A
AbdelRahman Mohammed
:: مسافر ::
مطار قرطاج هو بوابة الدخول للخضراء تونس و هي بحق خضراء ....عالسلامة و اهلا بكم في رحلة قصيرة لتونس حيث الهدوء و الجمال و تجربة سفرة مختلفة ذو طابع يجمع بين جمال السواحل البحر المتوسط الممزوج برائحة العطر و الثقافة الفرنسية لتخرج لنا شئ مختلف و منفرد في الرقي و البساطة و الطبيعة و الجمال ....
الفيزا : فيزا تونس الحصول عاليها سهل جدا لكن احيانا بيكون اوضاع و ظروف بيتم رفض الفيزا فيها تتعلق بالبلد المضيف او بالشخص نفسة ( ظروف سياسية , احداث , عدم استكمال اوراق )
فيزا تونس بتحتاج الاوراق الطبيعية الي اي فيزا بتحتجها , لكن نركز اوي علي bank statement لازم يكون ساري و فعال و بيتم علية سحب و ايداع لمدة لا تقل عن 3 شهور , او طبعا لو معاك دعوة من شخص تونسي فكدة انت ضمنت الفيزا في جيبك و مدة استخراج الفيزا اسبوعين او 20 يوم باقصي تقدير
السفر : ينصح انك تسافر علي الخطوط التونسية هي ارخص سعر من مصر للطيران , و مدة الرحلة 3 ساعات , علشان الطيران بيتفادي انة يطير فوق مناطق الاشتباك في ليبيا , عموما فرق التوقيت بينا و بين تونس ساعة فمش هتحس ان اليوم خلص
اللغة : تونس تتحدث الفرنسية , و العربية , و الانجليزي عندهم حلو برضوا , و بيتكلموا مصري احسن مننا
, دة لانهم حرفيا متابعين كل المسلسلات و الافلام المصري و يعرفوا ممثلين كتير مصريين
فية كلمات دارجة هتقابلك كتير هناك خلينا نقول جزء منها ( عالسلامة ...شنو احوالك ..لاباس ايعيشك ..ستار عليك ...منجمش ..منخممش ...هكا ..بلاسة ...كرهبة ...لواج ...دار ..ليش ؟ ..تخزرلي ...يولج ...يخدم ..نشري ..و غيرها من كلمات كتير ) هقولكم المعني في الكومنتات بس عموما هتعرف تفهمهم و هما هيفهموك كويس جدا
العملة : دينار تونسي ... 1 دينار تونسي = 4.5 مصري يزيد او يقل علي حسب سعر الصرف , مفيش صرافات كتير في مصر بتغير دينار غير واحدة في شيراتون بس , لو معرفتش تغير دينار , غير دولارات و حولهم هناك دينار ...
الاماكن السياحية : تونس العاصمة ...جربة ...سوسة ♥ ....بنزرت ..الحمامات ...المهدية ..القيروان .
دول افضل اماكن سياحية في تونس كلها
بس خلينا في تونس العاصمة ...هتلاقي هناك ...المدينة العتيقة دي مصر القديمة بتاعت تونس ...البحيرة من اجمل المناطق هناك ...منزهة 6 دة الرحاب بتاعتهم ... قرطاج و سيدي بوسعيد المدينة الي كلها ابيض و ازرق ...شارع الحبيب بورقيبة دة وسط البلد عندهم و الشارع الي قامت فية الثورة .
الاكلات : لو روحت تونس لازم تاكل لبلابي ....تاكل حوتة مشوية ...كسكسي بالعصبان ( كبدة و الممبار ) ..كوشة علوش ( العلوش دة الخرزف ) .... و فية اوكلات كتير اكلتها بس مكنتش بسأل الاسم بصراحة اية
** نصيحة : الهريسة ( الشطة ) عندهم غشيمة و تؤدي للبواسير ..اللهم بلغت
في النهاية تونس جميلة جدا ...بلد هادية ...مثقفين جدا ...امان صحيح البلد علي الساعة 12 بتقلب هس هس بس هتلاقي الداخلية في الشارع هناك و محترمين و متعاونين , البلد للاستجمام مفيهاش بهرجة القاهرة صحيح , بس مكان تستمتع فية بالطبيعة جدا , بيحبوا المصريين , و هتلاقي فية مصريين كتير متجوزين توانسة
اي اسئلة انا تحت امركم
الفيزا : فيزا تونس الحصول عاليها سهل جدا لكن احيانا بيكون اوضاع و ظروف بيتم رفض الفيزا فيها تتعلق بالبلد المضيف او بالشخص نفسة ( ظروف سياسية , احداث , عدم استكمال اوراق )
فيزا تونس بتحتاج الاوراق الطبيعية الي اي فيزا بتحتجها , لكن نركز اوي علي bank statement لازم يكون ساري و فعال و بيتم علية سحب و ايداع لمدة لا تقل عن 3 شهور , او طبعا لو معاك دعوة من شخص تونسي فكدة انت ضمنت الفيزا في جيبك و مدة استخراج الفيزا اسبوعين او 20 يوم باقصي تقدير
السفر : ينصح انك تسافر علي الخطوط التونسية هي ارخص سعر من مصر للطيران , و مدة الرحلة 3 ساعات , علشان الطيران بيتفادي انة يطير فوق مناطق الاشتباك في ليبيا , عموما فرق التوقيت بينا و بين تونس ساعة فمش هتحس ان اليوم خلص
اللغة : تونس تتحدث الفرنسية , و العربية , و الانجليزي عندهم حلو برضوا , و بيتكلموا مصري احسن مننا
, دة لانهم حرفيا متابعين كل المسلسلات و الافلام المصري و يعرفوا ممثلين كتير مصريين فية كلمات دارجة هتقابلك كتير هناك خلينا نقول جزء منها ( عالسلامة ...شنو احوالك ..لاباس ايعيشك ..ستار عليك ...منجمش ..منخممش ...هكا ..بلاسة ...كرهبة ...لواج ...دار ..ليش ؟ ..تخزرلي ...يولج ...يخدم ..نشري ..و غيرها من كلمات كتير ) هقولكم المعني في الكومنتات بس عموما هتعرف تفهمهم و هما هيفهموك كويس جدا
العملة : دينار تونسي ... 1 دينار تونسي = 4.5 مصري يزيد او يقل علي حسب سعر الصرف , مفيش صرافات كتير في مصر بتغير دينار غير واحدة في شيراتون بس , لو معرفتش تغير دينار , غير دولارات و حولهم هناك دينار ...
الاماكن السياحية : تونس العاصمة ...جربة ...سوسة ♥ ....بنزرت ..الحمامات ...المهدية ..القيروان .
دول افضل اماكن سياحية في تونس كلها
بس خلينا في تونس العاصمة ...هتلاقي هناك ...المدينة العتيقة دي مصر القديمة بتاعت تونس ...البحيرة من اجمل المناطق هناك ...منزهة 6 دة الرحاب بتاعتهم ... قرطاج و سيدي بوسعيد المدينة الي كلها ابيض و ازرق ...شارع الحبيب بورقيبة دة وسط البلد عندهم و الشارع الي قامت فية الثورة .
الاكلات : لو روحت تونس لازم تاكل لبلابي ....تاكل حوتة مشوية ...كسكسي بالعصبان ( كبدة و الممبار ) ..كوشة علوش ( العلوش دة الخرزف
) .... و فية اوكلات كتير اكلتها بس مكنتش بسأل الاسم بصراحة اية ** نصيحة : الهريسة ( الشطة ) عندهم غشيمة و تؤدي للبواسير ..اللهم بلغت
في النهاية تونس جميلة جدا ...بلد هادية ...مثقفين جدا ...امان صحيح البلد علي الساعة 12 بتقلب هس هس بس هتلاقي الداخلية في الشارع هناك و محترمين و متعاونين , البلد للاستجمام مفيهاش بهرجة القاهرة صحيح , بس مكان تستمتع فية بالطبيعة جدا , بيحبوا المصريين , و هتلاقي فية مصريين كتير متجوزين توانسة
اي اسئلة انا تحت امركم
