سؤال مهم لاهل الخبرة ف ماليزيا. انا كنت ناوى...

[Adnan Yasser Baroda]

سؤال مهم لاهل الخبرة ف ماليزيا.
انا كنت ناوى ان شاء اللة اسافر انا ومراتى واخوها ماليزيا شهر 2 اللي جى وكنت حابب اعرف شوية معلومات عن البلد واية الحاجات اللي ممكن تسبب مشكلة بالنسبالي خاصة وان اخوها طالب ف الكلية سنة تالتة وهو واخد اعفاء من الجيش .
يا ريت تفيدونى بمعلومات مؤكدة.
وشاكر افضالكم مقدما.

 

[Mohamed Hassan]

ليه المصريين مصممين علي ماليزيا...ماليزيا مافيهاش غير شوية شجر اخضر ..والجو حاااااار وكل حاجه بتقفل من الساعه ١٠المغرب ...وفيها سرقة ونصب زي مصر بالظبط..اللي عايز طبيعة يروح بالي اندونيسيا

 

[Faten Abdel Hameed]

مفيش مشاكل ولا حاجة.. ماليزيا سهلة جدا.. بتاخد التأشيرة من المطار هناك... احجز بس طيران من دلوقتى عشان تلاقى سعر حلو... واى حد فيكو مش مكتوب ف باسبوره مهنة يعمل تصريح امنى من مجمع التحرير... يعنى لو طالب او ربة منزل أو حاصل على او خانة المهنة فاضية..

 

[Zeyad Mamdouh]

اول عشان اخوها لسه طالب يبقي لازم تصريح امني من مجمع التحرير و اتأكد من اجرائته ليه ك طالب قبل ما تحجز الطيران و ديه اهم حاجه
تاني حاجه البلد متقلقش امان و اسعرها رخيصه حتي الاكل و الشرب و فيها كذا مكان تروحوا مش واحد بس و حتي اسعار الفنادق كويسه جدا و لما تيجي تحجز احجز طيران من شركه السياحه بس و الفندق من booking.com

 

[Abeer Bassiouni]

انا هناك حاليا البلد حلوة وفيها مزارات كتير وان كانت ابراج حديثة وهى بلد حديثة مش زي مصر طبعا بس نضيفة وناسها كويسين لكن الماليزيين من اصل صينى طباعهم حادة نوعا ما
بالنسبة للمواصلات نزل ابليكشن جراب زي اوبر ورخيص جدا
بالنسبة لوحابب تشتري هدايا روح سنترال ماركت ده فيه الاشغال اليدوية هندي وصينى وبالنسبة للبس فى المولات برجايا تايمز سكوير اسعاره رخيصة لو ماركات يبقى مول بافليون واهم حاجة تنزل فى منطقة بوكيت بنتانج ودي فيها شارع اسمه شارع العرب بيطلق عليه كده مش اسمه الاصلى بس كل المطاعم اللى فيه عربى واحجز الفنادق من دلوقتى على بوكينج وحاول تزور جزيرة لينكاوي انا رحت لشركة سياحة واتفقت على يومين ب٢٠٠ دولار واعتقد لو كنت حجزت لوحدي كان افضل