عندي سؤال محل نقاش علي الجروب ليه كل واحد...

[Moutaz Mohamed]

عندي سؤال محل نقاش علي الجروب

ليه كل واحد فينا طلع مكان و رجع مبسوط منه يكتب انها (جنه الله في الارض)؟ زي بظبط الناس الي تطلع لوحدها سفريه ترجع تقولك الرحاله كذا!!!

بحس اننا بنستخدم كلمات كبيره عشان انبسطنا من مكان واحد بالرغم ان انا شايف ان اي مكان هتسافر ليه و ترجع مبسوط هترجع تقول نفس الجمله جنه الله في الارض.

يعني متخيل لو رحت حديقه الازهر و رجعت مبسوط هتقول جنه الله في الارض و لو طلعتك بعدها غابات الامازون هترجع و تقول جنه الله في الارض طيب هو ايه المعايير الي بنحكم بيها علي جنه الله في الارض؟؟

الي يتمعن في اعماق الكلمه المستخدمه هيلاقي انها تحت قمه السعاده الي بنحلم نكون فيها.

مين عنده راي تاني؟

ملحوظه
الصوره حقيقيه منطقه وادي الجمال جنه الله في الارض.

 

[Sara Anwar]

شهر كام كان فيها جمال كده ؟

 

[Mohamed Farag]

It's illegal to cross the robe surrounding the tree

 

[Shady Mohamed Safwat]

مالديف مصر ياجدع انت بتقول ايه

 

[Ahmed Emad]

Moutaz Mohamed فعلا من اجمل الاماكن في مصر يريت نحافظ عليها

 

[Ahmed Emad]

انا عندي صور كتير جدا لمرسي علم وخايف انشرها علشان متتشهرش والمكان يبوظ زي دهب

 

[Omima Eldweek]

وقريه بلاترس في جبال ترودوس جنه الله في الارض لسه راجعه منها

 

[Shahenda Shokry]

لا سريلانكا و فيتنام جنه ربنا عالارض فعلا

 

[Sasu Muhammed]

هو فعلا تعليق سخيف جدا و مكرر على اى مكان و بقي بزيادة
مفيش حاجة ع الارض تتقارن بالجنة اصلا اللى فيها ما لاعين رأت و لا أذن سمعت و لا خطر على قلب بشر
فياريت كفاية ترديد للوصف المستفز ده

 

[Talal Mansour]

طالما استمتعت تبقي جنه الله في الارض

 

[Mohamed Salah]

مرض

 

[Ivan Enrique Gomez Castro]

دة غير البياخد فيزا لكوستاريكا ولا زانزيبار يبقي محسسنا انة اخد فيزا الجنة

 

[Mohamed Shouman]

الشعب المصرى يحب الافورة

 

[Ahmed Jimey]

ناس عايشة نص حياتها ع المحور او محشورين ف صلاح سالم او مغمى عليهم من الريحة ف المترو البحر بالنسبالهم مصيف اسبوع ف السنة اكيد لما هيشوفوا جبل و بحر و شعب مرجانية هيفتكر نفسه مات

 

[Abady Breezy]

الفكره كلها الطبيعية الربانيه بتخليك تسبح وتسرح في جمال الخالق كانها فعلا جنتوا على الارض ولو في كلام اكتر من كدا يتقال هنقولوا؛ ساعه تفكر في صنع الخالق افضل من 70 عام عباده

 

[Mohamed Abo Malek]

فين المشكله طيب؟
مش فاهم برضه إيه المغزي من السؤال؟
كل واحد ليه معاييره الخاصه ال بيحكم بيها علي المكان او الاشخاص ولازم يبقا فيه اختلاف ودي سنه الحياه علشان كده كل واحد حر يسافر ويتكلم عن المكان ال شافه وحس انه جنه بالنسبه ليه

 

[Mahmoud AbdElrazek]

هي وادي الجمال في جبال ولا لا

 

[C Ahmed Magdy]

 

[Mina Karam Aziz]

اختلف معاك يا معتز .... بجد انت لو رحت سويسرا و لفيت و عملت hiking على الجبال ... بجد جنه على الأرض
البلد الوحيده من وجهة نظري تستاهل هذا اللقب
مش مزايده والله
وطبعا اختلافنا في الرأي لا يفسد في الود قضيه

 

[Fatima Bidh]

هقولك انا اي انسان بيسافر مكان بيشعر فيه بسلام داخلي بيحس انه جنه الله في الأرض والحقيقة مثلا ان سكان المكان نفسه ممكن يكونوا شايفينه جحيم.مهما بلغ جماله ف يارب نتذوق جميعا جنه الله علي الأرض ايا كانت هي فين