M
Mayoyat Magdy
:: مسافر ::
مساء الخير
من باب الافادة ..هحكيلكم تجربتي مع السفر لتونس
أولاً كان السفر لتونس من أمنياتي والحمد لله اتحقق مش زي منا عايزة بالظبط لكن اتحقق الحمد لله
كنت فى تونس فى مؤتمر فى مدينة اسمها الحمامات - المدينة دي زي شرم الشيخ ( مصيف يعني) بس طبعا بامكانيات أقل كتير من شرم الشيخ
مكنش فيه أي زيارت لأماكن أثرية فى المدينة دي وأعتقد أنه مفيهاش حاجات كدة
المدينة عبارة عن شواطيء مفتوحة للناس وسوق فيه كافيهات ومطاعم وبعض البازارات ( أماكن سياحية ) فيها أشهر البضائع التونسية ( زيت الأورجان - الزي الوطني التونسي للسيدات والرجال والشنط الجلد والمصنوعات الجلدية مميزة جداً فى تونس وأسعارها مناسبة وفيه فصال كمان)
فيه كمان مدينة قريبة من الحمامات اسمها ياسمين الحمامات دي روحنا فيها سوق فيه نفس المنتجات اللى موجودة فى الحمامات وفى تونس العاصمة وفى كل الامكان بس بأسعار غالية جداً ... عبارة عن مكان سياحي فيه ناس بتغني على العود وفى القهاوي زي الفيشاوي مثلا فى مصر .. وكمان عبارة عن مطاعم وقهاوي مفتوحة أصحابها بيتحايلوا على الناس يقعدوا .. السياحة مبقتش زي الاول عندهم برضه
ركوب التاكسي هناك سهل جداً وبالعداد .. وبيوافق على أي مكان .. أهم حاجة تأكد عليه يشغل العداد علشان ميكونش فيه أي مجال للنصب ..لأنه كتير فى الموضوع ده
خلي بالك أن التاكسي تسعيرته بتزيد بعد 9 مساءاً هما نظامهم هناك كده
المحلات بقي بتقفل 8 مساءاً .. فمحتاج تتأقلم على ده وتشتري حاجتك قبل كدة
من المدن الجميلة اللى روحناها برضه مدينة اسمها "نابل" دي قريبة جداً من الحمامات .. قالولنا متروحوش علشان بعيدة .. اللى بعيد طلعت نصف ساعه . . مبيشوفناش
واحنا واقفين على كوبري أكتوبر 30 ساعة
المهم المدينة دي أكثر حاجة بتميزها شغل الفخار وأواني الزينة والتحف اليدوية .. أكثر حاجة ببتباع هناك وفيه محلات كتيرة متخصصة فيها بس .. اللطيف واحنا هناك لاقينا عربية تسالي فى الشارع زي مصر بس بتبع منتجات مختلفة ( ملبن بألوان وأطعم امختلفة- جيلى كولا بالوزن-الحمصية - السودانية والحاجات بتاعة المولد النبوي )
أحلى حاجة فى الموضوع أني كمصرية كنت مستمعة جداً فى تونس لأكثر من سبب :
الأغاني المصرية بكل أنواعها شغاله هناك من أول ( أم كلثوم لغاية أديك فى السقف تمحر
بالنسبة لهم عدوية مقدس جداً .. كل سواقين التاكسي اللى ركبت معاهم فضلوا يرغوا معايا من أول الطريق لآخره مجرد مابيلقطوا اللهجة المصري وطبعا مشغلين الأغاني المصرية
الأحلي بقي الشعب فعلا بيحب المصريين جدا ... كل مااروح محل يعملولي تخفيض مخصوص علشان أنا مصرية.. واللى يديني هدايا تذكارية
ندخل على التقيل بقي تونس العاصمة
مبدئياً كدة تونس مفيهاش أثار كتير ولكن فيها جو جميل جداً ..بداية من شارع الحبيب بورجيبه على رأي التوانسه لغاية باب بحر والسوق العربي
شارع بورجيبه شبيه بشارع الشانزلزيه فى فرنسا وفيه ترام ماشي فى وسط الشارع كدة
وفيه كنيسة عريقة جدا ً وفيه مسرح اسمه المسرح البلدي "زي القومي " كدة
تحسه شبه مصر الجديدة
فيه معلم سياحي مهم جداً عند التوانسه اسمه المنجيلة " ساعه كبيرة جدا" فى شارع الحبيب بورجيبه محستش ناحيتها بأي حاجة بس مش مشكلة
السوق العربي ده جميل جداً فيه كل البضائع والملابس وكل شيئ وبأرخص الاسعار يعني لو عايز تشتري تشتري منه بلا أي تردد .. خلى بالك بيقفلوا الساعه 8 والسبت والاحد اجازة
من أحلي المناطق فى تونس العاصمة ..منطقة "سيدي بوسعيد" دي رائعه عبارة عن مكان على مرتفع ونازل بمنحدر على ميناء كبير فى السفن المنظر من فوق رائع لايوصف ..المكان عبارة عن البيوت التونسية المميزة باللون الازرق والابيض ودي ببتأجر للسياح أو أي حد عايز يقعد هناك .. هناك فيه مطاعم كتير جداً متخصصة فى عمل المقلوب والبامبالوني وقهاوي بتقدم الشاي التونسي.
المكان حلو جداً للتشمية والفسح .. يفضل زيارته فى الصباح علشان الاستمتاع بالمنظر الرائع ده
والى جانب كل ده فيه برضه محلات البضائع الاساسي عندهم زي الجلود وخلافه ..والباعيين هناك يفضلوا ينادوا عليك ويصمموا لغاية ماتتشتري .. بس خلي بالك الاسعار غالية هناك عن تونس العاصمة ..فبلاش تستري من هناك خليك فى السوق العربي.
أحلي حاجة فى تونس ولازم تروح علشانها مزيج ال3 ألوان الأبيض والأزرق والأخضر رائعين ( الأخضر) الخضرا الروعه اللى فى كل مكان معندهمش صحرا أصلا .... الطريق كله مزروع حتي ولا ألف كيلو..
والابيض والأزرق القانون اللى بيخليهم بيدهنوا البيوت وابوابها بالألوان دي بس .. تناسق وشياكة وراحة نفسية لاتنتهي ... هتسمتع .. الجو هناك صاقي بلا تلوث .. هتاخد نفس نضيف
آخيرا.. أسوء حاجة ليا فى تونس كانت مع الأكل .. مش عارفه هما أكلهم وحش ولا معندهمش أكل أصلا ..ولا أنا اللى حظي وحش فى الاكل ؟
أشهر الأكلات
حلو
بمبالوني وده ياسيدي الفاضل زلابية بس مستعبطة
مفروشة على مساحة أوسع شوية
الشاي عندهم مسكر أووي وعامل زي الشاي الاخضر .. مفيش عندهم شاي أسود لما كنت هتنقط هناك والله
الأكل بقي التونة ليها مقام كبير اووي عندهم معرفش ليه ؟ بيدخلوها فى حاجات كتير اووي وهي لوحدها أكله مهمة .. سبحان الله
الطجين بقي ياسيدي والله عجة وبيقولوا عليها طجين .. ماعلينا
الكسكسي بقي كان سيء جداً بصراحة .. ماما بتعمل أحسن منه 100 مرة
فيه حاجة لطيفة شوية اسمها المقلوب دي عجين بيتحشي بقي فراخ - جبنه - تونة أي حاجة .. لطيف يعني
عامة تونس بلد حلوة جداً وأهلها مرحابين برشا
الصور قليلة معلش..
#تونس
من باب الافادة ..هحكيلكم تجربتي مع السفر لتونس
أولاً كان السفر لتونس من أمنياتي والحمد لله اتحقق مش زي منا عايزة بالظبط لكن اتحقق الحمد لله
كنت فى تونس فى مؤتمر فى مدينة اسمها الحمامات - المدينة دي زي شرم الشيخ ( مصيف يعني) بس طبعا بامكانيات أقل كتير من شرم الشيخ
مكنش فيه أي زيارت لأماكن أثرية فى المدينة دي وأعتقد أنه مفيهاش حاجات كدة
المدينة عبارة عن شواطيء مفتوحة للناس وسوق فيه كافيهات ومطاعم وبعض البازارات ( أماكن سياحية ) فيها أشهر البضائع التونسية ( زيت الأورجان - الزي الوطني التونسي للسيدات والرجال والشنط الجلد والمصنوعات الجلدية مميزة جداً فى تونس وأسعارها مناسبة وفيه فصال كمان)
فيه كمان مدينة قريبة من الحمامات اسمها ياسمين الحمامات دي روحنا فيها سوق فيه نفس المنتجات اللى موجودة فى الحمامات وفى تونس العاصمة وفى كل الامكان بس بأسعار غالية جداً ... عبارة عن مكان سياحي فيه ناس بتغني على العود وفى القهاوي زي الفيشاوي مثلا فى مصر .. وكمان عبارة عن مطاعم وقهاوي مفتوحة أصحابها بيتحايلوا على الناس يقعدوا .. السياحة مبقتش زي الاول عندهم برضه
ركوب التاكسي هناك سهل جداً وبالعداد .. وبيوافق على أي مكان .. أهم حاجة تأكد عليه يشغل العداد علشان ميكونش فيه أي مجال للنصب ..لأنه كتير فى الموضوع ده
خلي بالك أن التاكسي تسعيرته بتزيد بعد 9 مساءاً هما نظامهم هناك كده
المحلات بقي بتقفل 8 مساءاً .. فمحتاج تتأقلم على ده وتشتري حاجتك قبل كدة
من المدن الجميلة اللى روحناها برضه مدينة اسمها "نابل" دي قريبة جداً من الحمامات .. قالولنا متروحوش علشان بعيدة .. اللى بعيد طلعت نصف ساعه
. . مبيشوفناش واحنا واقفين على كوبري أكتوبر 30 ساعة
المهم المدينة دي أكثر حاجة بتميزها شغل الفخار وأواني الزينة والتحف اليدوية .. أكثر حاجة ببتباع هناك وفيه محلات كتيرة متخصصة فيها بس .. اللطيف واحنا هناك لاقينا عربية تسالي فى الشارع زي مصر بس بتبع منتجات مختلفة ( ملبن بألوان وأطعم امختلفة- جيلى كولا بالوزن-الحمصية - السودانية والحاجات بتاعة المولد النبوي )
أحلى حاجة فى الموضوع أني كمصرية كنت مستمعة جداً فى تونس لأكثر من سبب :
الأغاني المصرية بكل أنواعها شغاله هناك من أول ( أم كلثوم لغاية أديك فى السقف تمحر
بالنسبة لهم عدوية مقدس جداً .. كل سواقين التاكسي اللى ركبت معاهم فضلوا يرغوا معايا من أول الطريق لآخره مجرد مابيلقطوا اللهجة المصري وطبعا مشغلين الأغاني المصرية
الأحلي بقي الشعب فعلا بيحب المصريين جدا ... كل مااروح محل يعملولي تخفيض مخصوص علشان أنا مصرية.. واللى يديني هدايا تذكارية
ندخل على التقيل بقي تونس العاصمة
مبدئياً كدة تونس مفيهاش أثار كتير ولكن فيها جو جميل جداً ..بداية من شارع الحبيب بورجيبه على رأي التوانسه
لغاية باب بحر والسوق العربي شارع بورجيبه شبيه بشارع الشانزلزيه فى فرنسا وفيه ترام ماشي فى وسط الشارع كدة
وفيه كنيسة عريقة جدا ً وفيه مسرح اسمه المسرح البلدي "زي القومي " كدة
تحسه شبه مصر الجديدة
فيه معلم سياحي مهم جداً عند التوانسه اسمه المنجيلة " ساعه كبيرة جدا" فى شارع الحبيب بورجيبه محستش ناحيتها بأي حاجة بس مش مشكلة
السوق العربي ده جميل جداً فيه كل البضائع والملابس وكل شيئ وبأرخص الاسعار يعني لو عايز تشتري تشتري منه بلا أي تردد .. خلى بالك بيقفلوا الساعه 8 والسبت والاحد اجازة
من أحلي المناطق فى تونس العاصمة ..منطقة "سيدي بوسعيد" دي رائعه عبارة عن مكان على مرتفع ونازل بمنحدر على ميناء كبير فى السفن المنظر من فوق رائع لايوصف ..المكان عبارة عن البيوت التونسية المميزة باللون الازرق والابيض ودي ببتأجر للسياح أو أي حد عايز يقعد هناك .. هناك فيه مطاعم كتير جداً متخصصة فى عمل المقلوب والبامبالوني وقهاوي بتقدم الشاي التونسي.
المكان حلو جداً للتشمية والفسح .. يفضل زيارته فى الصباح علشان الاستمتاع بالمنظر الرائع ده
والى جانب كل ده فيه برضه محلات البضائع الاساسي عندهم زي الجلود وخلافه ..والباعيين هناك يفضلوا ينادوا عليك ويصمموا لغاية ماتتشتري .. بس خلي بالك الاسعار غالية هناك عن تونس العاصمة ..فبلاش تستري من هناك خليك فى السوق العربي.
أحلي حاجة فى تونس ولازم تروح علشانها مزيج ال3 ألوان الأبيض والأزرق والأخضر رائعين ( الأخضر) الخضرا الروعه اللى فى كل مكان معندهمش صحرا أصلا .... الطريق كله مزروع حتي ولا ألف كيلو..
والابيض والأزرق القانون اللى بيخليهم بيدهنوا البيوت وابوابها بالألوان دي بس .. تناسق وشياكة وراحة نفسية لاتنتهي ... هتسمتع .. الجو هناك صاقي بلا تلوث .. هتاخد نفس نضيف
آخيرا.. أسوء حاجة ليا فى تونس كانت مع الأكل .. مش عارفه هما أكلهم وحش ولا معندهمش أكل أصلا ..ولا أنا اللى حظي وحش فى الاكل ؟
أشهر الأكلات
حلو
بمبالوني وده ياسيدي الفاضل زلابية بس مستعبطة
مفروشة على مساحة أوسع شوية
الشاي عندهم مسكر أووي وعامل زي الشاي الاخضر .. مفيش عندهم شاي أسود لما كنت هتنقط هناك والله
الأكل بقي التونة ليها مقام كبير اووي عندهم معرفش ليه ؟ بيدخلوها فى حاجات كتير اووي وهي لوحدها أكله مهمة .. سبحان الله
الطجين بقي ياسيدي والله عجة وبيقولوا عليها طجين .. ماعلينا
الكسكسي بقي كان سيء جداً بصراحة .. ماما بتعمل أحسن منه 100 مرة
فيه حاجة لطيفة شوية اسمها المقلوب دي عجين بيتحشي بقي فراخ - جبنه - تونة أي حاجة .. لطيف يعني
عامة تونس بلد حلوة جداً وأهلها مرحابين برشا
الصور قليلة معلش..
#تونس