H
Habiba Salim
:: مسافر ::
مونتينيجرو يا جماعة والله (الجبل الأسود). MONTENEGRO
مش عارفة أبدأ منين.
بالنسبالي البلد دي فيها كل حاجة أنا أتمناها, تاريخ من العصور الوسطى, بحر وشواطئ, جبال وطبيعة, جو حلو, خروج و فسح. هي على البحر الادرياتيكي, وكانت زمان تبع يوغوسلافية (في أوروبا) يعني كان معاها كرواتيا, صربيا, بلغاريا, الهرسك والبوسنة, بس هي استقلت سنة 2006 فـهي لسة بلد بكر ولسة بتنمي سياحتها. بيتعاملوا باليورو بس هي مش من ضمن الاتحاد الأوروبي وتعتبر رخيصة مفهاش استغلال للسياح.
قعدت فيها 8 أيام, 6 في بودفا (Budva) و 2 في كولاشين (Kolašin). ومن المناطق دي زرت مدن تانية زي بار (Bar), كوتور (Kotor), سكادار (Skadar), جابلياك (Žabljak) والعاصمة بودجوريتسا (Podgorica).
بودفا, كوتور, وبار مدن ساحلية. والباقيين بيبقوا فوق في الجبال.
----------------------------------------------------------------------------
نتكلم الاول عن المدن الساحلية. بالنسبة للبحر هناك تحفة وحتى المية مش مالحة قوي أنا حاساها دلعة
. بس عيبها الوحيد إنها مش رملية. ممكن يبقى حصى صغير قوي تقدر تدوس عليه وممكن صخور لازم تلبس جزمة. الجو في المناطق دي حر بس يحتمل وكمان لو وقفت في حتة فيها ضل يبقى هتستمتع بأحلى هوا . في جزيرة قريبة قوي من بودفا اسمها سفيتي نيكولا (Sveti Nikola). دي مفهاش غير 3 أو 4 شواطئ وبتتراح بالعبارة من بودفا بروميناد (Budva Promenade) والسعر رايح جاي ب 3يورو بس. هناك في أي شاطئ عام بيبقى في تأجير للشمسية و2 شيزلونج ب10 - 15 يورو. وبيكون في أماكن تغير فيها هدومك بس مش مقفولة قوي. ممكن الباب يبقى عالي فـرجلك كلها تبقى باينة أو تبقى كابينة بستارة تعبانة الهوا بيوديها ويجيبها فـكل حاجة تبان وإنت بتغير فـخلوا بالكم من الموضوع ده أو ممكن تدخلو حمام وده بيكون بنص يورو الدخول. في أي شاطئ هتلاقي أكل ومش غالي بيتراوح بين 3 ل 15 يورو. الأكل حلو جدا وبيبقى بكمية كبيرة. في شاطئ تاني اسمه (Mogren Beach 2). ده 300 متر من المدينة القديمة . بتمشيله بسهولة من على جبال كده وفي هناك تمثال شهير ل باليرينا بترقص على الصخر.
أنا نزلت هناك في فندق (Hotel Bracera) حلو قوي وجمب كل الحتت اللي محتاجنها.
بالنسبة بقى للمدن القديمة الرائعة. كلها من العصور الوسطى إنت بتبقى ماشي جوه جدران عالية وفيها حواري كتير جدا وبتوه بس هتلاقي في كل شوية (Tourism Centre) هيساعدوك, غير طبعا إن هيبقى معاك Google Maps ممكن بسهولة تعرف إنت فين, أنا حفظتها من كتر مارحتها وحبيتها. في كافيهات كتير جدا ومطاعم وحتى في Budva Old Town (Stari Grad) في مسرح صغير عالبحر ب3 يورو وبيبقى في حفلات حلوة جدا وراقية . الحتة دي هي اللي حوليها كل حاجة تانية. الفنادق والشواطئ وال بروميناد اللي هو بيكون شارع طويل بتتمشى فيه كل حاجة محلات وأكل وناس ماشية بتعمل عروض (اللي هم عندنا شحاتين :’D) وجو جميل جدا تتمنى إنك تفضل فيه. كوتور وبار فيهم بردو الجدران العالية اللي بيبقى جواها قلاع وتاريخ كبير فيها من الفينيقيين للعثمانيين. من هناك ممكن تطلع على بحيرة سكادار دي كبيرة جدا وموجودة في 3 بلاد من كبرها.
كوتور بنروحها بالباخرة بتقعد فيها حوالي 3 ساعات من مدينة تيفات Tivat (اللي هي فيها المطار) والباخرة بتقف كل شوية عشان تنزل تعوم وتطلع تاني, ومعاها وجبة حلوة جدا وكبيرة جدا. بتوريك جزر صناعية صغيرة وإنت في الطريق.
---------------------------------------------------------------------------
نيجي بقى للمدن التانية الجبلية كولاشين. الجو هناك ابرد من المدن الساحلية. الصبح بدري وبليل ممكن توصل ل 20 درجة فـلازم يبقى معاكم جاكيت خفيف. غير كده طول اليوم الجو بيبقى تحفة. دي طلعناها بالقطر ورجعنا بالعربية. في الطريقتين بتاخد حوالي 3 ساعات. بس بالقطر طبعا أحلى بتشوف مناظر حلوة قوي. بس نصيحة بلاش تاخدوا first class عشان طلع مقلب كبير قوي والتكييف كان بايظ والشبابيك مقفولة فـكنا هنموت من الحر. لو اخدته كلاس أقل هيبقى في شبابيك ومن غير تكييف وهو ده المطلوب الهوا رائع. هناك مدينة صغيرة مفهاش غير حتة صغيرة قوي للخروج اسمها السيتي سنتر. لطيفة برده فيها مطاعم واماكن تقعد فيها. بس من هناك بقى بتاخد تور توديك أحلى أماكن ممكن تشوفها.
National Parks ومحمية واعمق canyon من بعد Grand Canyon بتاع أمريكا. الcanyon عند Tara River. في activities هناك حلوة. كان في Zip Line يورو20 بس مايتفوتش. وفي water rafting طبعا في النهر و cable car وكل الحاجات اللي تخليك تستمتع بالطبيعة.
نزلت في فندق Four Points by Sheraton جميل قوي وكله خشب بس مفهوش تكييف. مش هتحتاجو ليه بس ممكن تفتحو الشباك وأنتم نايمين وتغطوه بالستارة عشان يدخلكو شوية هوا.
----------------------------------------------------------------------------
بإختصار بقى بعد كل الهري اللي فوق ده.
اللي عايز يستمتع بجو جميل وممتع ويخليك مبسوط كده وعايز تعيط يروح مونتينيجرو
بس في ملحوظة بالنسبة للمحجبات. أنا قعدت أول 5 أيام مبشوفش ولا واحدة محجبة غيري. فـطبعا الناس بتبص كتير وفي اللي بيستغرب وفي اللي بيبقى شكله قلقان مني شوية وفي اللي بيبتسم وييجي يقدم نفسه من باب التعارف. ده غير إن أنا اتجرأت ورحت البحر بالبوركيني فـطبعا كله مستغرب جدا خصوصا انهم هدفهم الوحيد في البحر هو انهم ياخدوا تان في الشمس فـمش فاهمين أنا إزاي رايحة البحر لابسة اسود. لكن غير كده هما مسالمين يمكن عشان عندهم أكبر نسبة أقلية في المجتمع وهي المسلمين. 20% من شعبهم مسلم.
بس على كده. أي سؤال يخص الفيزا والطيران للأسف أنا معرفش عنه حاجة أولا لأني عايشة في دولة خليجية وكان في عرض أنا طلعت من غير فيزا. ثانيًا اللي أعرفه بس عن إن في مصر هي تابعة لسفارة صربيا لسة ملهاش سفارة لوحدها.
وادعولي
مش عارفة أبدأ منين.
بالنسبالي البلد دي فيها كل حاجة أنا أتمناها, تاريخ من العصور الوسطى, بحر وشواطئ, جبال وطبيعة, جو حلو, خروج و فسح. هي على البحر الادرياتيكي, وكانت زمان تبع يوغوسلافية (في أوروبا) يعني كان معاها كرواتيا, صربيا, بلغاريا, الهرسك والبوسنة, بس هي استقلت سنة 2006 فـهي لسة بلد بكر ولسة بتنمي سياحتها. بيتعاملوا باليورو بس هي مش من ضمن الاتحاد الأوروبي وتعتبر رخيصة مفهاش استغلال للسياح.
قعدت فيها 8 أيام, 6 في بودفا (Budva) و 2 في كولاشين (Kolašin). ومن المناطق دي زرت مدن تانية زي بار (Bar), كوتور (Kotor), سكادار (Skadar), جابلياك (Žabljak) والعاصمة بودجوريتسا (Podgorica).
بودفا, كوتور, وبار مدن ساحلية. والباقيين بيبقوا فوق في الجبال.
----------------------------------------------------------------------------
نتكلم الاول عن المدن الساحلية. بالنسبة للبحر هناك تحفة وحتى المية مش مالحة قوي أنا حاساها دلعة
. بس عيبها الوحيد إنها مش رملية. ممكن يبقى حصى صغير قوي تقدر تدوس عليه وممكن صخور لازم تلبس جزمة. الجو في المناطق دي حر بس يحتمل وكمان لو وقفت في حتة فيها ضل يبقى هتستمتع بأحلى هوا . في جزيرة قريبة قوي من بودفا اسمها سفيتي نيكولا (Sveti Nikola). دي مفهاش غير 3 أو 4 شواطئ وبتتراح بالعبارة من بودفا بروميناد (Budva Promenade) والسعر رايح جاي ب 3يورو بس. هناك في أي شاطئ عام بيبقى في تأجير للشمسية و2 شيزلونج ب10 - 15 يورو. وبيكون في أماكن تغير فيها هدومك بس مش مقفولة قوي. ممكن الباب يبقى عالي فـرجلك كلها تبقى باينة أو تبقى كابينة بستارة تعبانة الهوا بيوديها ويجيبها فـكل حاجة تبان وإنت بتغير فـخلوا بالكم من الموضوع ده أو ممكن تدخلو حمام وده بيكون بنص يورو الدخول. في أي شاطئ هتلاقي أكل ومش غالي بيتراوح بين 3 ل 15 يورو. الأكل حلو جدا وبيبقى بكمية كبيرة. في شاطئ تاني اسمه (Mogren Beach 2). ده 300 متر من المدينة القديمة . بتمشيله بسهولة من على جبال كده وفي هناك تمثال شهير ل باليرينا بترقص على الصخر.أنا نزلت هناك في فندق (Hotel Bracera) حلو قوي وجمب كل الحتت اللي محتاجنها.
بالنسبة بقى للمدن القديمة الرائعة. كلها من العصور الوسطى إنت بتبقى ماشي جوه جدران عالية وفيها حواري كتير جدا وبتوه بس هتلاقي في كل شوية (Tourism Centre) هيساعدوك, غير طبعا إن هيبقى معاك Google Maps ممكن بسهولة تعرف إنت فين, أنا حفظتها من كتر مارحتها وحبيتها. في كافيهات كتير جدا ومطاعم وحتى في Budva Old Town (Stari Grad) في مسرح صغير عالبحر ب3 يورو وبيبقى في حفلات حلوة جدا وراقية . الحتة دي هي اللي حوليها كل حاجة تانية. الفنادق والشواطئ وال بروميناد اللي هو بيكون شارع طويل بتتمشى فيه كل حاجة محلات وأكل وناس ماشية بتعمل عروض (اللي هم عندنا شحاتين :’D) وجو جميل جدا تتمنى إنك تفضل فيه. كوتور وبار فيهم بردو الجدران العالية اللي بيبقى جواها قلاع وتاريخ كبير فيها من الفينيقيين للعثمانيين. من هناك ممكن تطلع على بحيرة سكادار دي كبيرة جدا وموجودة في 3 بلاد من كبرها.
كوتور بنروحها بالباخرة بتقعد فيها حوالي 3 ساعات من مدينة تيفات Tivat (اللي هي فيها المطار) والباخرة بتقف كل شوية عشان تنزل تعوم وتطلع تاني, ومعاها وجبة حلوة جدا وكبيرة جدا. بتوريك جزر صناعية صغيرة وإنت في الطريق.
---------------------------------------------------------------------------
نيجي بقى للمدن التانية الجبلية كولاشين. الجو هناك ابرد من المدن الساحلية. الصبح بدري وبليل ممكن توصل ل 20 درجة فـلازم يبقى معاكم جاكيت خفيف. غير كده طول اليوم الجو بيبقى تحفة. دي طلعناها بالقطر ورجعنا بالعربية. في الطريقتين بتاخد حوالي 3 ساعات. بس بالقطر طبعا أحلى بتشوف مناظر حلوة قوي. بس نصيحة بلاش تاخدوا first class عشان طلع مقلب كبير قوي والتكييف كان بايظ والشبابيك مقفولة فـكنا هنموت من الحر. لو اخدته كلاس أقل هيبقى في شبابيك ومن غير تكييف وهو ده المطلوب الهوا رائع. هناك مدينة صغيرة مفهاش غير حتة صغيرة قوي للخروج اسمها السيتي سنتر. لطيفة برده فيها مطاعم واماكن تقعد فيها. بس من هناك بقى بتاخد تور توديك أحلى أماكن ممكن تشوفها.
National Parks ومحمية واعمق canyon من بعد Grand Canyon بتاع أمريكا. الcanyon عند Tara River. في activities هناك حلوة. كان في Zip Line يورو20 بس مايتفوتش. وفي water rafting طبعا في النهر و cable car وكل الحاجات اللي تخليك تستمتع بالطبيعة.
نزلت في فندق Four Points by Sheraton جميل قوي وكله خشب بس مفهوش تكييف. مش هتحتاجو ليه بس ممكن تفتحو الشباك وأنتم نايمين وتغطوه بالستارة عشان يدخلكو شوية هوا.
----------------------------------------------------------------------------
بإختصار بقى بعد كل الهري اللي فوق ده.
اللي عايز يستمتع بجو جميل وممتع ويخليك مبسوط كده وعايز تعيط يروح مونتينيجرو
بس في ملحوظة بالنسبة للمحجبات. أنا قعدت أول 5 أيام مبشوفش ولا واحدة محجبة غيري. فـطبعا الناس بتبص كتير وفي اللي بيستغرب وفي اللي بيبقى شكله قلقان مني شوية وفي اللي بيبتسم وييجي يقدم نفسه من باب التعارف. ده غير إن أنا اتجرأت ورحت البحر بالبوركيني فـطبعا كله مستغرب جدا خصوصا انهم هدفهم الوحيد في البحر هو انهم ياخدوا تان في الشمس فـمش فاهمين أنا إزاي رايحة البحر لابسة اسود. لكن غير كده هما مسالمين يمكن عشان عندهم أكبر نسبة أقلية في المجتمع وهي المسلمين. 20% من شعبهم مسلم.
بس على كده. أي سؤال يخص الفيزا والطيران للأسف أنا معرفش عنه حاجة أولا لأني عايشة في دولة خليجية وكان في عرض أنا طلعت من غير فيزا. ثانيًا اللي أعرفه بس عن إن في مصر هي تابعة لسفارة صربيا لسة ملهاش سفارة لوحدها.
وادعولي