ممكن حد يساعدني انا بحاول احجز في بورتو السخنه...

[Sara Ezz]

ممكن حد يساعدني انا بحاول احجز في بورتو السخنه بس لاقيت انواع بورتو كتير اوي و انا مش عارفه الفرق ايه يعني Porto south beach, Porto pyramids .....
انا فعلاً مش عارفه الفرق و اصلاً انا عايزه حد يقولي انهي احسن بورتو ولا ستيلا دي ماري؟؟؟

تعديل 1 : طيب بجد شكراً ليكوا فعلاً ساعدتوني كتير و خليتوني شايفه الوضع كاني روحت و انا ماروحتهاش غير مره من زمان و فعلاً مش فاكره حاجه بجد ميرسي ليكوا. بس انا عايزه اوضحلكوا الموقف عشان تقدروا تساعدوني اكتر يعني مثلاً اولا انا هاروح انشاء الله في راس السنه يعني اكيد مش هنزل مايه فا مش مشكله بالنسبالي موضوع المايوه البوركيني و محجبات و بتاع...
ثانياً انا هروح هي ليله واحده يادوبك هقضي راس السنه بس عشان شغلي مش هيديني قبلها اجازات كتير عشان لسه راجعه من دهب و خلصت اجازاتي فانا عايزه بس اقضي ليله في فندق يكون بس في حفله و جو مختلف يعني مش هروح اقعد في كافيه ولا اقضي كذا يوم اروح شط و كده لا خالص انا just عايزة اروح مكان مختلف اليوم ده مش اكتر
ايه رايكوا بقا بورتو ولا ستيلا دي ماري؟؟؟

 

[Medo Elshamy]

ستيلا دي ماري في منها عالشط مباشره و افضل من بورتو

 

[Ayman Ramadan]

بورتو ساوث بيتش بعد سخنة ب 12ك

 

[Ayman Ramadan]

Pyramids ده الابراج إلى ف بورتو سخنة

 

[Om Malak]

ستيلا دي ماري جراند حلو عن تجربه كل حاجه فيه كانت كويسه

 

[Ahmad Hanaey]

كل بورتو زي الزفت .. مش حتتبسطي خالص

 

[Yassin El Shafei]

بلاش بورتو السخنة
ستيلا دي ماري أحسن بكتير
تاني بلاااااااااااش بورتو

 

[Martina Tina]

ستيلا جميله جدا وراقيه قوووي فيها جراند وفي sea club فنادق
بورتو لما روحت قعدت في حته اسمها water front جميله بس لازم يكون معاكي عربيه عشان تروحي البحر والممشي

 

[Sara Ahmed Shetewy]

بلاش بورتو حر و ممله اوي و الشط كمان مش كبير

 

[Riham Mahmoud]

F

 

[Mona Khafaga]

Stella tab3n

 

[Nona Roshdy]

شرق فاسع بين الاتنين ستلا انضف وأحلى بكتير
ميزه بورتو الوحيدة الكافيهات لكن بحر وحش و بول وحش

 

[Rania Sadek]

بلاش استيلا رحتها مش حلوه

 

[مروه محمود سيد]

هي الصوره دي بتاعت ايه

 

[Loly El-Diehy]

ستيلا احلي من بورتو لكن العيب الوحيد انهم بيمنعوا المحجبات من نزول البسين

 

[Mahmoud Kamal]

انا لسه راجع من بورتو ساوث بيتش حلوه جدا مش عارف الناس معترضه عليها ليه

 

[Rania Moftah]

بورتو السخنه تجنن و المايه فيها سمك على الشط لو معاكى عيش مثﻻ يتلم عليه .... التمشيه بالليل حلوة جدا و تﻻقى كل حاجه انتى عاوزاها هناك ..بيراميدز احلى طبعا ﻻنك قريبه من البحر ... فى فندق وفى شقق فندقيه بتكون من غير تنضيف وﻻ اكل المدة اللى هتقعديها لكن فيها مطبخ صغير و تﻻجه و هتقدرى تتعاملى

 

[Mohamed Eed]

موفينبك احلي حاجة في السخنة
اكل ممتاز
بول رائع
بحر كويس
سعر غالي حبتين
عيبه انه مفيش اي حاجة بالليل ولا اكتيفتي
بس لعشاق الهدوء هيكون مناسب

 

[Ahmed Morsy]

معلش سؤال هو ازاي احجز في بورتو السخنه؟

 

[Mona Hadad]

موفينبك احلى من الاتنين