A
Ahmed Khodeer
:: مسافر ::
تايلاند من منظور آخر
السلام عليكم جميعاً
أنا عارف إن موضوع السفر إلي تايلاند اتكتب في اكتر من مقال قبل كدة, واتهرس في مليون ريفيو , بس المرة دي انا هاتكلم عن تايلاند من منظور أخر تماماً, انا هاتكلم عن الثقافة بشكل عام, كوني شخص عشت هناك كسائح, وكمسافر في نفس الوقت, فببساطة حبيت اشارك الجروب (اللي استفدت منه كتير قبل كدة) خبراتي الشخصية عن طبيعة تايلاند بعيدا عن كونها بلد سياحية.
أتمني يكون مقالي مفيد وغير مُمل, وأنا في خدمة أي حد في أي سؤال سواء عن لُب هذا الموضوع أو عن أي حاجة متعلقة بالسفر لتايلاند بشكل عام.
بسم الله نبدأ….
أولاً اللغة,
دي اول حاجة هاتصدم بيها أول ما تسافر تايلاند,
وخليني هنا اتكلم عن حاجتين
أولاً اللغة الأم نفسها, بالطبع غني عن الذكر أن لغة تايلاند هي التايلاندية ولها أحرفها المكونة من 44 حرف تقريباً, المشكلة هنا انهم عندهما حركات للأحرف (زي التشكيل بالعربية) بتغير نطق الكلمة والمعني تماما. اللغة صعبة نوعاً ما لغير المُتحدثين بلغات شبيهة (يُقال أن الجزر اللغوي للغة التايلاندية قادم من الصينية) وعلشان أبرهن كلامي بالواقع العملي, فاكرين فيلم فول الصين العظيم بتاع محمد هنيدي (الكلام دا حقيقي والله, وبنفس المعني تقريباً) فيه خمس معاني لكلمة (ما) MA علي حسب طريقة نطق حرف A في نهاية الحرف, فقد تعني come وقد تعني Dog وقد تعنيhorse
وهكذا في كلمة الكلمات تقريباً, بجانب انهم عندهم ضمير مُتكلم للمُذكر والمؤنث, ياتي بنهاية الكلام علي شكل ka للمؤنث و kurp للمذكر. بجانب إن اللكنة التايلاندية نفسها بتتغير من شمال تايلاند (تشانغ ماي) والعاصمة (بانكوك) والجنوب سواء (بوكيت) او (هام ياي)
ثانياً اللغات الأخري غير التايلاندية,
الشعب التايلاندي (كمعظم بلاد اسيا) عندهم مشكلة رهيبة في اللغة الانجليزية, طريقة النطق (اللكنة) صعبة الفَهم للغاية بجانب استبدال حروف باخري كحرف r يستبدل دوما بحرف l تصوروا نطقة كلمة restaurant بيكون عندهم lestaulant ناهيك عن b وال p وتجاهل كامل لقواعد الانجليزي.
طوال فترة اقامتي في تايلاند لم أري شخص تايلاندي يتحدث لغة اوربية اخري غير الانجليزية كلغة ثانية (لم اسمع الفرنسية ولا الالمانية ولا حتي الروسية وخصوصا ان تلك الدولة الأخيرة تُعد الدولة الأولي لعدد الوافدين لتايلاند منها)
ثانياً الطعام,
طبعاً مش هاكلمك عن السي فود, لان هناك الاحجام والطعم غير المُتعارف عليه في مصر تماما, وخليني اقولك انهم مش زي ما انت فاكر بياكلو كل حاجة بالعصيان (الشوب ستيكس) بالعكس تماماً هما بيستخدموا الشوكة والمعلقة والسكين في كل الطعام ما عدا المكرونة (النوديلز) دي بس اللي بيستخدموا في العصيان.
خليني اتكلم باختصار عن الفاكهة, لو حظك حلو ورحت في نهاية الموسم الممطر (اخر 8 وأول 9) هايكون عندك كمية فواكهة استوائية ما شفتهاش ولا سمعت عنها قبل كدة, نصيحة شخصية جرب كل الفواكهة (الدوريان ملك الفاكهة هناك, مانجوستين ملكة الفاكهة) ممكن تسأل عن اسم الفاكهة والناس هناك بيديولك واحدة تجربها قبل ما تشتري لو انت مش عارف الفاكهة.
اللحم والفراخ (بالنسبة للمسلمين لازم تسأل عن انه حلال ولا لا, وهم في الحقيقة مُنصفين جداً بيقولوا اذا كان المطعم فيه اكل حلال ولا لا) فعندهم فكرة الحلو والحادق (سويت اند سور) طاغية عليهم جداً, كل الفراخ تقريباً حتي المشوي منها بيحطوا عليها نوع معين من السوس الحلو)
خلي بالك, هناك الحراق حراااااااااااااااااااااااااااااااق جداً فلو انت بتحب الاكل الحراق قوي في مصر لما تروح هناك قولهم little chili ولو مش بتحب الحراق فقلهم no chili غير كدة انت هاتدمر يا معلم.
الحلويات هناك مش مميزة زي المطبخ المصري او العربي, لكنها جديرة بالتجربة. السكر عندهم مش بيستخدم بالكميات البشعة زي عندنا في الحلويات طبعاً. (لو حد حابب معلومات اكتر عن الجزء دا انا تحت امره طبعاً)
الديانه.
طبعاً البوذية هي الديانه المُهيمنة في تايلاند, لكن الناس مش مُتدينة بطبعها علي الرغم ان فيه مدارس (معظم المدارس في الواقع) خاصة بالواد الديني (الواد تعني معبد بالتايلاندية) إلا إني ما لحظتش التمسك الديني بالبوذية هناك, واتكلمت مع اكتر من حد عن الدين بشكل عام وعن مفهومة للعبادة وبوذا والحياة الأخري وكونت فكرة لا بأس بها عن البوذية وعن أن الشعب بشكل او بأخر لا يملك الحجة للدفاع عن البوذية ولا هو مُتدين بالقدر الكافي اللي يخلية مثلاً يروح المعبد او يعرف تعاليم البوذية.
الإسلام هو الديانة التانية هناك, ومترمكز اكتر في جنوب تايلاند وشمالها, مناطق الوسط والعاصمة بها مسلمين طبعاً لكن مش بنفس قوة وتسمك الشمال والجنوب.
المسيحية هي الديانة الثالثة هناك, لكن (ربما لقصر نظري) لم شوفتش الكثير من الكنائس هناك, وطوال مدة اقامتي هناك ما قابلتش غير 2 مسيحين فقط, والحمد لله ما شوفتش يهود.
التعايش هناك سلمي للغاية, البوذيين بيحترموا المسلمين وماشفتش مضاياقات منهم للمسلمين, وكذلك المسلمين بيحبوا الملك بتاعهم (اللي مات السنة اللي فاتت) وبيحترموا البوذيين ونظام الحكم بتاعهم.
العادات والتقاليد.
سريعاً كدة وباختصار شوية عادات لازم تاخد بالك منها
1- اخلع الحذاء برة البيت (لو انت داخل بيت تايلاندي فمن الادب عندهم انك تخلع الحذاء برة البيت وتدخل حافي او بالشراب) وماعندهمش فكرة السجاد والموكيت زي عندنا, مجرد سيراميك او بلاط وبيكون نضيف طبعاً.
2- التلاميذ اللي بيتعلموا في مدارس دينية, ما تلمسش دماغهم (لان عندهم الرأس هي أقدس عضو في الجسد ويجب أن لا يُدنس بايادي الاشخاص) الاطفال العاديين ما فيش مشكلة, لكن طلاب المدارس الدينية (بيكون ليهم لبس معين هاتعرفه اول ما تشوفه) ما تحاولش تلمس دماغة او تلعب في شعره كعادة كل المصريين.
3- ما تحاولش تحقر من تماثيل بوذا ولو انت من محبي التاتو ما تحاولش ترسم بوذا كتاتو علي جسك لان دا معاقب عليه بالقانون وممكن تتحبس, لو عندك مشكلة عقائدية مع بوذا (زي مثلاً) ما ترحش المعابد ما تحتقرتش بوذا أمامهم.
4- امام كل منزل في تايلاند (منزل خاص بالعقيدة البوذية) فيه بيت صغير بيحطوا اكل وشرب فيه (علشان بيؤمنوا ان لكل بيت ملاك بيحرسه, فهم بيبنوا بيت للملاك دا وكل يوم بيحطولوا اكل وشرب, وكل ما كان البيت اكبر, كل ما كان بيت الملاك اكبر) بلاش تقرب من البيت دا او تشيل حاجة منه او تاكل او تشرب من الحاجات المحطوطة قدامة. دي إهانة كبيره للملاك الحارس.
5- لو سافرت تشانج ماي, بلاش تريق علي قبائل السيدات ذات الاطواق والاعناق الطويلة, هم ناس محترمين جداً وبغض النظر عن اختلاف معايير الجمال بينا وبينهم, إلا إنك لازم تحترم وجهة نظرهم (علي الاقل قدامهم) علشان هم بالمقابل بيحترموك جدا وبيقدروا انك مش فاهم عادتهم دي.
ملاحظات علي السكان.
1- انا بعتذر مبدئياً عن الكلام الموجود في الجزء دا, لكن انا مضطر اكتبه وهاحول بقدر المستطاع استخدم افضل الفاظ متاحة.
تايلاند مشهور بحاجة مش موجودة كتير في بلاد تانية في العالم ظاهرة الليدي بوي (اكبر تجمع في العالم موجود عندهم) ودي كانوا اشخاص رجالة وعملوا عمليات حولوا فها لستات, (ستات بالمعني الكامل للكلمة) ينقصهم الرحم فقط. المجتمع بيتعامل معاهم عادي جداً بدون اي استغراب, انت في الاول هايبقي صعب عليك جدا انك تعرفهم لكن مع الخبرة هاتقدر تعرف شوية منهم (مش كلهم لان فيه عمليات ناجحة بنسبة 100 في المية بيبقي مستحيل معاها انك تعرفه الشخص دا كان راجل قبل كدة ولا لا) ما تحاولش انك تبحلق فيهم, أو انك تحتقرهم (بغض النظر اني انا شخصياً بحتقر الإجراء دا) لكن هناك الموضوع عادي جداً. انا قدرت اتكلم مع واحد فيهم وافهم طبيعة الموضوع دا وليه بيتعمل (بشكل ودي طبعا) لكن دا مش مجالنا خالص الكلام عنه دلوقتي.
2- لو رحت مناطق سياحية في تايلاند خصوصا بانكوك, باتايا, وبوكيت, هتلاقي السياحة الجنسية عادي جداً هناك, وكانت لغاية وقت قريب عمل مُباح من الحكومة وبيتاخد علي ضرائب لغاية ما اصبح العمل في الدعارة غير مباح قانوناً, إلا إنه في نفس الوقت موجود بشدة هناك, وخصوصاً لو انت عربي, فانت بالنسبة ليهم فرخة بكشك, حضرتك منجم فلوس يتحرك, فخلي بالك (نصيحة لوجه الله, العرب هناك سمعتهم في موضوع الجنس وحشة جداً, وانهم بيروحوا الاماكن دي علشان خاطر الجنس بس, فسواء حضرتك مسلم او مسيحي, خاف ربنا اولاً وحاول تحسن صورة العرب هناك)
الحالة الاقتصادية,
زي الزفت, العملة بتاعتهم هي البات والدولار منها يساوي 33.25, والجنية المصري يساوي 2 بات (بعد ما كان ب 5 بات) والمواصلات هناك غالية نوعاً ما حتي علي السكان, المترو تقريباً بعشر اضعاف سعرة في مصر (بغض النظر عن ان اقل دخل عندهم هو 10000 بات ما يعادل 5000 مصري) إلا إن الحياة في المدن الكبيرة زي بانكوك وبوكيت صعب للغاية علي السكان.
الناس هناك بتشتغل فعلاً وعندهم يوم اجازة واحد بس لمعظم المهن, ورغم الحالة اللي هم فيها دي إلا إنهم مُنصفين للغاية, معظمهم مش حرامية ولا نصابين, والأغرب, انهم مبتسمين دايماً.
أسعار السلع هناك (بغض النظر عن المولات الكبية والمحلات) قابلة للنقاش والفصال, وفي بعض الاوقات الفصال بيخليك تاخد الحاجة بنص تمنها. حاول تفاصل واستحضر روح الحاجة الوالدة في طريقة فصالها مع بائعين العتبة الجائلين.
أنا اسف المقال بقة طويل اوي, انا عندي حاجات تانية اقوله, بس كفاية كدة علي الأقل في المقال دا.
اتمني اللي قلته يكون مفيد ليكم, تحت امركم في اي استفسار خاص بتايلاند, (اللي مسافر بوكيت تحديداَ انا حافظ المكان هناك عن ظهر قلب, هاكون سعيد لو قدرت اساعده.
الصور بالترتيب
(منزل الملاك الحارس)
(مثال لمدرسة في بوكيت)
(المواصلات العامة في بوكيت)
(سيدة من شمال تايلاند تشانج ماي من ذوات الاعناق الطويلة)
(صورة لجمبري وبعض الفواكهة المتاحة في موسم المطر)
السلام عليكم
السلام عليكم جميعاً
أنا عارف إن موضوع السفر إلي تايلاند اتكتب في اكتر من مقال قبل كدة, واتهرس في مليون ريفيو , بس المرة دي انا هاتكلم عن تايلاند من منظور أخر تماماً, انا هاتكلم عن الثقافة بشكل عام, كوني شخص عشت هناك كسائح, وكمسافر في نفس الوقت, فببساطة حبيت اشارك الجروب (اللي استفدت منه كتير قبل كدة) خبراتي الشخصية عن طبيعة تايلاند بعيدا عن كونها بلد سياحية.
أتمني يكون مقالي مفيد وغير مُمل, وأنا في خدمة أي حد في أي سؤال سواء عن لُب هذا الموضوع أو عن أي حاجة متعلقة بالسفر لتايلاند بشكل عام.
بسم الله نبدأ….
أولاً اللغة,
دي اول حاجة هاتصدم بيها أول ما تسافر تايلاند,
وخليني هنا اتكلم عن حاجتين
أولاً اللغة الأم نفسها, بالطبع غني عن الذكر أن لغة تايلاند هي التايلاندية ولها أحرفها المكونة من 44 حرف تقريباً, المشكلة هنا انهم عندهما حركات للأحرف (زي التشكيل بالعربية) بتغير نطق الكلمة والمعني تماما. اللغة صعبة نوعاً ما لغير المُتحدثين بلغات شبيهة (يُقال أن الجزر اللغوي للغة التايلاندية قادم من الصينية) وعلشان أبرهن كلامي بالواقع العملي, فاكرين فيلم فول الصين العظيم بتاع محمد هنيدي (الكلام دا حقيقي والله, وبنفس المعني تقريباً) فيه خمس معاني لكلمة (ما) MA علي حسب طريقة نطق حرف A في نهاية الحرف, فقد تعني come وقد تعني Dog وقد تعنيhorse
وهكذا في كلمة الكلمات تقريباً, بجانب انهم عندهم ضمير مُتكلم للمُذكر والمؤنث, ياتي بنهاية الكلام علي شكل ka للمؤنث و kurp للمذكر. بجانب إن اللكنة التايلاندية نفسها بتتغير من شمال تايلاند (تشانغ ماي) والعاصمة (بانكوك) والجنوب سواء (بوكيت) او (هام ياي)
ثانياً اللغات الأخري غير التايلاندية,
الشعب التايلاندي (كمعظم بلاد اسيا) عندهم مشكلة رهيبة في اللغة الانجليزية, طريقة النطق (اللكنة) صعبة الفَهم للغاية بجانب استبدال حروف باخري كحرف r يستبدل دوما بحرف l تصوروا نطقة كلمة restaurant بيكون عندهم lestaulant ناهيك عن b وال p وتجاهل كامل لقواعد الانجليزي.
طوال فترة اقامتي في تايلاند لم أري شخص تايلاندي يتحدث لغة اوربية اخري غير الانجليزية كلغة ثانية (لم اسمع الفرنسية ولا الالمانية ولا حتي الروسية وخصوصا ان تلك الدولة الأخيرة تُعد الدولة الأولي لعدد الوافدين لتايلاند منها)
ثانياً الطعام,
طبعاً مش هاكلمك عن السي فود, لان هناك الاحجام والطعم غير المُتعارف عليه في مصر تماما, وخليني اقولك انهم مش زي ما انت فاكر بياكلو كل حاجة بالعصيان (الشوب ستيكس) بالعكس تماماً هما بيستخدموا الشوكة والمعلقة والسكين في كل الطعام ما عدا المكرونة (النوديلز) دي بس اللي بيستخدموا في العصيان.
خليني اتكلم باختصار عن الفاكهة, لو حظك حلو ورحت في نهاية الموسم الممطر (اخر 8 وأول 9) هايكون عندك كمية فواكهة استوائية ما شفتهاش ولا سمعت عنها قبل كدة, نصيحة شخصية جرب كل الفواكهة (الدوريان ملك الفاكهة هناك, مانجوستين ملكة الفاكهة) ممكن تسأل عن اسم الفاكهة والناس هناك بيديولك واحدة تجربها قبل ما تشتري لو انت مش عارف الفاكهة.
اللحم والفراخ (بالنسبة للمسلمين لازم تسأل عن انه حلال ولا لا, وهم في الحقيقة مُنصفين جداً بيقولوا اذا كان المطعم فيه اكل حلال ولا لا) فعندهم فكرة الحلو والحادق (سويت اند سور) طاغية عليهم جداً, كل الفراخ تقريباً حتي المشوي منها بيحطوا عليها نوع معين من السوس الحلو)
خلي بالك, هناك الحراق حراااااااااااااااااااااااااااااااق جداً فلو انت بتحب الاكل الحراق قوي في مصر لما تروح هناك قولهم little chili ولو مش بتحب الحراق فقلهم no chili غير كدة انت هاتدمر يا معلم.
الحلويات هناك مش مميزة زي المطبخ المصري او العربي, لكنها جديرة بالتجربة. السكر عندهم مش بيستخدم بالكميات البشعة زي عندنا في الحلويات طبعاً. (لو حد حابب معلومات اكتر عن الجزء دا انا تحت امره طبعاً)
الديانه.
طبعاً البوذية هي الديانه المُهيمنة في تايلاند, لكن الناس مش مُتدينة بطبعها علي الرغم ان فيه مدارس (معظم المدارس في الواقع) خاصة بالواد الديني (الواد تعني معبد بالتايلاندية) إلا إني ما لحظتش التمسك الديني بالبوذية هناك, واتكلمت مع اكتر من حد عن الدين بشكل عام وعن مفهومة للعبادة وبوذا والحياة الأخري وكونت فكرة لا بأس بها عن البوذية وعن أن الشعب بشكل او بأخر لا يملك الحجة للدفاع عن البوذية ولا هو مُتدين بالقدر الكافي اللي يخلية مثلاً يروح المعبد او يعرف تعاليم البوذية.
الإسلام هو الديانة التانية هناك, ومترمكز اكتر في جنوب تايلاند وشمالها, مناطق الوسط والعاصمة بها مسلمين طبعاً لكن مش بنفس قوة وتسمك الشمال والجنوب.
المسيحية هي الديانة الثالثة هناك, لكن (ربما لقصر نظري) لم شوفتش الكثير من الكنائس هناك, وطوال مدة اقامتي هناك ما قابلتش غير 2 مسيحين فقط, والحمد لله ما شوفتش يهود.
التعايش هناك سلمي للغاية, البوذيين بيحترموا المسلمين وماشفتش مضاياقات منهم للمسلمين, وكذلك المسلمين بيحبوا الملك بتاعهم (اللي مات السنة اللي فاتت) وبيحترموا البوذيين ونظام الحكم بتاعهم.
العادات والتقاليد.
سريعاً كدة وباختصار شوية عادات لازم تاخد بالك منها
1- اخلع الحذاء برة البيت (لو انت داخل بيت تايلاندي فمن الادب عندهم انك تخلع الحذاء برة البيت وتدخل حافي او بالشراب) وماعندهمش فكرة السجاد والموكيت زي عندنا, مجرد سيراميك او بلاط وبيكون نضيف طبعاً.
2- التلاميذ اللي بيتعلموا في مدارس دينية, ما تلمسش دماغهم (لان عندهم الرأس هي أقدس عضو في الجسد ويجب أن لا يُدنس بايادي الاشخاص) الاطفال العاديين ما فيش مشكلة, لكن طلاب المدارس الدينية (بيكون ليهم لبس معين هاتعرفه اول ما تشوفه) ما تحاولش تلمس دماغة او تلعب في شعره كعادة كل المصريين.
3- ما تحاولش تحقر من تماثيل بوذا ولو انت من محبي التاتو ما تحاولش ترسم بوذا كتاتو علي جسك لان دا معاقب عليه بالقانون وممكن تتحبس, لو عندك مشكلة عقائدية مع بوذا (زي مثلاً) ما ترحش المعابد ما تحتقرتش بوذا أمامهم.
4- امام كل منزل في تايلاند (منزل خاص بالعقيدة البوذية) فيه بيت صغير بيحطوا اكل وشرب فيه (علشان بيؤمنوا ان لكل بيت ملاك بيحرسه, فهم بيبنوا بيت للملاك دا وكل يوم بيحطولوا اكل وشرب, وكل ما كان البيت اكبر, كل ما كان بيت الملاك اكبر) بلاش تقرب من البيت دا او تشيل حاجة منه او تاكل او تشرب من الحاجات المحطوطة قدامة. دي إهانة كبيره للملاك الحارس.
5- لو سافرت تشانج ماي, بلاش تريق علي قبائل السيدات ذات الاطواق والاعناق الطويلة, هم ناس محترمين جداً وبغض النظر عن اختلاف معايير الجمال بينا وبينهم, إلا إنك لازم تحترم وجهة نظرهم (علي الاقل قدامهم) علشان هم بالمقابل بيحترموك جدا وبيقدروا انك مش فاهم عادتهم دي.
ملاحظات علي السكان.
1- انا بعتذر مبدئياً عن الكلام الموجود في الجزء دا, لكن انا مضطر اكتبه وهاحول بقدر المستطاع استخدم افضل الفاظ متاحة.
تايلاند مشهور بحاجة مش موجودة كتير في بلاد تانية في العالم ظاهرة الليدي بوي (اكبر تجمع في العالم موجود عندهم) ودي كانوا اشخاص رجالة وعملوا عمليات حولوا فها لستات, (ستات بالمعني الكامل للكلمة) ينقصهم الرحم فقط. المجتمع بيتعامل معاهم عادي جداً بدون اي استغراب, انت في الاول هايبقي صعب عليك جدا انك تعرفهم لكن مع الخبرة هاتقدر تعرف شوية منهم (مش كلهم لان فيه عمليات ناجحة بنسبة 100 في المية بيبقي مستحيل معاها انك تعرفه الشخص دا كان راجل قبل كدة ولا لا) ما تحاولش انك تبحلق فيهم, أو انك تحتقرهم (بغض النظر اني انا شخصياً بحتقر الإجراء دا) لكن هناك الموضوع عادي جداً. انا قدرت اتكلم مع واحد فيهم وافهم طبيعة الموضوع دا وليه بيتعمل (بشكل ودي طبعا) لكن دا مش مجالنا خالص الكلام عنه دلوقتي.
2- لو رحت مناطق سياحية في تايلاند خصوصا بانكوك, باتايا, وبوكيت, هتلاقي السياحة الجنسية عادي جداً هناك, وكانت لغاية وقت قريب عمل مُباح من الحكومة وبيتاخد علي ضرائب لغاية ما اصبح العمل في الدعارة غير مباح قانوناً, إلا إنه في نفس الوقت موجود بشدة هناك, وخصوصاً لو انت عربي, فانت بالنسبة ليهم فرخة بكشك, حضرتك منجم فلوس يتحرك, فخلي بالك (نصيحة لوجه الله, العرب هناك سمعتهم في موضوع الجنس وحشة جداً, وانهم بيروحوا الاماكن دي علشان خاطر الجنس بس, فسواء حضرتك مسلم او مسيحي, خاف ربنا اولاً وحاول تحسن صورة العرب هناك)
الحالة الاقتصادية,
زي الزفت, العملة بتاعتهم هي البات والدولار منها يساوي 33.25, والجنية المصري يساوي 2 بات (بعد ما كان ب 5 بات) والمواصلات هناك غالية نوعاً ما حتي علي السكان, المترو تقريباً بعشر اضعاف سعرة في مصر (بغض النظر عن ان اقل دخل عندهم هو 10000 بات ما يعادل 5000 مصري) إلا إن الحياة في المدن الكبيرة زي بانكوك وبوكيت صعب للغاية علي السكان.
الناس هناك بتشتغل فعلاً وعندهم يوم اجازة واحد بس لمعظم المهن, ورغم الحالة اللي هم فيها دي إلا إنهم مُنصفين للغاية, معظمهم مش حرامية ولا نصابين, والأغرب, انهم مبتسمين دايماً.
أسعار السلع هناك (بغض النظر عن المولات الكبية والمحلات) قابلة للنقاش والفصال, وفي بعض الاوقات الفصال بيخليك تاخد الحاجة بنص تمنها. حاول تفاصل واستحضر روح الحاجة الوالدة في طريقة فصالها مع بائعين العتبة الجائلين.
أنا اسف المقال بقة طويل اوي, انا عندي حاجات تانية اقوله, بس كفاية كدة علي الأقل في المقال دا.
اتمني اللي قلته يكون مفيد ليكم, تحت امركم في اي استفسار خاص بتايلاند, (اللي مسافر بوكيت تحديداَ انا حافظ المكان هناك عن ظهر قلب, هاكون سعيد لو قدرت اساعده.
الصور بالترتيب
(منزل الملاك الحارس)
(مثال لمدرسة في بوكيت)
(المواصلات العامة في بوكيت)
(سيدة من شمال تايلاند تشانج ماي من ذوات الاعناق الطويلة)
(صورة لجمبري وبعض الفواكهة المتاحة في موسم المطر)
السلام عليكم