هو كشف الحساب اللي بيتقدم لفيزا اوروبا لازم...

[Karim Gamal]

هو كشف الحساب اللي بيتقدم لفيزا اوروبا لازم يكون حساب جارى و لا توفير و لا مش فارقة ؟ و الحساب حد ادنى لازم يكون فيه قد ايه ؟
و جواب ال HR بيكون مكتوب عربي و لا انجليزى ؟
و ايه افضل سفارة للتقديم فيها ؟!!
و شهادة التحركات دي عبارة عن ايه ؟!!

 

[Atef Gad]

كله هايقولك اسهل سفاره فرنسا مع ان ناس كتير اوي متنفعش تاخد رفض لذياده عقارتها وتأشيرتها وناس واخده امريكا وكنده وخدت رفض وناس ورقها مش مظبوط وخدتها

 

[Moustafa Nakouda]

F

 

[Nayera Moustafa Moumen]

لا مش فارقة كشف الحساب المهم يبقى عليه حركات سحب و ايداع كتير اخر 6 شهور و على الاقل حد ادنى من 30 الى 50 الف جنيه ده حد ادنى

جواب الhr بيبقى انجليزى مكتوب فيه انك بتشتغل عندهم و مرتبك السنوى كذة و ان هما موافقين على اجازتك
شهاده التحركات من المجمع ب 15 جنيه و بتستلمها بعد 4 ايام عمل و بترجمها للغه البلد الى انت رايح ليها
مفيش حاجه اسمها افضل سفارة او اسهل فيزا
فى حاجه اسمها رتب اوراقك صح و قدم كل المستندات المطلوبه و اتبع التعليمات و ان شاء الله تاخد الشينجن

 

[Amany Hamdy]

اى ورق هتقدمه لازم يكون مترجم وكشف الحساب تجيبه انجليش اصلا من البنك.. لازم الحساب يكون فيه حركه يعنى سحب وايداع لآخر 6 شهور ويستحسن يكون فيه مبلغ كويس لو عرفت تخليهم 100 الف يبقى كويس جدا وأهم حاجه يكون فى سحب وايداع... مفيش سفاره بلد معينه تقدر تقدم فيها وتبقى ضامن انك هتاخد الفيزا انت وحظك ف الآخر بس اكيد مش هتقدم ف ألمانيا مثلا جرب فرنسا ناس كتير بيبقى متوقع أنهم يتقبلوا وبيترفضوا مش بياخدوا الفيزا.. حظ ف الأول والآخر بس ظبط ورقك أهم حاجه

 

[Hamada Moustfa]

م

 

[Hamada Moustfa]

هي سفارة هولندا بتحتاج شهادة تحركات ولا لا ؟