تجربة شهر العسل في بالى .. بداية سمعنا ان...

[Ahmed Sameh]

تجربة شهر العسل في بالى ..

بداية سمعنا ان بالى ليها تصريح امني و روحنا مجمع التحرير فقالولنا اللى كاتب وظيفة في الباسبور مالوش تصريح اما لو كاتب حاصل على... لازم تصريح امني بس لو مسافر شهر عسل خد معاك ما يثبت انك متجوز فقط ( ورقة مختومة من المأذون)

تاني حاجة كان في كلام ان الفيزا بتاخدها من المطار بفلوس لكن طلعت ببلاش .. احنا قررنا نسافر مع نفسنا بدل شركات السياحة عشان كنا محتاجين نوفر بقدر الامكان و تكون رحله مش مكلفة .. حجزنا تذاكر طيران من ابليكشن موقع ( الاتحاد etihad.com ) و تواصلنا مع Sara Hassan اللى عرفتنا ب (يوسف Supriyadi Lalu) اللى كان ال. Guide بتاعتنا طول الرحله و بيوصلنا الاماكن اللى بيقترحها و عملنا برنامج للرحلة كلها

لما وصلنا بالى تواصلنا مع يوسف و هو كان في انتظارنا من قبل مانوصل

بدأنا اول يوم بالرافتنج و يوسف عمل معانا الواجب بزيادة و عملنا خصم ٥٠٪‏ على الرافتنج ( ٨٥$ للفرد ده السعر الرسمي) و مش هحكيلكوا على روعة المكان و النهر و خدنا حوالى ساعتين و نص تجديف لما ورمنا و نزلنا من شلال صغير ( امان جدا متقلقوش ) و النهر اصلا ارتفاعه نص متر و المكان كان اسمه BMW rafting

تاني يوم روحنا Bali Marine Park حديقة حيوانات مفتوحة اخدنا فيها جوله و فيها حيوانات عمرك ماشوفتها و عروض للحيوانات و فى النهايه عرض مسرحى ( ٧٥٠ جنية تقريبا بالمصري) و يوسف برضه عملنا خصم عليه و ظبطنا و بعدها روحنا غدا وسط مزارع الرز الرائعة و كان سعره لطيف مش غالى اوي

تالت يوم روحنا فيلا في وسط مزارع الرز Ratna Villa اكتر من رائعة و فيها حمام خاص و ب ٥٧$ بس في الليلة هتلاقوها على booking.com

رابع يوم روحنا نتصور في مزارع الرز الشهيرة في بالى في منطقة ubud المنظر رائع و بعدها روحنا منطقة الجبل البركاني و المنظر هناك جميل جدا و بعدها روحنا لمكان تصنيع القهوة

خامس يوم روحنا المعبد الهندوسي و موجود جواه مكان للميه المقدسة عندهم و دي عبارة عن عين مفتوحة والناس كلها اجانب و هندوس بيستحموا فيها عشان بيقولوا انها بتشفي و ريحتها قذرة اصلا الجميل هناك كان حاجة زي حمام سباحة كده كلها سمك ملون كانت حلوة جدا و بيتجيب اكل و تاكل السمك و كده
بعدها روحنا جنينة القرود فيها القرود منتشرة في كل حته و بيتنططوا حوالينا و بينطوا على الناس

بعدها روحنا عشاء رومانسي Sunset Dinner على البحر بحوالى ٧٥٠ جنيه للفردين اسماك متنوعة و جمبرى و كابوريا ..

سادس يوم روحنا مغامرة بالبيتش باجي ( بيسموه هناك ATV ) في وسط الغابات و بيكون معاك guide ( يوسف برضه عمل معانا الواجب و زيادة و عملنا تخفيض ٥٠٪‏ ) هو سعره كلفنا بالتوصيل حوالى ١٠٠٠ جنية ( بعد الخصم )

سابع يوم روحنا Bali Pandewa Beach شط هناك الدخوال فيه بحوالى عشرين جنيه للفرد و الشماسي ٣٥ جنيه تقريبا و ممكن تاخد هناك مركبة صغيرة و تجدفوا بيها بحوالى ٣٥ جنية ..

تامن يوم روحنا شوبنج في galleria mall فيه كل ال brands اسعارة قريبه شويه من مصر ..

بالنسبه للاكل هناك الاكل اسعارة مش قليله زى ماليزيا مثلا بس مناسبه ...بس المهم انكوا تتأكدوا من انه حلال لان بالى معظمها هندوس و بيفتكروا ان الحلال هو انه ميكونش لحم خنزير و خلاص ..مش انه كمان يكون مدبوح على الطريقة الاسلاميه ..فلازم تتأكدوا من وجود العلامه بتاعت الحلال اللى بتحطها لجنه هناك على المطاعم الحلال و بتسألوا المطعم هناك على التصريح ده و بيوريهولك ..

باختصار البلد هناك اكتر من رائعة و الطبيعة ساحرة و هيا تعتبر اغلى شويه من بلاد ال far east بسبب ان كل حاجة هناك متسعرة بالدولار و بيحولها للعمله بتاعتهم بس فعلا هيا تستاهل و تجربه مش هتتنسى ...

الفندق اللي اقامنا فيه كان

Tusita Hotel و كان سيئ بصراحة و مكملناش
Revavi hotel kuta و كان فوق الممتاز و انصحكم بيه

رقم يوسف لو حد عايز يكلمه على واتساب
+6282145258454

ملحوظة: كل الاسعار اللي فاتت اللى كانت محسوبة لما الدولار كان ب٨،٨٨ جنية

 

[Sara Hassan]

Moutaz Mohamed
بمساعدة معتز ربنا يكرم

 

[Manal Mohamed Mossalem]

Heba Samy

 

[SheReen El Shafie]

Youssef is the best
فعلا كان المرشد و المصور و كل حاجة كان بيجبلنا الاسعار بل روبية عشان يوفرلنا

 

[Mohamed Hekal]

تقرير جميل جدا

 

[Ahmed Saleh]

Wessam Ahmed Awad

 

[Hany W. Elbayoumi]

Aly Essam

 

[Amira El-sharkawy ʚïɞ]

Osama El-tokhy

 

[Eslam Gesraha]

تجربة مميزة ...
شوقتني اطلعها

 

[Mostafa Seleem]

التكلفة الكلية كام بالظبط يا أحمد للفردين شاملة كل حاجة ؟

 

[Lelas Jaber]

إسلام الكنزي

 

[Amany Lotfy]

ممكن تقولي اسم الفيلا اللي نزلتوا فيها ؟ و كانت حلوة ؟

 

[Supriyadi Lalu]

SheReen El Shafie and Islam Mohamed Mohamed, Ahmed Sameh, Moutaz Mohamed i love you all to much. I can't mention you all one by one but again I LOVE YOU ALL here from Bali.

 

[Mohammad Omran]

اكبر غلطه عملتوها انكم سبتوا نفسكم لواحد عامل نفسه جايد و هو بيسترزق من وراكم .. ثقتكم فيه بتخليه يستغلك و انت مبسوط فاكره بيزبطك .. كأنك سائح فى شرم و سبت لنفسك واحد من الشارع الى بيقعدوا يقرفوك و انت ماشى علشان يقلبك .. لو رحت لاى كشك رحلات هيطلعلك برشور عليه 85 $ فى الواتر رافتنج و لو فاصلت معاه شويه هتوصل بكل سهوله ل 35 $ و لو سيبته و مشيت و رجعتله تانى و قولتله جبتها ب 25 $ هيقولك اوك تعالى و دى لو شركه 5 نجوم و فيه شركات اقل شويه فى المستوى بياخدوا المراكب القديمه بتاعت شركات ال 5 نجوم و مش بيكون فيها دلع اوى ممكن تطلعها ب 20 $ .. يا جماعه بلاش تسيب نفسك لاى جايد .. التاكسى فى بالى رخيص جدا نص اسعار مصر و كمان اوبر شغال هناك و ممكن تأجر موتوسيكل ب 100 جنيه فى اليوم تفرك بيه فى الجزيره كلها .. الاماكن الى ممكن تتزار سهل اوى تعرفها من اى موقع اونلاين .. الاسعار الى على البرشور دى اكبر خدعه هما بيعملوا كدا علشان عارفين ان الناس بتفاصل فلما يقولك 50 % هتحس انك جيت على الراجل و هيطلعك شفقه علشان قولتله اى ام فروم ايجبت

 

[Mohammad Omran]

الاكل فى بالى ارخص من مصر بكتير .. و كل المطاعم الكبيره حلال .. ماك كنتاكى بيتزا هت بيتزا كومبانى برجر كينج .. كل المطاعم العالميه حلال و جاكرتا كلها حلال .. بالى علشان هندوس كتير و استراليين فاتحين مطاعم كتير فممكن المطاعم العاديه تبقى مش حلال فيا ريت تسألوهم الاول بس فى مطاعم لوكال تركى و عربى خاصه فى كوتا

 

[Hamada Wares]

 

[Mohamed EL Hadad]

Nesma Shalaby

 

[Nabila Hunny]

مبروك يا مدام!
ما هو عشان شهر عسل كل شيء روعة و رائع!
ان شا الله كل أيامكم تبقى عسل في عسل!

 

[Emy Amer]

الف مبروك ربنا يسعدكم وشكرا علي التقرير الجميل ده

 

[Ali Mohamed]

Mohamad Arab