النهاردة هتكلم عن اكبر خازوق بيقابلك بعد ما...

[Ahmed Mohamed]

النهاردة هتكلم عن اكبر خازوق بيقابلك بعد ما تاخد فيزا الشنجن بسلامه :

* انا اخدت فيزا شنجن من المانيا ينفع اروح سويسرا الاول وبعدين اروح المانيا ؟؟
* انا اخدت فيزا شنجن من فرنسا ومش عايز اروحها خالص في رحلتي لاوروبا ينفع ؟؟
* انا خدت فيزا شنجن من هولندا وتذكره هولندا غاليه فشخ ولقيت تذكره لليونان ارخص ينفع اروح اليونان الاول عشان مستخسر التذكره دي تروح عليا ؟؟

--------------------------------------------------------------
تلاقي واحد رادد علي السؤال دة ويقول عليا الطلاق انا بقالي 25 سنه بسافر اوروبا عمري ما دخلت من البلد اللي خدت منها التأشيرة الاول وكلامي انا الصح ولازم يتسمع
.

تلاقي حد تاني رادد عليه ويقوله وانا طلاق علي طلاقك بقالي 150 سنه معايا اقامه في اوروبا وسافرت كوكب زحل وكوكب زمردة وبقولك لو دخلت الاول من بلد مخدتش منها التأشيرة هيتكنسلك فيزتك وهتترحل وكلامي انا الصح ولازم يتسمع
.

وهتلاقيهم يا مؤمن بيتخانقوا في كل بوست بيتكلم عن النقطه دي وكل واحد مصمم ان اللي حصل معاه في مطارات اوروبا هو الصح وهو اللي لازم يتعمل
.

بصوا يا شباب وارجو ان الاجابه دي تكون ناهيه للمناقشه في الحوار دة
-----------------------------------------------------------

قانونا قانونا قانونا قانونا قانونا قانونا وعلي الوررررررررررق مفيش ما يمنع ابدا طول ما فيزتك الشنجن من النوعيه C انك تدخل من اي مكان في الشنجن براحتك ان شالله تدخل من لاتفيا حتي
.

ولكن ولكن ولكن ولكن ولكن ولكن فعليااااااااااااااا العمليه ليها شويه قوانين بتحكمها و حسب موظف الجوازات وحسب السفاره لما ترجع ..

خد عندك يا سيدي الاحتمالات الممكنه :

1- ممكن موظف الجوازات لو شاف معاك حجوزات فنادق للبلد اللي خدت منها الفيزا بمدة اطول من المدة بتاعه الحجوزات للبلد اللي هتروحها الاول يقولك اتفضل يا معلم صيع وهلس ف البلد بتاعتنا براحتك البيت بيتك

.

2- ممكن موظف الجوازات يمنعك من دخول بلده طالما مخدتش التأشيرة منها وكمان ممعاكش اي حجوزات فنادق او طيران تثبت انك هتروح البلد اللي خدت منها التأشيرة بعد ما تعدي من بلده الاول

.

3- ممكن موظف الجوازات يرضي ويقبل انك تدخل من بلد غير من البلد اللي خدت منها التأشيرة حتي لو مش معاك اي حجوزات اصلا لاي بلد ويعزم عليك كمان ب جوب حشيش ويقولك يا صباح اللي بتغني صبح تاتا اتنين في تلاته ..
.

بس اما ترجع بقي يا حبيبي من الرحله العظيمه دي وتحب تقدم علي نفس السفاره تلاقي بدل ما تاخدها مالتي في المرة التانيه ومدة صلاحيه اطول تلاقي نفسك خدتها سنجل وبمدة اقصر من الاول
.

أو تلاقي نفسك بدل ما كنت مقدم في المرة الاولانيه بكشف حساب بنكي مخرم وعدت وربنا سترها معاك تلاقيهم رخموا معاك في تاني مرة علي كل سحتوت مكتوب في الحساب وعلي كل مستند بتقدمه

والبس بقي يا معلم

---------------------------------------------------------
طيب ايه الحل ياعم وجعت دماغنا وقرفتنا ما تنجز وتقولنا الحل بدل ما انت قاعد تهرتل كدة .. حاضر هنجز
.

الحل بسيط جدا .. حاجه من اتنين :

1- تخلي معاك حجوزات مؤكدة للبلد اللي خدت منها التأشيرة و تذكره باص او قطر من والي البلد اللي خدت منها التأشيرة والبلد اللي هتدخل منها الاول ..

ويا سلام لو معاك ترافل بلان للبلد اللي خدت منها التأشيرة وتوريها للظابط في البلد اللي هتدخل منها الاول

وكمان زيادة ف التأكيد لو هتعمل شوبينج خلي معاك فواتير محلات او مشتريات من البلد اللي خدت منها التأشيرة عشان تقدمها للسفاره لما ترجع المرة الجايه

.

2- تسافر علي طيران ترانزيت غير تابع لأي دوله من دول الشنجن زي طيران الخليج او الطيران التركي مثلا

يعني تروح اليونان ترانزيت دبي مثلا ,, ترانيت تركيا ,, الخ الخ الخ وبكدة تختم من الدوله اللي خدت منها التأشيرة

--------------------------------------------------------

في ناس صحابي بيعملوا حركه فهلويه بس انا شخصيا شايفها حركه غبيه فشخ بس هقولها اهو يبقي كل الاحتملات عندكم

انك تخلي تذكره طيرانك ترانزيت في الشنجن من البلد اللي خدت منها الفيزا

يعني علي سبيل المثال لو انت واخد فيزا من اليونان مثلا وعايز تروح المانيا الاول
.

تروح انت زي الباشا كدة تحجز تذكره لالمانيا ترانزيت اليونان .. وانت في الترانزيت هتدخل تختم في اليونان ( دة اجباري مش اختياري اساسا لانك لو نزلت ترانزيت فى دولة شنجن وطيارتك التانية لدولة شنجن .. طيارتك هتكون من ترمينال الرحلات الداخلية وعلشان حضرتك تروح الترمينال دة بيكون فية passport control يعني هتختم باسبورك غصب عنك مش بارادتك )
.

المهم يعني تروح تختم ف اليونان وتلفلك كام لفه وتتصور مع كام مزة يونانيه ( المسلوعين الرفيعين دول ايوة ) وبعدين تلحق طيارتك التانيه لالمانيا وبكدة تبقي صايع ختمت في اليونان اللي خدت منها الشنجن وروحت المانيا اللي عايز تروحها
.

دي حركه بالنسبالي مكشوفه فشخ وبتسلم نفسك تسليم اهالي وع الرغم من كدة ناس كتير بتعملها وبتعدي فقولت اقولكم
-----------------------------------------------------------------------
مش ناسي بوست الهجره ل تركيا متقلقوش بس بيستوي علي نار هاديه

#اقعدوا_بالعافيه

 

[Amira Elsayed]

Follow

 

[Ali Zaki]

شنجن اسبانيا و رايح ترانزيت اليونان
ايه المشاكل بعد كده لما يقدم تانى

 

[Mohamed Abo Magdy]

يجماعه انا عايز الورق بتاع تاشيرا ايطاليا ايه الاورق كلو ارجو الرد وهلي في ترجمه والكلام دا عايز اعرف كل حاجه واي الحجات الليا خد بالي منهااشان الرفض ممكن الرد

 

[Hussien Elsayed]

لو معايا شنجن سلوفينيا ودخلت من النمسا وختمت فيها وخرجت من المانيا وختمت فيها برده ومش معايا غير تذاكر ال فليكس باس ع الايميل ده كفاية؟

 

[Eslam Sameer]

صراحه انا خدت شنجن بلجيكا ومرحتهاش أأصلا ومحدش قالى رايح فين وجاى منين
بس مجربتش أقدم تانى الصراحة

 

[Loula Labadi]

أنا آسفة بس سؤالي هيكون خارج الموضوع شويا أنا محتاجة جدااا ل نموذج التعهد اني هرجع للبلد بعد ما أخلص سياحة عشان ارفقو مع ملف الفيزا, و شكرا ليك استاذ أحمد محمد وعلى مجهوداتك لأني دائما بتابع بوستاتك و استفدت منها جدا

 

[Norman Halim]

Tony S Mofreh

 

[Si Elsayed Elkamary]

نايس بوست باي ذا واي

 

[Moatasm Aboamaid]

اصلي يا باشا

 

[Matthew Banoub]

كشف الحساب مشكله مفيش حل

 

[Hazem Badr]

الله ينور يا باشا ... بس انا شفت البوست ده قبل كده ولا ده توارد افكار

 

[Abdelrahman Saied]

Talal Othman

 

[Omar Elkot]

جزاك الله خير

 

[Mahmoud Farg]

انت برنس

 

[Samuel Abouna]

هو مفيش مشكله لو ختمت في بلد غير اللي انت واخد منها التاشيره لان التاشره اسمها شنجن مش تاشيره اليونان ... لكن مش مستحبه طبعا

 

[Fares Nabil]

طب أنا لو واخد التاشيرة من هولندا و عملت ترانزيت فى المانيا هختم دخول في ألمانيا ؟!

 

[Adel Kassab]

يا صباح التفخيد العظيم.. كلامك مية المية المية.
اتوصي بتركيا شوية الله يكرمك .
بوست فخم.

 

[سعيد علوان]

م

 

[Reda Omar]

شااااابوووو