أنا أخدت تأشيرة لالا لاند فى المحيط الأطلسى...

[Hend Salem]

أنا أخدت تأشيرة لالا لاند فى المحيط الأطلسى اللى عنده سؤال يتفضل !!
أنا بادرس فى جامعة كوكى كاك فى جزر فيجى اللى عايز يدرس هناك يبعت لى على الخاص و أنا هابعت له كل التفاصيل !!
أنا لسه راجع من رحلة لبركة السبع و اتبسطت جدا اللى عايز يروح هابعت له ارقام الفنادق و الناس اللى طلعت معاها رحلات !!
دى نوعية من البوستات اللى بتتبعت للجروب
و بعد ما بتنزل و الناس تدخل تسأل صاحب البوست بيحصل حاجتين
إما صاحب البوست بيختفى فى ظروف غامضة و مش بيرد على أسئلة الناس
أو بتكون الأجوبة على الأسئلة غير دقيقة و ده ممكن يضر الناس اللى لسه جديدة فى السفر
و عشان كده يا ريت اللى عنده تجربة و عايز يشاركها مع الناس يتفضل بكتابة بوست مفصل عن تجربته و الخطوات و الإجراءات اللى مر بيها و لو فى نقطة مش واضحة ممكن الناس تدخل تسأل أو تستفسر عنها بشكل أوضح و ده بيتيح الفرصة للناس انها تتناقش عشان نضمن اكبر قدر من الاستفادة لاعضاء الجروب

Moutaz Mohamed
Steven Gerrard Bergkamp
Sara Hassan

#دمتم_مسافرين
#Traveller_Experience
#The_Hub
/Traveller Experience Hub

 

[Ta Lin]

ههههههههههههههههههه بركه السبع

 

[Mohammed Khattab]

طيب لو سمحتي جامعه الكوكي كاك دي مصنفه رقم كام عالميا؟

 

[Ahmad Hafez Ahmad]

حتلاقي ناس داخلة دلوقتي تسألك عن شروط الالتحاق بجامعة كوكى كاك

 

[Suma Suliman]

باستفسر عن تأشيرة لالا لاند دي لازماني جدا

 

[Ahmed Soliman]

 

[Ahmed Soliman]

مين اللي غاشش من مين

 

[Shady Mohamed Safwat]

-طيب انا سافرت ٨٠ بلد وفاضلى بلد يبقوا ٨١

-ما تنطق يابنى عايز ايه..

 

[AmiRa YasSer]

طب متخيل انى لسه صاحيه شايفه البوست وكنت هدخل اسال فعلا هى جزيره لالا لاند دى موجوده فعلا وفين؟

 

[Marwa Nady]

انا فرحت بأول سطر .. افتكرت أن فيه جزيرة لالاند بجد

 

[Mohamed El Fouly]

اكتر بوست بيستفزني
بتاع
انا لسه راجع من هنلولو
ال عنده سؤال يتفضل

 

[Hesham Aly]

يا جماعه ليا استفسار بسيط لو حد يعرف منحة مجانيه من اي دوله اجنبيه في مجال السياحه والفنادق ممكن يبعت اللينك بتعها واكون شاكر ليكم

 

[Ahmed Mohamed]

انا احمد 24 سنه .. اعزب .. يرغب في الاستقرار .. يشارك في الاثاث .. مسافرتش اي بلد ف حياتي .. اللي عايز اي سؤال في البلاد اللي مسافرتهاش دي خالص يتفضل

 

[Ahmed Salah]

والله صدقتك.في الاول

 

[Eslam Ezzat]

الاسخف من كده لما حد ينزل سؤال عن احسن بلد زورتها او اجمل بلد او اي سؤال زى ده تلاقي ناس داخله في الكومنتات تقولك ميت غمر واللى يقولك دمنهور و تبدأ فقرة الاستظراف و التنظير

 

[Shimaa Hussien]

تخيلى انا عماله اقراء فى كوكى كاك ده ومش متخيله ان فى جامعه اسمها كده لغايه ما اكتشفت انه الش والله انا طيبه اوى

 

[Mådehå Håmdi]

ههههههه
انا كتبت رحلة بتفاصيلها والناس دخلت تهاجم
لا ... هو الاحسن والله ان يتكتب اللي عايز حاجة يستفسر احسن

 

[Mohamed DiMos]

طبعا بتاع جت فى السوستة اللي مضروب....توقيته 10:52 STC يعني 9:52، و بوست هند 9:37 تقريبا.....

 

[Atef Gad]

خلينا نسأل سؤال مهم هوه في بلد اسمها لالالاند حقيقي

 

[Youssef Youssef]

متهالي في نقطة تايه هنا ساعات البوست بينزل متاخر في وقت صاحب البوست مش موجود فيه صح ولا ايه