تجربتي في الغردقه حجزت فندق اسمه كمبنسيكي في...

  • بادئ الموضوع بادئ الموضوع Si Elsayed Elkamary
  • تاريخ البدء تاريخ البدء
عرض العطلة
S

Si Elsayed Elkamary

:: مسافر ::
#1
تجربتي في الغردقه
حجزت فندق اسمه كمبنسيكي في سوما باي فطار عشاء
وصلت الفندق الساعه 8 بالليل
غيرت هدومي ونزلت اتعشي وكنت لابس شورت وكت وشبشب
رجعوني من علي الباب وقالوا لازم حزاء مقفول وبنطلون واي حاجه نص كم
ياجماعه هو انا جاي افك عن نفسي والبس اللي انا عاوزه مارضوش ابدا
طب بالنسبه للستات طيب قالك عادي ياكش تتعشي وهي مش لابسه
رجعت تاني الاوضه وكانت بعيده
غيرت ونزلت اتعشيت والعشاء غير شامل المشروبات ودا عادي
قمت الصبح لبست حزاء وبنطلون وتيشرت نص كم عشان اروح افطر وخايف لحد يرجعني عشان اللبس ولا حاجه يكون الفطار ليه طقوس معينه مثلا
بس الحمد لله فطرت وعملت تشك اوت بسرعه
ورحت حانجل اكوا بارك الغردقه
حيث الراحه والرفاهيه
لو داخل تتغدي وانت طالع من حمام السباحه وبالشورت بس ومن غير شبشب ومبلول وبتسقط ميه محدش يقولك بتعمل ايه
وخدمه رائعه
والناس كلها بترحب بيك
#شكرا_جانجل_اكوا_بارك
تعديل
مع العلم والله العظيم ان كان فيه عدد 3 اجانب رجال جس واط
داخلين بشورت عادي
وبشبشب عادي
وبعد ماخلصت عشا روحت اتكلمت معاهم علي باب المطعم قاللي مخدناش بالنا
 
#5
أنا كل الاوتيلات إلى روحتها العشا كان كدة!?
حضرتك مش فاهمه مدايق ليه
. دة نظامهم وكل الفنادق النضيفه العالميه بتعمل كدة. الغريب اصلا إلى الفندق الثاني عمله
 
عرض العطلة
#9
اسوء فندق روحته ولغيت الحجز ومشيت كان كمبنسكى سوما باي تحس هناك انك مراقب ف كل شئ حتي الاكل كنت خايفه اكل وموقفين واحد مركز معانا لا كانوا مستفزين فعلا
 
عرض العطلة
#11
كامبينسكي سوما باي تقريباً رقم واحد في الغردقة . ازاي ميعجبكش . كامبينسكي دا كفاية اسمه وبعدين العشاء في اي فندق في الدنيا بيبقي smart casual. جانجل مسموح بالشورت لان الفندق عبارة عن اكوا بارك مفيش اي نشاطات تاني
 
#12
مشكلة السياح المصريين بيرجعوا يشتكوا من النظام والحجات الكويسة واللي ميعرفش يقول عطس
كل الفنادق الكويسة فيها dress code في المطعم smart casual و بيكون ممنوع لبس بحر او جلابية او شبشب وده عشان نحافظ علي شكل المطعم ومتلاقيش واحد طالع من المياة يتعشي بالشورت والكلام ده كان بيتقال للاجانب من زمان من ايام لما كان في سياحة ومحدش فيهم كان بيزعل او بيعترض
 
عرض العطلة
#17
الى حصل دا المفروض هو القاعده والى بيحصل فى كثير من الفنادق دا الشاذ خاصه ان الظروف اجبرتهم على عدم التشدد فى كثير من الامور ... بالاضافه الى انه طالما اللائحه مطبقه على الجميع اجانب ومصريين تكون دى حاجه كويسه ماحدش يزعل منها
 
#20
انا متفق مع فكرة انه Dress Code و لازم التزم بيه و اني اراعي الشكل و المنظر العام للفندق

بس المفروض انت كفندق او شركة سياحة..... تعرفني الكلام ده و انا باحجز في القاهرة...... مش الاقي نفسي متفاجئ و انا عندك في الفندق ان فيه Dress Code معين في حين ان انا شنطتي كلها شورتات و تيشيرتات كات
 
عرض العطلة
عرض العطلة
عرض العطلة
أعلى أسفل
عودة
قائمة