A
Alaa Essmat
:: مسافر ::
سيوة.. و جمال سيوة 
... هتكلم عنها بما اني فيها حاليا و راجع اسكندرية بكرة الجمعة... و بما اني 5 مرة اروحها في اقل من 6 شهور .... نزلت في 3 فنادق و روحت كامبات كتير فيها الخلاصة افضل فندقين "فندق واحة سيوة" بتاع قوات مسلحة حاجة فوق الخيال بشوية كدة... الليلة فيه بتاريخ 5 سبتمبر 340 جنيه اوضة دبل شاملة فطار فقط.. لو عايز غدا كمان "هاف بورد" زود 50 جنيه للفرد.. الغرف سريرين منفصلين تكييف واسعة بلكونة كبيرة فيو رائع عين كبريتية جواها سخنة رهيبة و نضيفة جدااا المعاملة فوووق الزوق و الادب الاكل الغدا لذيذ جدااا.... تاني فندق برادايز سيوة الليلة 380 و نضيف جدا برضه بس طرازه سيوي عكس واحة سيوة متمدن و مودرن شوية كا استايل يعني و ميزة واحة سيوة فيه كافيه فوق الجبل تبع الفندق كان مكان مخصص لمبارك و حاشيته... حقيقي الكافيه دة عظيم جدااااااا + بيعملوا حفلات سمر كل يومين تقريبا و رقص سيوي فرقة و حاجة مبهجة... المواصلات من اسكندرية... مشروع "ميكروباص" لمطروح ب 50 جنيه المكيف و 40 جنيه بدون تكييف.. ومن مطروح لسيوة مشروع تاني ب 40 جنيه لو هتركب غرب الدلتا الوحيد الي بيروح سيوة و باصات سيئة حقيرة التيكيت ب 90 جنيه و باصات مفهاش حمامات !!... انا هنزل صور للمدينة و بعض الاماكن الي روحتها و هنزل صور لكامب عثمان... دة افشخ كامب في رأيي موجود في سيوة... راجل زوق بشكل غير عادي و مضياف جدااااا و اكله راااااائع "ابو مردم" او لحم جملي او فراخ او بط هكذا بقا... الكامب فيه مبيت و اكل و حمامات رمل للدفن "شهر 7 و 8 فقط" .... عملت حجامة عند واحد متخصص و بصراحة فيه راحة نسبيا في الجسم... نزلت بحيرة ملح حاجة اقسم بالله ولا جزر المالديف بحيرة محدش بيغرق فيها من كتر الملح لازم تطفوا ... طلعنا سفاري من اجمل السفاري في مصر باللاند كروزر مع عثمان... في يوم روحت فندق اسمه تازيري فندق مغربي مفيش كهربا فيه اطلاقا كله شموع و اباجورات ملح و اكلنا فيه اكل رهيييييب الفرد ب 250 جنيه.... سيوة اخرها في رأيي 3 ليالي " 4 ايام" تلف مزارتها كلها و افضل وقت تطلعها شهر 2 و شهر 10 و احيانا شهر 9 و شهر 3.... الي ييجي سيوة و ماينزلش العيون الكبريتية يبقى ماراحش سيوة... نسيت اقول اهم حاجة.... الاكل في سيوة رخيص و نضيف و كله اورجانيك فواكه و خضروات و لحوم و طيور.... سيوة للاسف محافظة مظلومة سياحيا
رقم عثمان صاحب الكامب 01008718391
تحديث 1 .... دي صفحة الكامب فيها كل صور الكامب و الخيام و الرقم و الراجل هيرد على كل اسئلتكم
/Osman Camping Site Siwa Desert
تحديث 2.... في طبعا شقق فندقية زي فندق الكيلاني متوافر فيه شقق للعائلات الي تحب تنزل في شقق خاصة و هكذا و ارقام فندق الكيلاني موجودة على جووجل "فندق الكيلاني في سيوة"
تحديث 3.... في ناس بتأجر شقق عادية برضه وانا مفضلهاش مش نضيفة و نزلت مرة في شقة 3 غرف مع صحابي كلها عناكب و مفيش نضافة بساغ
تحديث 4.... هنزل صور و فيديو لفندق تازيري المغربي باذن الله بس اوصل بيتي
... هتكلم عنها بما اني فيها حاليا و راجع اسكندرية بكرة الجمعة... و بما اني 5 مرة اروحها في اقل من 6 شهور .... نزلت في 3 فنادق و روحت كامبات كتير فيها الخلاصة افضل فندقين "فندق واحة سيوة" بتاع قوات مسلحة حاجة فوق الخيال بشوية كدة... الليلة فيه بتاريخ 5 سبتمبر 340 جنيه اوضة دبل شاملة فطار فقط.. لو عايز غدا كمان "هاف بورد" زود 50 جنيه للفرد.. الغرف سريرين منفصلين تكييف واسعة بلكونة كبيرة فيو رائع عين كبريتية جواها سخنة رهيبة و نضيفة جدااا المعاملة فوووق الزوق و الادب الاكل الغدا لذيذ جدااا.... تاني فندق برادايز سيوة الليلة 380 و نضيف جدا برضه بس طرازه سيوي عكس واحة سيوة متمدن و مودرن شوية كا استايل يعني و ميزة واحة سيوة فيه كافيه فوق الجبل تبع الفندق كان مكان مخصص لمبارك و حاشيته... حقيقي الكافيه دة عظيم جدااااااا + بيعملوا حفلات سمر كل يومين تقريبا و رقص سيوي فرقة و حاجة مبهجة... المواصلات من اسكندرية... مشروع "ميكروباص" لمطروح ب 50 جنيه المكيف و 40 جنيه بدون تكييف.. ومن مطروح لسيوة مشروع تاني ب 40 جنيه لو هتركب غرب الدلتا الوحيد الي بيروح سيوة و باصات سيئة حقيرة التيكيت ب 90 جنيه و باصات مفهاش حمامات !!... انا هنزل صور للمدينة و بعض الاماكن الي روحتها و هنزل صور لكامب عثمان... دة افشخ كامب في رأيي موجود في سيوة... راجل زوق بشكل غير عادي و مضياف جدااااا و اكله راااااائع "ابو مردم" او لحم جملي او فراخ او بط هكذا بقا... الكامب فيه مبيت و اكل و حمامات رمل للدفن "شهر 7 و 8 فقط" .... عملت حجامة عند واحد متخصص و بصراحة فيه راحة نسبيا في الجسم... نزلت بحيرة ملح حاجة اقسم بالله ولا جزر المالديف بحيرة محدش بيغرق فيها من كتر الملح لازم تطفوا ... طلعنا سفاري من اجمل السفاري في مصر باللاند كروزر مع عثمان... في يوم روحت فندق اسمه تازيري فندق مغربي مفيش كهربا فيه اطلاقا كله شموع و اباجورات ملح و اكلنا فيه اكل رهيييييب الفرد ب 250 جنيه.... سيوة اخرها في رأيي 3 ليالي " 4 ايام" تلف مزارتها كلها و افضل وقت تطلعها شهر 2 و شهر 10 و احيانا شهر 9 و شهر 3.... الي ييجي سيوة و ماينزلش العيون الكبريتية يبقى ماراحش سيوة... نسيت اقول اهم حاجة.... الاكل في سيوة رخيص و نضيف و كله اورجانيك فواكه و خضروات و لحوم و طيور.... سيوة للاسف محافظة مظلومة سياحيارقم عثمان صاحب الكامب 01008718391
تحديث 1 .... دي صفحة الكامب فيها كل صور الكامب و الخيام و الرقم و الراجل هيرد على كل اسئلتكم
/Osman Camping Site Siwa Desert
تحديث 2.... في طبعا شقق فندقية زي فندق الكيلاني متوافر فيه شقق للعائلات الي تحب تنزل في شقق خاصة و هكذا و ارقام فندق الكيلاني موجودة على جووجل "فندق الكيلاني في سيوة"
تحديث 3.... في ناس بتأجر شقق عادية برضه وانا مفضلهاش مش نضيفة و نزلت مرة في شقة 3 غرف مع صحابي كلها عناكب و مفيش نضافة بساغ
تحديث 4.... هنزل صور و فيديو لفندق تازيري المغربي باذن الله بس اوصل بيتي