B
Bashnona Shaker
:: مسافر ::
انهاردة هكون تميت اول سنة ليا في المانيا
- اكتشفت فيها ان السفر هو اكتر حاجة هتخليك تتعرف على نفسك بجد. لانك لما هتسافر مش هتعمل اي حاجة عشان حد او لاي سبب تاني غير انك عايز او مقطنع باللي انت بتعمله، لان ببساطة مفيش حد يعرفك اساسا ولا هيلومك على اي حاجة هتعملها.
- لما سافرت عينيا وسعت جدا على الحياة كلها واكتشفت ان الانسان هو الانسان والحياة هي الحياة مفيش اي اختلاف جوهري ابدا، الاختلافات بس في الحاجات اللي برا زي اللون واللغه والجنس والجنسية والكلام الفاضي دة لكن في الاخر هو هو نفس الانسان.
- اكتشفت اني كنت مدلع في مصر (برغم كل المرمطة اللي كنت فيها) واني مكنتش اعرف اعتمد على نفسي اعتماد تام ابدا. وتعبت جدا جدا جدا على ما بقيت بعرف اطبخ واغسل واكوى وانظف الشقة واعمل كل حاجة ولا اجدعها ست بيت عشان محدش هيعملي حاجة غيري انا.
- بعد ما سفرت علاقتي زادت بناس كتير مكنوش قريبين ليا اوي قبل السفر، والعكس تماما علاقتي ضعفت بناس كنت قريب منهم جدا. وعرفت كمان اني في علاقات في حياتي عمرها ما هتتاثر ببعد المسافة او بمرور الوقت
- في خلال السنة دي بقا ليا اصحاب كتير اوي من كل الجنسيات واللغات ولقتهم بيحبوني اوي (معرفش ليه الحقيقة)، مع اني كنت متصور ان اختلاف اللغة والثقافة هياثروا عليا ومش هعرف اكون علاقات واهزر مع اصحابي براحتي لكن اكتشفت اني مسخرة بكل اللغات الحمد لله
- اتعلمت من الالمان حاجات كتير اوي في تخصصي طبعا، لكن الاهم هو اللي استفدته منهم على المستوى الشخصي زي الانضباط الصارم في المواعيد والنظام في كل حاجة والتدقيق في اصغر صغائر الامور وان لازم الحاجة اللي بعملها تكون كامله 100% ومينفعش اقل من كدا.
- اكتشفت ان الناس كلها تعبانه مفيش حد مستريح وكل واحد وله تعبه ومعاناته في كل مكان في العالم بس مين هيقدر يتعامل مع تعبه والامه بصورة ايجابيه وينتصر عليه.
واهم حاجة اتاكدت منها في فترة سفري ان الحب هو اقوى واصدق لغة بين الناس وان السعادة الحقيقة في الحياة تكمن في بذل الانسان لذاته بالكامل من اجر الاخر، واقصد بالاخر هنا كل انسان.
يعني ببساطة: سر فرحك هو ان تخرج من ذاتك لتفرح كل من حولك
- اكتشفت فيها ان السفر هو اكتر حاجة هتخليك تتعرف على نفسك بجد. لانك لما هتسافر مش هتعمل اي حاجة عشان حد او لاي سبب تاني غير انك عايز او مقطنع باللي انت بتعمله، لان ببساطة مفيش حد يعرفك اساسا ولا هيلومك على اي حاجة هتعملها.
- لما سافرت عينيا وسعت جدا على الحياة كلها واكتشفت ان الانسان هو الانسان والحياة هي الحياة مفيش اي اختلاف جوهري ابدا، الاختلافات بس في الحاجات اللي برا زي اللون واللغه والجنس والجنسية والكلام الفاضي دة لكن في الاخر هو هو نفس الانسان.
- اكتشفت اني كنت مدلع في مصر (برغم كل المرمطة اللي كنت فيها) واني مكنتش اعرف اعتمد على نفسي اعتماد تام ابدا. وتعبت جدا جدا جدا على ما بقيت بعرف اطبخ واغسل واكوى وانظف الشقة واعمل كل حاجة ولا اجدعها ست بيت عشان محدش هيعملي حاجة غيري انا.
- بعد ما سفرت علاقتي زادت بناس كتير مكنوش قريبين ليا اوي قبل السفر، والعكس تماما علاقتي ضعفت بناس كنت قريب منهم جدا. وعرفت كمان اني في علاقات في حياتي عمرها ما هتتاثر ببعد المسافة او بمرور الوقت
- في خلال السنة دي بقا ليا اصحاب كتير اوي من كل الجنسيات واللغات ولقتهم بيحبوني اوي (معرفش ليه الحقيقة)، مع اني كنت متصور ان اختلاف اللغة والثقافة هياثروا عليا ومش هعرف اكون علاقات واهزر مع اصحابي براحتي لكن اكتشفت اني مسخرة بكل اللغات الحمد لله
- اتعلمت من الالمان حاجات كتير اوي في تخصصي طبعا، لكن الاهم هو اللي استفدته منهم على المستوى الشخصي زي الانضباط الصارم في المواعيد والنظام في كل حاجة والتدقيق في اصغر صغائر الامور وان لازم الحاجة اللي بعملها تكون كامله 100% ومينفعش اقل من كدا.
- اكتشفت ان الناس كلها تعبانه مفيش حد مستريح وكل واحد وله تعبه ومعاناته في كل مكان في العالم بس مين هيقدر يتعامل مع تعبه والامه بصورة ايجابيه وينتصر عليه.
واهم حاجة اتاكدت منها في فترة سفري ان الحب هو اقوى واصدق لغة بين الناس وان السعادة الحقيقة في الحياة تكمن في بذل الانسان لذاته بالكامل من اجر الاخر، واقصد بالاخر هنا كل انسان.
يعني ببساطة: سر فرحك هو ان تخرج من ذاتك لتفرح كل من حولك
