A
Ayman Sabri
:: مسافر ::
تجربتي للسفر إلى باتومي، جورجيا ...
دة اول بوست ليا هنا في الجروب ... وحبيت اشارك تجربتي في السفر لباتومي ، جورجيا ...
- الموقع : حدود جورجيا من الشمال (روسيا ) ومن الجنوب (أرمينيا- تركيا) ومن الشرق (أذبريجان) ومن الغرب (البحر الأسود).
- المناخ : رائع صيفا إلى منتصف سبتمبر - قارس البرودة شتاءا
- العاصمة : تلبيسي.
- العملة : لاري= 0.42 دولار
- الفيزا : كان من فترة الفيزا لدخول جورجيا أسهل ما يمكن من مصر من خلال التقديم الإلكتروني على الموقع ... لكن بعد هروب العديد من المصريين هناك لإعتقادهم بحياة وعمل .. اصبح الموضوع صعب شوية ولازم موافقة أمنية ... لكن لو معاك فيزا تشنغن او فيزا كندية أو امريكية أو تركية .. تقدر تدخل جورجيا بيها ( الكلام دة قالوا ظابط الجوازات هناك) ... بالنسبة للمقيمين في دول الخليج .. على الموقع الإلكتروني بتاعهم بيقولك انك ممكن تدخل جورجيا من خلال الإقامة .. أحب اقولك لما حاولت اعمل كدة عقدوني .. وطلبوا مني ترجمة الأقامة (الحمد لله كان معايا الترجمة بالصدفة) .. لكن اللى داخلني جورجيا مش الإقامة الخليجية ... إلى دخلني الفيزا الكندية ... عشان كدة لوحابب تروح جورجيا ومش معاك الفيز السابقة الأفضل انك تقدم إلكتروني وترفق كل الورق المتاح معاك عشان يوافقوا عليها حتى لو مقيم في دول الخليج ....
- انا إقامتي كانت في مدينة باتومي لمدة 5 أيام ... عشان كدة ححكي عنها هيا بس .. العاصمة تلبيسي اسمع انها رائعة برضه ... لكن انا مارحتهاش عشان كدة مش عارف حاجة عنها ...
- الأماكن للسفر والفسح في باتومي كتيرة ... لكن يكفي انك تقعد فيها 3 أيام بس عشان تستمتع بيها ... اكتر من كدة حتحس بالملل شوية ...
- قبل السفر طبعا إحجز فندق على موقع بوكيج ... والإفضل إختار فنادق على البحر .. ماتحلمش انك تاخد بلكونة على البحر ... لإنهم بيقولوا كدة على الموقع وفي الاخر بتلاقي نفسك بتشوف البحر بالعافية ... ودي كانت تجربة أكثر من واحد ... لإن اغلب الحجوزات بتكون أشخاص بياجروا من الفندق غرف و يأجروهالك انت .. فغالبا مافيش خدمة فندقية ... وبتكون رخيصة ... لكن لو عايز فندق غالي زاي الشيراتون والهيلتون حتدفع كتير قوي ... عشان كدة اختار موضوع الشقق افضل عشان حتبقى رخيصة وحلوة كمان ... فيه فنادق قريبة من حدود تركيا ... جميلة وروعة ... بس عيبها المواصلات من هناك صعبة جدا ...
- نزل خريطة باتومي أوف لاين على جوجل ماب ...
- خد معاك شطافة المسافر ... عشان مافيش شطافات هناك ...
- الفيش هناك دائرية و بخرمين بس ...وحتلاقي شكلها على الموقع دة
/Georgia Country Code 995 Country Code GE
- هناك مش بيتكلموا أي لغة غير اللجورجية و الروسية ... التواصل هناك صعب جدا جدا جدا ... نزل على موبايلك برنامج say hi او اي برنامج ترجمة ممكن يشتغل أوف لاين...
- بالنسبة للوصول إلى المطار .. بعد ما تعدي من الجوازات .. اول حاجة تعملها انك تغير عملة من المطار عشان مايخدش منك (Commission) ...وانت راجع اعمل نفس القصة من المطار مع ترك حوالى 30 لاري معاك عشان لو حبيت تشرب حاجة في المطار وانت راجع لإنهم مش بيقبلوا الدولار كتعامل .....
- طبعا اول حاجة حتحتاجها هناك خط او انترنت .. لو وصلت يوم السبت او الاحد مش حتلاقي مكان يبيع خطوط في المطار .. باقي الايام حتلاقي .. عشان كدة قولتلك نزل برنامج ترجمة اوف لاين وخريطة جورجيا اوف لاين...
- اول ما تطلع من المطار حتلاقي طبعا التكاسي واقفين هناك ... وبيزنوا عليك تركب معاهم ... ماتركبش مع اي حد حياخد منك أكتر من 25 لاري لأي مكان انت رايحه ...لإن باتومي صغيرة جدا ... دة لو معاك اسرتك ... لو مش معاك اسرتك حقولك على وسيلة مواصلات مش حتدفع أكتر من نص لاري ... الاتوبيس العام ... ايوة ماتستغربش ... انا استعملته هناك ومادفعتش حاجة خالص في المواصلات إلا لو مكان بعيد ... ولو عايز تعرف كل اتوبيس بيودي منين لفين ... ادخل على الموقع دة وحتلاقي خريطة بالإتوبيسات كلها ... اتوبيس رقم 10 بياخدك من مطار باتومي بطول الكورنيش كله . انا ركبته ووصلني قدام الفندق بتاعي ...وتابع وانت ماشي بالأتوبيس على الخريطة عشان تعرف حتنزل فين ...
الموقع أهوه :
/Buses Movement
- طبعا ممكن تركب الاتوبيس مع اسرتك لو فيه اماكن فاضية ... بس هوا عامل زاي اتوبيسات مصر مع صعوبة الحركة لو كان معاك شنط كتيرة ... اول ما بتاخد التذكرة لازم تحطها في جهاز كدة تختمها فيه ... عشان هناك في رقابة ...ممكن تستخدم التذكرة رايح جاي تقريبا ... بس انا ما استخدمتهاش قبل كدة ... اسال على الموضوع دة...
- وصلت الفندق بالسلامة الحمد لله ... جميل جدا ... هناك بقى حتلاقيهم بيتكلموا انجليزي شوية .. خاصة الستات هناك ... اطلب منهم المساعدة في خط موبايل .. هناك انا استخدمت خط اسمه BEELINE ... لكن التغطية بتاعته جوة المدينة حلوة .. على اطراف المدينة مش حلوة قوي .. الإنترنت هناك ب 8 لاري أخدت تقريبا 6 جيجا .. وفيه جهاز شحن استخدامه بسيط تقدر تشحن منه ... ممكن تطلب من حد يعلمك استخدامه ...الخط اللي اسمه BEELINE لو عايز تعرف معاك كام تتكلم بيه اضغط *102# ولو عايز تعرف معاك كام انترنت اضغط *170# أو العكس مش فاكر يعني..
- اطلب هناك المساعدة عادي ...هما خدومين جدا ... وشعب طيب جدا جدا ... بس المهم انهم يفهموك الأول
- أماكن الفسح كتيرة زاي حديقة باتومي (لازم تاخد تاكسي) ...واماكن تانية كتيرة تقدر تطلعها من على جوجل بسهولة جدا ...
- عشان اقدر اساعدك اكتر حقولك على المطاعم العربية الكويسة ... فيه مطعم اسمه مكة .. اكلت فيه لكن ماعجبنيش واسعاره غالية جدا واكله قليل .. المطاعم التركية هناك روعة ... غالية شوية بس حلوة ... حديك كذا مطعم حيعجبوك ان شاء الله
المطعم دة هندي ... لهواه الأكل الحار شوية ...
Spice Garden Restaurant Batumi (Indian)
المطعم دة تركي ... راااائع ... كنت بفطر فيه كل يوم ... انا مدمن قهوة تركي وهما بيعملوها بشكل جميل جدا ...بس غالي شوية ...
Grand Grill Restaurant
دة مطعم ...بس نصيحة ما تطلبش منه أكل ... لإن اكلهم مش حلو ... لكن هناك حفلات ليلية جميلة جدا .. حعرضلكم مقطع منها في البوست ...غالي برضه ..
Sunset Bar
مطعم مكة .. للأسف ماعجبنيش خالص ... جربه يمكن يعجبك
مطعم مكه
რესტორანი მექა
مطعم بركة التركي ... راائع جدا ... اسعاره معقولة ...
Karabak Türk Mutfağı
- لو دخلت مطعم ماتعرفهوش .. يا اما تطلب حاجة فيها fish او vegetables أو تقوله No pork عشان يفهم ان بلاش لحم خنزير... وفيه ماكدونالدز هناك ...بس خلي بالك برضه من لحم الخنزير ...
- السوبر ماركت هناك متوفر جدا..والخضار والفاكهة وكل حاجة متوفرة ..تقدر تشتري وتطبخ لو واخد شقة ... حيكون ارخصلك من المطاعم بكتير ....بس تدخل جوة البلد شوية او من شارع اسمه Gogebashvili St
- تقدر تدور طبعا عن عروض الدولفين ... وكمان التليفريك ... ولما توصل بالتلفريك اسالهم على الغرفة ثلاثية الأبعاد ... كمان فيه تمثالين علي ونينو ... ممكن تركب مركب نص ساعة في البحر ب 10 لاري .. وماحدش يضحك عليك من الناس اللي برة ويوقلك 50 لاري .. تقدر تركب بتاع كدة بيطير في الهوا فوق البحر ب 100 لاري الشخص الواحد ... ممكن كمان تأجر عجل و موتسكلات ... ممكن تتمشى على الكورنيش وفيه هناك عروض في الشارع بيعملوها كدة بنات و ولاد بيرقصوا ...فيه برج كبير كدة بتطلعه عشان تشوف البلد من فوق الفرد ب 8 لاري .. بس اتصحك بلاش لانه مالوش اي 30 لازمة ..ومش حتشوف حاجة من فوق ...
- الأماكن السياحية كتيرة ... عشان كدة انا حديك رقم سواق تاكسي مسلم اسمه "جمال" تقدر تتواصل معاه على الواتس آب ... ويجي ياخدك من المطار ويفسحك كل يوم ... هوا شخص محترم جدا...اتواصل معاه باللغة الجورجية على الواتس اب .. عشان هوا طبعا مش بيعرف انجليزي كعادة الشعب هناك ...ولو كتبتله Ayman حيعرف انك تبعي انا .. لكن برضه فاصل معاه في السعر عادي (هوا مش ابن عمي يعني) ...دة رقمه:
+99558166868
- جورجيا بلد رخيصة جدا .. وحلوة جدا ... وامان جدا جدا .. وتنفع جدا للفسح الأسرية .. الناس هناك محترمة .. وكاثوليك متديننين .. فيه مسلمين كتير .. الحجاب والنقاب عادي جدا ... حتلاقي عرب هناك كتير وخاصة من الإمارات ...
- نصيحة أخيرة ... ماتحاولش تعط هناك .. هما عندهم حرية زاي اي بلد .. بس هما حريتهم مش معناها إباحية ... فيه اماكن لكدة متوفرة ... لكن هناك حيدفعوك مبلغ ممكن يوصل ل 1000 دولار .. وماتقدرش تفتح بقك ... عشان كدة اتقي ربنا وانت رايح عشان تعرف تستمتع وتنبسط ...
- فيه مسجد هناك وحيد قريب من مطعم مكة .. ماتحولش تقعد هناك كتير .. صلي وامشي .. عشان وانت داخل حتلاقي 100 عين عليك مش عارف ليه ...
- بعض الكلمات بالجورجية :
Orbi يعني فندق
gamarjoba يعني مرحبا
Gamadlobt يعني شكرا
Nakhwam-bis نخوام بيس يعني مع السلامة
- بخصوص الطيران ... طيران العربية بيودي باتومي ورخيص جدا .. بس حيعمل ترانزيت في الشارقة ....
-انا حاولت أغطي على قد ما قدرت معلومات الرحلة هناك ... استمتعوا بالفيديو دة من مطعم sunset ...
انا حاولت اضغط حجم الفيديو عشان اقدر ارفعه ... الصورة طبعا طلعت بعد الضغط مش حلوة ...
دة اول بوست ليا هنا في الجروب ... وحبيت اشارك تجربتي في السفر لباتومي ، جورجيا ...
- الموقع : حدود جورجيا من الشمال (روسيا ) ومن الجنوب (أرمينيا- تركيا) ومن الشرق (أذبريجان) ومن الغرب (البحر الأسود).
- المناخ : رائع صيفا إلى منتصف سبتمبر - قارس البرودة شتاءا
- العاصمة : تلبيسي.
- العملة : لاري= 0.42 دولار
- الفيزا : كان من فترة الفيزا لدخول جورجيا أسهل ما يمكن من مصر من خلال التقديم الإلكتروني على الموقع ... لكن بعد هروب العديد من المصريين هناك لإعتقادهم بحياة وعمل .. اصبح الموضوع صعب شوية ولازم موافقة أمنية ... لكن لو معاك فيزا تشنغن او فيزا كندية أو امريكية أو تركية .. تقدر تدخل جورجيا بيها ( الكلام دة قالوا ظابط الجوازات هناك) ... بالنسبة للمقيمين في دول الخليج .. على الموقع الإلكتروني بتاعهم بيقولك انك ممكن تدخل جورجيا من خلال الإقامة .. أحب اقولك لما حاولت اعمل كدة عقدوني .. وطلبوا مني ترجمة الأقامة (الحمد لله كان معايا الترجمة بالصدفة) .. لكن اللى داخلني جورجيا مش الإقامة الخليجية ... إلى دخلني الفيزا الكندية ... عشان كدة لوحابب تروح جورجيا ومش معاك الفيز السابقة الأفضل انك تقدم إلكتروني وترفق كل الورق المتاح معاك عشان يوافقوا عليها حتى لو مقيم في دول الخليج ....
- انا إقامتي كانت في مدينة باتومي لمدة 5 أيام ... عشان كدة ححكي عنها هيا بس .. العاصمة تلبيسي اسمع انها رائعة برضه ... لكن انا مارحتهاش عشان كدة مش عارف حاجة عنها ...
- الأماكن للسفر والفسح في باتومي كتيرة ... لكن يكفي انك تقعد فيها 3 أيام بس عشان تستمتع بيها ... اكتر من كدة حتحس بالملل شوية ...
- قبل السفر طبعا إحجز فندق على موقع بوكيج ... والإفضل إختار فنادق على البحر .. ماتحلمش انك تاخد بلكونة على البحر ... لإنهم بيقولوا كدة على الموقع وفي الاخر بتلاقي نفسك بتشوف البحر بالعافية ... ودي كانت تجربة أكثر من واحد ... لإن اغلب الحجوزات بتكون أشخاص بياجروا من الفندق غرف و يأجروهالك انت .. فغالبا مافيش خدمة فندقية ... وبتكون رخيصة ... لكن لو عايز فندق غالي زاي الشيراتون والهيلتون حتدفع كتير قوي ... عشان كدة اختار موضوع الشقق افضل عشان حتبقى رخيصة وحلوة كمان ... فيه فنادق قريبة من حدود تركيا ... جميلة وروعة ... بس عيبها المواصلات من هناك صعبة جدا ...
- نزل خريطة باتومي أوف لاين على جوجل ماب ...
- خد معاك شطافة المسافر ... عشان مافيش شطافات هناك ...
- الفيش هناك دائرية و بخرمين بس ...وحتلاقي شكلها على الموقع دة
/Georgia Country Code 995 Country Code GE
- هناك مش بيتكلموا أي لغة غير اللجورجية و الروسية ... التواصل هناك صعب جدا جدا جدا ... نزل على موبايلك برنامج say hi او اي برنامج ترجمة ممكن يشتغل أوف لاين...
- بالنسبة للوصول إلى المطار .. بعد ما تعدي من الجوازات .. اول حاجة تعملها انك تغير عملة من المطار عشان مايخدش منك (Commission) ...وانت راجع اعمل نفس القصة من المطار مع ترك حوالى 30 لاري معاك عشان لو حبيت تشرب حاجة في المطار وانت راجع لإنهم مش بيقبلوا الدولار كتعامل .....
- طبعا اول حاجة حتحتاجها هناك خط او انترنت .. لو وصلت يوم السبت او الاحد مش حتلاقي مكان يبيع خطوط في المطار .. باقي الايام حتلاقي .. عشان كدة قولتلك نزل برنامج ترجمة اوف لاين وخريطة جورجيا اوف لاين...
- اول ما تطلع من المطار حتلاقي طبعا التكاسي واقفين هناك ... وبيزنوا عليك تركب معاهم ... ماتركبش مع اي حد حياخد منك أكتر من 25 لاري لأي مكان انت رايحه ...لإن باتومي صغيرة جدا ... دة لو معاك اسرتك ... لو مش معاك اسرتك حقولك على وسيلة مواصلات مش حتدفع أكتر من نص لاري ... الاتوبيس العام ... ايوة ماتستغربش ... انا استعملته هناك ومادفعتش حاجة خالص في المواصلات إلا لو مكان بعيد ... ولو عايز تعرف كل اتوبيس بيودي منين لفين ... ادخل على الموقع دة وحتلاقي خريطة بالإتوبيسات كلها ... اتوبيس رقم 10 بياخدك من مطار باتومي بطول الكورنيش كله . انا ركبته ووصلني قدام الفندق بتاعي ...وتابع وانت ماشي بالأتوبيس على الخريطة عشان تعرف حتنزل فين ...
الموقع أهوه :
/Buses Movement
- طبعا ممكن تركب الاتوبيس مع اسرتك لو فيه اماكن فاضية ... بس هوا عامل زاي اتوبيسات مصر مع صعوبة الحركة لو كان معاك شنط كتيرة ... اول ما بتاخد التذكرة لازم تحطها في جهاز كدة تختمها فيه ... عشان هناك في رقابة ...ممكن تستخدم التذكرة رايح جاي تقريبا ... بس انا ما استخدمتهاش قبل كدة ... اسال على الموضوع دة...
- وصلت الفندق بالسلامة الحمد لله ... جميل جدا ... هناك بقى حتلاقيهم بيتكلموا انجليزي شوية .. خاصة الستات هناك ... اطلب منهم المساعدة في خط موبايل .. هناك انا استخدمت خط اسمه BEELINE ... لكن التغطية بتاعته جوة المدينة حلوة .. على اطراف المدينة مش حلوة قوي .. الإنترنت هناك ب 8 لاري أخدت تقريبا 6 جيجا .. وفيه جهاز شحن استخدامه بسيط تقدر تشحن منه ... ممكن تطلب من حد يعلمك استخدامه ...الخط اللي اسمه BEELINE لو عايز تعرف معاك كام تتكلم بيه اضغط *102# ولو عايز تعرف معاك كام انترنت اضغط *170# أو العكس مش فاكر يعني..
- اطلب هناك المساعدة عادي ...هما خدومين جدا ... وشعب طيب جدا جدا ... بس المهم انهم يفهموك الأول
- أماكن الفسح كتيرة زاي حديقة باتومي (لازم تاخد تاكسي) ...واماكن تانية كتيرة تقدر تطلعها من على جوجل بسهولة جدا ...
- عشان اقدر اساعدك اكتر حقولك على المطاعم العربية الكويسة ... فيه مطعم اسمه مكة .. اكلت فيه لكن ماعجبنيش واسعاره غالية جدا واكله قليل .. المطاعم التركية هناك روعة ... غالية شوية بس حلوة ... حديك كذا مطعم حيعجبوك ان شاء الله
المطعم دة هندي ... لهواه الأكل الحار شوية ...
Spice Garden Restaurant Batumi (Indian)
المطعم دة تركي ... راااائع ... كنت بفطر فيه كل يوم ... انا مدمن قهوة تركي وهما بيعملوها بشكل جميل جدا ...بس غالي شوية ...
Grand Grill Restaurant
دة مطعم ...بس نصيحة ما تطلبش منه أكل ... لإن اكلهم مش حلو ... لكن هناك حفلات ليلية جميلة جدا .. حعرضلكم مقطع منها في البوست ...غالي برضه ..
Sunset Bar
مطعم مكة .. للأسف ماعجبنيش خالص ... جربه يمكن يعجبك
مطعم مكه
რესტორანი მექა
مطعم بركة التركي ... راائع جدا ... اسعاره معقولة ...
Karabak Türk Mutfağı
- لو دخلت مطعم ماتعرفهوش .. يا اما تطلب حاجة فيها fish او vegetables أو تقوله No pork عشان يفهم ان بلاش لحم خنزير... وفيه ماكدونالدز هناك ...بس خلي بالك برضه من لحم الخنزير ...
- السوبر ماركت هناك متوفر جدا..والخضار والفاكهة وكل حاجة متوفرة ..تقدر تشتري وتطبخ لو واخد شقة ... حيكون ارخصلك من المطاعم بكتير ....بس تدخل جوة البلد شوية او من شارع اسمه Gogebashvili St
- تقدر تدور طبعا عن عروض الدولفين ... وكمان التليفريك ... ولما توصل بالتلفريك اسالهم على الغرفة ثلاثية الأبعاد ... كمان فيه تمثالين علي ونينو ... ممكن تركب مركب نص ساعة في البحر ب 10 لاري .. وماحدش يضحك عليك من الناس اللي برة ويوقلك 50 لاري .. تقدر تركب بتاع كدة بيطير في الهوا فوق البحر ب 100 لاري الشخص الواحد ... ممكن كمان تأجر عجل و موتسكلات ... ممكن تتمشى على الكورنيش وفيه هناك عروض في الشارع بيعملوها كدة بنات و ولاد بيرقصوا ...فيه برج كبير كدة بتطلعه عشان تشوف البلد من فوق الفرد ب 8 لاري .. بس اتصحك بلاش لانه مالوش اي 30 لازمة ..ومش حتشوف حاجة من فوق ...
- الأماكن السياحية كتيرة ... عشان كدة انا حديك رقم سواق تاكسي مسلم اسمه "جمال" تقدر تتواصل معاه على الواتس آب ... ويجي ياخدك من المطار ويفسحك كل يوم ... هوا شخص محترم جدا...اتواصل معاه باللغة الجورجية على الواتس اب .. عشان هوا طبعا مش بيعرف انجليزي كعادة الشعب هناك ...ولو كتبتله Ayman حيعرف انك تبعي انا .. لكن برضه فاصل معاه في السعر عادي (هوا مش ابن عمي يعني) ...دة رقمه:
+99558166868
- جورجيا بلد رخيصة جدا .. وحلوة جدا ... وامان جدا جدا .. وتنفع جدا للفسح الأسرية .. الناس هناك محترمة .. وكاثوليك متديننين .. فيه مسلمين كتير .. الحجاب والنقاب عادي جدا ... حتلاقي عرب هناك كتير وخاصة من الإمارات ...
- نصيحة أخيرة ... ماتحاولش تعط هناك .. هما عندهم حرية زاي اي بلد .. بس هما حريتهم مش معناها إباحية ... فيه اماكن لكدة متوفرة ... لكن هناك حيدفعوك مبلغ ممكن يوصل ل 1000 دولار .. وماتقدرش تفتح بقك ... عشان كدة اتقي ربنا وانت رايح عشان تعرف تستمتع وتنبسط ...
- فيه مسجد هناك وحيد قريب من مطعم مكة .. ماتحولش تقعد هناك كتير .. صلي وامشي .. عشان وانت داخل حتلاقي 100 عين عليك مش عارف ليه ...
- بعض الكلمات بالجورجية :
Orbi يعني فندق
gamarjoba يعني مرحبا
Gamadlobt يعني شكرا
Nakhwam-bis نخوام بيس يعني مع السلامة
- بخصوص الطيران ... طيران العربية بيودي باتومي ورخيص جدا .. بس حيعمل ترانزيت في الشارقة ....
-انا حاولت أغطي على قد ما قدرت معلومات الرحلة هناك ... استمتعوا بالفيديو دة من مطعم sunset ...
انا حاولت اضغط حجم الفيديو عشان اقدر ارفعه ... الصورة طبعا طلعت بعد الضغط مش حلوة ...