مرحبا انا اشعر بالفشل قربت اتخرج وكل واجباتي...

  • بادئ الموضوع بادئ الموضوع Dena Mahdi
  • تاريخ البدء تاريخ البدء
عرض العطلة
#41
طبيعي مثل ما انتي تعاني اثناء الدراسة، كمان احنا مرينا بنفس الظروف. ولكن دائماً فيه مثل حاطه قدامي عشان يعطيني دافع اني اضغط على نفسي واعصر نفسي في المذاكرة: ألم الدراسة لحظة وينتهي، ولكن إهمالها ألم يستمر مدى الحياة. فثقي بنفسك أولاً وايضاً، It's never late، حاولي تبذلي جهد أكثر شويه، وحتى لو جلستي عالأسايمنت فترة طويله طبيعي، اعطيك مثال كنت اجلس من ٧ الى ٨ ساعات متواصلة قراءة وكتابة، وأحيانا لحد١٠! اذا لزم الأمر. وحاولي يكون معاك احد تعرفيه بنفس التخصص، تتساعدوا وتتعاونوا في المذاكرة وأيضاً تتعلمي منه كيف تذاكري وتحلي واجبات.
احنا مشكلتنا زمان ايام المذاكرة ما كان احد يعلمنا كيف نذاكر، بل كانوا يلقنونا ويحفظونا المواد. فانتي تحتاجي الى معرفة اساليب في المذاكرة، واساليب في تعلم اللغة وكيفية التعامل معها. فيه مثل دائماً اقوله لطلابي:
I don't want to teach you English, I want to teach you how to learn English.
لأن اللغة بحر عميق جداً، ولكن الدور علينا ان نجد طريقة للغوص في هذا البحر بسلاسة حتى لا نغرق!
بالتوفيق وأي مساعدة انا حاضر.
 
#42
اعطيك مثال بسيط عني: كنت اول ترم ماستر، عشان اضمن انه الاسايمنت حقي بيرفكت، اخش مواقع تترجم نصوص، فاكتبها بالعربي ويترجم لي النص بالإنجليزي. ولاحظ الدكتور انه فيه شيء غلط فالموضوع فقلت له اني اترجم. فابتسم وقال think in English and write in English. فعشان تطوري مهارتك في الكتابة اقرأي قد ما تقدري ومو شرط في مجال معين، في عدة مجالات، وحاولي عالأقل تشوفي مرادفات للكلمات الصعبة بكلمات اسهل، وحاولي اثناء القراءة تلخصي باسلوبك، تلاقي نفسك بعد فترة تطورتي. عموماً خلصت ماستر وكتبت رسالتي بنفسي وتخرجت بمعدل ٤/٤! فدائماً كوني انتي من يشجع نفسك على التفوق. لاتنظري للنجاح فقط، بل اطمحي للتفوق.
 
#43
تقدرين تستفيدين من الطلاب الي معاك .. اجتمعي معاهم وقت الواجبات والاختبارات وحاولي تعطين نفسك وقت اكثر من كافي في حل الواجبات والمذاكره .. وطلبي المساعده من الدكاتره لانهم متفهمين لموضوع حاجز اللغه و لا تستحين بالعكس لانهم يشوفون هالشي اجتهاد مو نقص!
بالتوفيق.
 
#44
مهما كانت مشكلتك لا تكوني سلبية على نفسك .. دائماً خذي الامور بأيجابية .. مثلاً مجال العمل بعد التخرج مو شرط يكون بمجال تخصصك او بعيد بنسبة ٧٠ بالميه فا الي فادك هو المؤهل بس مو محتواه وتعبك فيه .. ثانياً انا لما كنت بدراسه البكالوريس في حاجات فوتها وتخرجت وانا مو فاهمها وحسيت بنقص بأمكانياتي .. فا قررت اني أعوض هذا الشي بعد التخرج والحمد لله صرت ملم بأغلب تخصصي .. العلم لا يتوقف
 
عرض العطلة
#47
اهنئك على شجاعتك
وبشجاعتك بالبحث عن باذن الله تستطيعين تحصيل التعليم بالهمة والاخلاص اولا مع نفسك امام الله وثم بتطوير نفسك للعودة للوطن والمشاركة في بنائه
تحياتي
بالتوفيق يارب
 
#48
نصيحتي لك لا تعطين الموقع لأحد حتى لا تتحملين تأنيب ضمير أكثر ، الأمر الآخر وتحمليني انتي مثل بنتي واقول لك اذا تخرجتي بدون فهم ولا علم فاحرصي ان لا تتوظفي في تخصصك او بشهادتك لأنك راح ترتكبين كوارث انسانية
 
#49
عفا الله عما سلف..
خلاص ابدأي مرحلة جديدة من اليوم حتى لو كان هذا آخر سمستر لك
في الغالب الموضوع نفسي. تفكرين كثيير بكيف بأحل الواجب ثم ينتهي بك المطاف في الموقع لأنه أسهل طريقة ثم بعد كذا يأنبك ضميرك لأن باقي لك قلب
كتابتك لهالبوست يعتبر شجاعة منك وأول خطوة في الطريق الصحيح إن شاءالله
برأيي لا تفكرين كثير وإن شاء الله أمورك تتيسر
اشتغلي على نفسك وحلي واجباتك. لا تتوقعين أن الحياة سهلة مرة، فيه صعوبات وضغوطات لكن نجاحك بالنهاية بيعوضك عن كل تعب
يقولون لكل ساعة في الكلاس، لازم تقضي أقل شي ساعتين برا الكلاس تدرس وتراجع وتحضر، اسالي نفسك هل تقضين هذا الوقت؟ او منشغله بالتفكير؟

سالفة المواقع منتشرة بكثرة للاسف واعرف كم واحد تخرج وهو مايعرف شي. كل شغله من مواقع. لدرجة ان مستواه في اللغة موقف من ايام المعهد
لكن هذا وش استفاد؟ خسارة فلوس -لدرجة ان واحد صرف اكثر من ١٠ الاف دولار يوم حسبها بنهاية بعثته على المواقع- وندم في النهاية لما تروحين لوظيفة ما تعرفين فيها شي او لما تشوفين لغة واحد درس في السعودية احسن منك
المواقع في اسوأ الاحوال خليها لاوقات الزنقة مررة وحاولي ما تكون لشي في مواد التخصص. و الله ييسر امورك
كلنا نتعب، لكن بعضنا يتعبون وهم يدرسون وبعضنا يتعبون وهم يفكرون بالدراسة.
 
عرض العطلة
#51
احيك يابنتي على اعترافك وشعورك بأن ماتفعلينه خطأ ويقظة ضميرك لان الكثيير ماتت ضمايرهم وانطمست الفطرة السليمة عندهم بسبب سوء اعمالهم فالاعتراف بداية الوقوف على الصراط المستقيم والخطوة الثانية طلبك للمشورة والمساعدة شئ ممتاز وثالثاً العمل على تصحيح هالخطأ وقد افادوك ماقصروا العديد ممن رد بضرورة الجدوالاجتهاد والثقة بالنفس وتنويع اساليب المذاكرة والاستعانة بالاساتذة او الزملاء و و ولكن بقي شئ مهم ويمكن اهم من كل اللي ذكروه وهي الاتكال على الله وطلب المعونة منه (اياك نعبد واياك نستعين) تجنبي الذنوب واادي واجباتك تجاه الله تٌفتح لك الابواب المغلقة ولاتنسين الدعاء والصدقة تدفع البلاء ولك مني دعوة في ظهرالغيب ان الله يوفقك ويسهل عليك غربتك ويفّتح لك بصيرتك ويرجعك لاهلك وبلدك مملؤة علم ووعي وايمان يارحيم يارحمن
 
#52
يفترض انك من البدايه حاولتي بنفسك في الواجبات...بدأي الان وحاولي تسوين الواجب بنفسك وعيديه وعرضيه على أحد معلمي الكتابه في الجامعه لتطوير...

ثانيا عليك بالقراءه المكثفه عن الدرس وتكرار المصطلحات...

ستنجحين بإذن الله، موفقه.
 
عرض العطلة
#56
البنت تقول قربت تتخرج، يعني قضاه الله خلاص. استغفري وتوبي ومابقى من واجبات اجتهدي فيها وحاولي تحلينها بنفسك او باستخدام وسائل مساعدة بشكل جزئي مثل توتر الجامعة او توتر خاص على حسابك، وتكون معك خطوه بخطوه. ولعل التوبة تجب ما قبلها. هذا من ناحية دينية، عشان ضميرك يرتاح مثل ما قلتي.
من ناحية شعورك بالفشل، انصحك ارجعي اقري كل الماتيريالز حقت المواد اللي خلصتيها وحده وحده واعملي لك نوت لكل مادة، انا متأكدة ان كل مادة الدكتور اعطاكم منهج كافي لاستيعابها ولو فهمتيه صح بيعطيك ثقة انك تتكلمين عن تخصصك وتفيدين السائل بشكل جيد. اما بالنسبه للغة، حاولي تبحثين عن كتيب او لستة للمصطلحات المستعملة في تخصصك وابدي احفظيها واستعمليها في جمل انتي اللي تنشئينها. واتوقع عندك قدر لابأس به من اللغة الانجليزية للمحادثة وينقصك فقط المصطلحات.
بالتوفيق اختي. واهنيك على صراحتك و ضميرك الحي.
 
#59
معليشش كنت احاول م اعلق ع الموضوع لكن م قدرت بنسبة للاخوان والاخوات حرام ومدري ايش ومن هالكلام وماتستحق في المستقبل وظيفة والخ . صحيح ان ان هي بتكون ماتعبت بالواجبات وهذا امر غير مقبول لا اخلاقيا ولا شرعا. لكن انها ماتستحق وظيفة وفاشلة ومن هالكلام عفوا تراها هي بنفسها جاية تبقى حل تبقى مساعدة وانتو تقولو لها حرام ومدري ايش! هي لولا انها عارف الخطآ ولا م كان جات عشان تبقى تحاول بتعديل . امر اخير حاب اقولكم اصلا كيف راح تتخرج وهي اصلا مو فاهمة حاجة بتخصصها!!! الي حاب اقوله الي عنده مايفيدها امر ممتاز اما الكلام سلبي اتركوه عنكم . لان ماراح يفيدها لا في الدين ولا في دراستها بل قد يحبطها اكثر
 
#60
كثير من المهندسين كذا! قبل فتره دخلت قروب واتس "مهندسين أمريكا"،٢٠٠ عضو، وأغلبهم يدور توتر يشرح له ويحل واجباته!
وحاولنا ننصحهم يعتمدون ع نفسهم، أغلبهم زعل ويقولون فلوسنا نسوي اللي نبغى! وتم حذف القروب

حاولي تقرأي كتب وتتعلمي بنفسك وأبذلي مجهود أكثر
 
عرض العطلة
عرض العطلة
عرض العطلة