لوحدك مفيش ناس والماسك هناك اسمه ابراهيم شخص جدع جدا المهم ممكن تعمل DIVING فى المكان ده و SNORKLING مش هتكلم كتير بس هيا روعه.. وممكن تمشى شويه جنب البحر والجبل وفى حته قدام شويه تعمل فيها Hiking او تتسلق جبل جميله بردو ... جرب بنفسك ..
فى حته قبل ال CAVES دى اسمها 3 POOLS دى بقا فيها كافيتريات كتير قاعده على البحر وبتعمل SNORKLING هايله ..من الحجات المجنونه ان فى وادى بين الجبال اسمه وادى “جُنى” بيتراح سفارى بيتش باجى ... دخلته بالعربيه بتاعتى لحد اخره ورجعنا تانى على الcaves
شاطىء اسمه LAGOONA دا للأستجمام هايل ..
فى يوم لوحده روحنا BLUE HOLE دى بقا مكان على الشاطىء كده عباره عن HOLE كده فىها شعب مرجانيه لل SNORKLING و diving ... مرعبه بس جامده اوى هتخاف تنزل بس انزل هفوتك كتير ... خد معاك حد قلبه جامد لو اول مره تنزلها
... ومنها اخدنا زوديك لشاطىء تانى اسمه ابو جالوم ... كنت اول مره اركب زوديك شعور مختلف ... القاعدهفى الشاطىء بدويه وناس طيبين ... الشاطىء شعب مرجانيه للأ snorkeling ... بعد كده فى ناس بتروح شاطىْ تانى اسمه blue lagoon بالعربيه انا مرحتوهوش الحقيقه ... كل حاجه هايله ومختلفه ... كل ده رحله واحده بالغدا والمواصلات تكلفتها 200 جنيه ..ويوم روحنا رحلة تانيه canyon دى بقا فى نويبع عباه عن شق فى الجبل كده بتركب لاند كروزر انت وسبعه تانيين وبيدخل بيك فى الصحراء لحد ماتوصل لل canyon بتنزلو ومعاكم دليل تتمشو شويه وتبدا الرحله انت بتتسلق الجبل وبتنزل وتطلع فرهضه بس تستحق ... التجربه تستحق المعاناه ... وبعد ساعه بتوصل الواحه دى بتتغدى فيها مع البدو ...اكل بدوى جميل ... وفة مسبح ماء حلو لو عايز تنزل بعد الفرهده دى ب 10 جنيه ... بعد الغداب بياخداب باللاند كروزر وتطلع على حاجهتانيه اسمها colored canyon دى شق جبلى بس ملون ... هتتوهم من المناظر ... وهتنسا التعب والفرهده ... يوميها زودنا 50 جنيه وخليناه يودينا closed canyon دى شق جبلى بس مغلق يعنى بتروح وترجع فى نفس الشق غير التانيين هوا شق مفتوح اخره بتطلع منه ... رحله هتاخد منك يوم ومجهود تكلفتها200 جنيه..
المهم رحلة دهب دى بالبنزينوالأكل والفسح والرحلات بكل العملناه ده كلفنى حوالى 1500 جنيه … كان معايا اتنين صحابى الغرفه بتاعة الفندق كانت ب 450 جنيه ثلاثيه بالفطار ... بتنزل البلد تتغدى ملوخيه وشوربهوسلطه ونص فرخه وعيش ورز ب 60 جنيه ... متحجزش فندق بالغدا والعشا قضيها هتنبسط ...وانا رايح اخدت طريق طابا معلهوش خدمات فاول قبل ماتركبه ... وانا راجع اخد طريق شارم دا طريق عليه خمات وكويس نسبيا ... نصيحه اى كمين اقف حتى لو مش شايف العسكرى لانك لو مشيت ونفضتله ممكن يشاور لبورج المراقبه قدام ويشقلك العربيه بالجرانوف بيعتبرك دخيل او اى حاجه تنيه... يعنى اقف للتفتيش وحاول تدور بعنيك على العسكرى للأمنك ... متخافش من الجيش دول شباب الهما اخويا واخواك وزع عليهم ميه او اى حاجه هون عليهم قاعدتهم فى الجبل ...
زمايلى روحو فى اتوبيس على اسكندريه فى اليوم الرابع والتالت وانا كملت على شارم قعدت فيها يوم ورجعت تانى راس غارب ...
* تانى رحله (مرسى علم , اسوان , الأقصر)
اتحركت من رأس غارب على مرسى علم بعد اسبوعين ...
مرسى علم مقعدش فيها كتير هيا اول ما تروح هتحس بكتأب مفيش حاجه تعملها والبلد تفتقر الخدمات ... المهم قعدنا فى فندق اسمه موون ريزورت وكنا هنمشى تانى يوم بس دورنا على النت لقينا ان فى شاطئين واحد اسمه حنكوراب او شرم اللولى وشاطىء اسمه وادى القلعان ... اخدنا بعضنا وروحنا شاطىْ حنكوراب تانى يوم ... واحنا فى السكه عدينا على مدخل وادى الجمال عشان تروحها لازم لاند كروزر بتطلع من مرسى علم بحوالى 1600 جنيه عيزا عدد ... المهم كملنا على الشاطىء توهنا وسالنى ورجعنا تانى ودخلنا الشاطىء لان المدخل مش باين ... كان فى عاصفه ترابيه شديده ... وكان فى رحلات ... القاعده بدويه بتشرب شاى دا اخرك ... فعيش حياتك وظبط نفسك ... الشاطىء رائع ... Snorkeling و سباحه ... قضينا اليوم وروحنا الفندق...
تانى يوم قلنا كفايه كده عليها اخدنا بعضنا وطلعنا من مرسى علم طريق ادفو على اسوان النوبه Nubian village ... قضينا يومين لوحدينا عند الناس الطيبين ...جميله اوى ... مش هتندم ... الجو حر ... مفيش رطوبه زى اسكندريه ... بتتعود عليه بعد اول يوم ...
زورنا متحف النوبه اول يوم وصول .. تانى يوم الناس فى الفندق زبطولنا مركب فى النيل ... قبليها روحنا نزور السد العالى ... فى حاجه اسمها خزان اسوان ووراه السد العالى ... هما سدين يعنى ورا بعض ... المهم اجمل حاجه المركب الفى النيل دى بتاخدك وتروح تزور معبد فيله على جزيره فى النيل تتفرج وتنزل تانى ... بعد كده المراكبى اخدنا ودانا شاطىْ جميل جدا على النيل وفى شجر جوافه اكلنا منه عسل ولله مش زى البتجيلنا خالص ... ونزلنا الشاطىْ ده رمله ناعمه ومايه عذبه تعوم وتشرب فى نفس الوقت ... احساس مختلف جدا ... اول مره كنت انزل النيل ... مفيش تمسيح متخافش ... مبتعديش من السد العالى ... بعد كدا الراجل النوبى الطيب طلع بينا على بيته فرجنا جزيره نوبيه اسمها جزيرة هيسا ... جزيره نوبيه جميله من المركب شوفناها ... وروحنا مع المراكبى بيته على جزيره تانيه شربنا شاى معاه ومع والده واخدنا بعضنا معاه بالمركب على المغرب ورجعنا تانى ... الموضوع ميتوصفش ... هوا جنان اه ... ودرجة الحراره 45 بس مش رطوبه مش هتحس من الجمال ... البيوت ملونه وجميله اوى فى تكييف متخافش هتنام من التعب بتاع اليوم ... بتسحب الطاقه السلبيه ... روعه ..
اليوم التانى دورنا العربيه وطلعنا على الأقصر
حولى 200 وشويه كيلو الطريق صحراوى وصلنا دورنا على بوكينج لقينا عرض فى (شتيجنبرجر) فندق روعه على النيل 3 ايام الليله ب 600 جنيه غرفه مزدوجه بالفطار ... روحنا وادى الملوك ومعبد الكرنكومحبت حتشبسوت...وفى يوم ركبنا البلون فيه احساس مختلف كنا حاجزين فى شركه البلون اسمها سندباد ب 800 جنيه للفرد المفروض يقعد ساعه الا ربع بس ال pilot كان رخم اوى يدوبك عدانا من البرش الغربى للشرقى ونزل فى ارض زراعيه قعد يتخانق شويه مع صحاب الأرض ... المهم شركه اسمها سندباد مش تمام مقعدش اكتر من 20 دقيقه وقلنا الغاز خلص مع ان الشركات التانيه فضلو كتير فى الهوا ... المهم انها تجربه مختلفه وتستحق ... الناس فى اقصر استغلاليين شويه خلى بالك منت بتتعامل هناك ... اليوم التالت روحنا كنا عيزين نروح الواحات بس متوفقناش واخدناها خبطه واحده من الأقصر الى الأسكندريه ونزلت صاحبى القاهره , المسافه 880 كيلو من 11 الصبح الى 11 بليل وريحت مرتين فى السكه...
الرحلة دى تكلفتها عليا بالبنزين والمزارات والأكل والمبيت فى 8 ايام كانت 3500 جنيه (مرسى علم اسوان الأقصر)...
* اخر رحله فى العيد الفات (سيوة مرسى مطروح)
اتحركت انا وصاحبى يوم العيد الصبح من اسكندريه الى سيوه ريحت فى مرسى مطروح شويه حوالى 600 كيلومتر وصلت على الساعه واحده تقريبا سيوه دورنا على فندق وقعدنا فى فندق اسمه شالى ريزورت بالفطار الغرفه المزدوجه (500) جنيه قعدنا يومين ... زورنا فيهم معبد التوج فيه الأسكندر الأكبر مش فاكر اسمه ايه
ومدينة شالى القديمه وجبل الموتى وعيون كليوباترا ... دى زى نبع من الأرض طبيعى بيطلع ميه عذبه فى طحالب كدة خضراء بتطلع هتخليك تتقرف تنزل بس الناس بتنزل عادى ... واليوم قبل منتحرك فيه على مرسى مطروح روحنا البحيره المالحه وانا نزلت فيها ... الملح بيخليك تعوم من غير مجهود ... هتلاقى جسمك بيطفو لوحده ... بس لو نقطه دخلت عينك هتحرقك اوى ... التجربه جميله ... احساس باللزوجه كده ميتوصفش ... جرب وشوف ... هيا من غير طول ولازم تلبس شوز البحر عشان الملح حاد شويه ...وعلى الغروب روحنا جزيره اسمها جزيرة فطناس المنظر را~ع ساعة الغروب وسربنا بلح باللبن هايل ... طول منتا ماشى تلاقى نخل وبلح ...بعد كده روحنا فطرنا واخدنا بعضنا على مرسى مطروح 300 كيلومتر روحنا على طول على شاطىء اسمه "ام الرخلَم" شاطىء مش معروف فيه موج وجزيره عمت للجزيه وقعدت عليها شويه ورجعت تانى روحنا شاطىْ عجيبه ... ورجعنا على مرسى مطروح اول فندق قابلناه قعدنا فيه اسمه شاطىء الغرام مش قد كده الليله كانت ب200 جنيه للفردين هيا نومه بس ... الأكل والشرب من البلد بقا ... تانيى يوم روحنا شاطىْ الغرام الشامسيه ب 100 جنيه على البحر ... كان زحمه اوى فى العيد قاعد مع الناس الجانبك يعنى ... وتانى شوم شدينا على اسكندريه ...
والرحله دى ثلاثة ايام تكلفتها عليا بالبنزبن والمبيت والاكل والفسح تقريبا 1000 جنيه ...
الخلاصه:
سافر بعربيتك هتستمتع اكتر ... كفايه احساس الحريه مش مقيد بمجموعه
Enjoy everything not only your destination. Enjoy driving, the road,& the place you’re going too…
متسوقش بسرعه اخرك 120 كيلومتر لكل ساعه (الفرق بين 120 و150 كيلو فى ال 100 كيلومتر 10 دقائق بس) الفرق مش كبير بس امنك اهم ... ابقا اتحرك بدرى نص ساعه يا سيدى مش هتفرق ...
120 كيلومتر ساعه دى اخر سرعه ممكن تلم فيها العربيه لو حصل حاجه ...
ريح فى السكه مش عيب ... متكابرش ... انت مش فى rally
فكك من الأسطوره البتقول سيوة واسوان والأقصر متتراحش فى الصيف ... هتستمتع بحجات تانيه زى انك ممكن تنزل النيل او العيون دا مش هتعمله فى الشتاء ...
تكلفة ال 3 رحلات عليا تقريا 6000 جنيه مصرى 16 يوم تقريبا لفيت فيهم معظم البلد ... لو روحت ريزورت من ابو all inclusive ده هتدفع اكتر من كده فى اسبوع ومش هتشوف كل ده ...
احسبها صح ...
البوسط بهوأ منى وبقا كبير اوى
سلمات ...