E
Eslam Abdulmijid
:: مسافر ::
انا من اسكندرية و لو عايز تاكل اكله سمك حلوة عليك وعلى الورديان و تجيب سمكك و تظبط الدنيا سي فود واللي نفسك فيه كله و هتوفر كثير وتتطلع على الماكس و تقعد على البحر و احلى قعدة و احلى اكله وبروقان عايز تحلى انا مدمن الشيخ وفيق رز بلبن بالايس كريم بالمكسرات تحفة بس معرفش هو غلى السعر دلوقتي ولا لا البان سويسرا اكلهم حلو بس ابعد عنه في الزحمة دي و لما بيكون رايق الاكل بيكون تمام.. لو عايز تأكل شاورما اطلب طاجن شاورما من ست الشام اللي في محمد نجيب و هتدعيلي والله و سعره معقول جدا ... عايز قعدة حلوة مع اصحابك ممكن تروح cafe de la paix في الرمل قعدة كلاسيكية كده و سعرها مش غالي خالص وفي قعدة جوة وقعدة بره... لو عائلة عندك كافيهات كثير بس احسنهم تريانون محطة الرمل وسعره غالي شوية بس مناسب و المكان من جوة تحفة... عايز تبعد شوية ممكن تروح الداون في كافيه اوبا و كافيه جليلة ... و متنساش تزور كازينو الشاطبي الدور الثالث و لو هتروح في الايام دي روح من اول الساعة ٧ عشان تلحق جزء من الغروب هناك ...