الفيوم تقدري تقضي رحلة مدتها يومين أو تلاتة بالكثير، الترفيه والمتعة في الاماكن الصحراوية ، وزيارة متحف وادي الحيتان والمتحف المفتوح كمان لمنطقة عمرها أكثر من 40 مليون سنة، وتقدري تعملي كامب في وادي الحيتان ، وبرده في كامب تاني شمال بحيرة قارون من الناحية الغربية للبحيرة ، برده هتزوري قرية تونس وتزوري ورش الفخار بتاعت راوية ومحمود الشريف ، دول اشهر شخصين بيصنعوا فخار ، واستاذتهم مدام ايفيلين سيدة سويسرية زوجة الشاعر المعروف سيد حجاب ، وبيعملوا معارض لمنتجاتهم في دول كتير اوى في اوروبا ، برده تقدري تحجزي انتي واسرتك أو انتي واصحابك فيلا بحمام سباحة والجو هناك منعش بشكل خرافي ، كمان هتقابلي في قرية تونس الاستاذ احمد منصور خبير الطيور البرية وهتجمعي خبرات كتيرة وحلوة جدا عن الحياة البرية للطيور المهاجرة من وإلى اوروبا ، مذهلة جدا، بعد كده ممكن تقابلي حمادة صاحب الكافية الألماني ، وتعرفي معلومات كتير عند الأعشاب الطبية، وتشربي معظم المشروبات الاورجانيك، وهتزوري بقى قصر قارون الفرعوني قريب من حمادة الألماني ، وبعد كده تقدري تركبي خيل وتتمشي على ساحل بحيرة قارون، ممكن أنشطة تانية كثيرة اوى زى ازاي تتعلمي زراعة الأسطح وإنتاج خضار اورجانيك، وتتعلمي ازاي تعملي الكمبوست وتقضي على مخلفات كتيرة في بيتك ، وفي انشطة وورش عمل للاطفال بينفذها ناس متخصصين، وبرده للكبار فيه وورش فنية عالمية للفنان التشكيلي المصري المعروف محمد عبلة، وتقدري تزوري مزارع وتقابلي فلاحين وتساليهم عن الزراعة وتشوفي المزيج بين الطبيعة الصحراوية والبرية والريفية ، حقيقي الفيوم دي بلد جميلة جدا، لو احتاجتي حاجة ان شاء الله اساعدك باللي اقدر عليه.
