K
Khaled Hafez
:: مسافر ::
ليه دهب مميزة عن اي مدينة سياحيه ؟
- في دهب هتعيش الحياة وتستمتع بالطبيعة بشكل بدائي نوعا ما بعيد عن الحياة السياحية المتنشية اللي بتتعامل فيها بالشوكة والسكينة والببيونة .
- في دهب هتقعد في كافيهات ومطاعم ديكوراتها معمولة من إعادة إستخدام الخشب و البلاستيك واطارات السيارات وبشكل جمالي كبير .
- في دهب هتلاقي الاسعار فيها زي اسعار الحي اللي انت عايش فيه واحيانا أرخص سواء الفنادق او المطاعم او الكافيهات .
- هتركب جمال وتتشعلق في صندوق عربية نص نقل وانت مبسوط ومش متضايق .
- هتمشي حافي او لو بنت هتركب عجله او تلبس لبس هنود حمر محدش هيركز معاك ولا ينتقدك .
- هتلاقي الكلاب وحيوانات الشارع الناس بتحترمها وبتأكلها وهتلاقيها متدربه زي الكلاب الـ Breed بالظبط .
- هتلاقي كلبه بلدي زي Foxy Dahab ليها صفحة علي الفيس بوك والناس كلها بتحبها .
- هتلاقي مفيش زحمة ولا تلوث والناس هاديه ومبتسمه .
- هتلاقي تنوع ثقافي رهيب بين المصريين والسكان المحليين والاجانب .
- هتلاقي انك بـ 50 جنيه تقدر تعمل رحلة في يومك وتروح مكان ينسيك العالم .
- هتحس بطاقة ايجابية خارجه من الجبال والبحر بتغير مودك وتربطك بالبلد دي أكتر
حاجة واحده بنعاني منها هنا في دهب وهي سلوك السايح المصري .. بلاش ترمي زبالتك علي الشط وفي الشوارع .. دور علي اي صندوق زبالة وحط زبالتك فيها ولو ملقيتش خليها معاك في شنطك .. بلاش تكسر قزاز او ترمي سجاير في المية لان ده بيدمر البيئة .. احنا هنا اجانب ومصريين مقيمين بننظم كل فترة ايفنتات نضافه ونروح نشيل بلاوي من ورا السايح (الكسول ) بلاش الوصف التاني
- في دهب هتعيش الحياة وتستمتع بالطبيعة بشكل بدائي نوعا ما بعيد عن الحياة السياحية المتنشية اللي بتتعامل فيها بالشوكة والسكينة والببيونة .
- في دهب هتقعد في كافيهات ومطاعم ديكوراتها معمولة من إعادة إستخدام الخشب و البلاستيك واطارات السيارات وبشكل جمالي كبير .
- في دهب هتلاقي الاسعار فيها زي اسعار الحي اللي انت عايش فيه واحيانا أرخص سواء الفنادق او المطاعم او الكافيهات .
- هتركب جمال وتتشعلق في صندوق عربية نص نقل وانت مبسوط ومش متضايق .
- هتمشي حافي او لو بنت هتركب عجله او تلبس لبس هنود حمر محدش هيركز معاك ولا ينتقدك .
- هتلاقي الكلاب وحيوانات الشارع الناس بتحترمها وبتأكلها وهتلاقيها متدربه زي الكلاب الـ Breed بالظبط .
- هتلاقي كلبه بلدي زي Foxy Dahab ليها صفحة علي الفيس بوك والناس كلها بتحبها .
- هتلاقي مفيش زحمة ولا تلوث والناس هاديه ومبتسمه .
- هتلاقي تنوع ثقافي رهيب بين المصريين والسكان المحليين والاجانب .
- هتلاقي انك بـ 50 جنيه تقدر تعمل رحلة في يومك وتروح مكان ينسيك العالم .
- هتحس بطاقة ايجابية خارجه من الجبال والبحر بتغير مودك وتربطك بالبلد دي أكتر
حاجة واحده بنعاني منها هنا في دهب وهي سلوك السايح المصري .. بلاش ترمي زبالتك علي الشط وفي الشوارع .. دور علي اي صندوق زبالة وحط زبالتك فيها ولو ملقيتش خليها معاك في شنطك .. بلاش تكسر قزاز او ترمي سجاير في المية لان ده بيدمر البيئة .. احنا هنا اجانب ومصريين مقيمين بننظم كل فترة ايفنتات نضافه ونروح نشيل بلاوي من ورا السايح (الكسول ) بلاش الوصف التاني