السلام عليكم ممكن من اصحاب الخبره واهل...

[Ahmed Metwally]

السلام عليكم

ممكن من اصحاب الخبره واهل النوبه يفيدوني

انا المدام عندي مش مصريه و ان شاء الله ناويين نروح الاقصر ف الشتاء ودي اول مره لينا احنا ال2

ف كنت محتاج مساعده من حضراتكم عن ايه الاماكن اللي ممكن نتفسح فيها ف الاقصر و افضل منطقه ننزل فيها اقامه عشان تبقي قريبه من كل حاجه وايه هو أفضل شهر في السنه نروح فيه الاقصر و المده اللي اقعدها اد ايه هناك عشان اكون لفيت البلد و شوفت كل حاجه وهل من وجهه نظركم اروح أسوان ولا الأقصر بس وكفي وآخر سؤال هل دخول المناطق الأثرية قيمتها المالية بالنسبة الأجانب عاليه ولا لا واسف على الاطاله و شكراً مقدماً لحضراتكم

 

[Samuel Victor]

روح طبعا اسوان معاها واحسن فتره من شهر 12 لشهر 2 خد كروز ف مركب من الاقصر إلى اسوان والعكس الاقامه مش غاليه ف المحافظتين والناس طيبه اوى

 

[Yasmine Mohamed]

الاقصر جميلة جدا هي هتتبسط ان شاء الله
لازم تركبوا البالون
حتشبسوت
وادي الملوك
السوق اللي هناك
معبد الاقصر
معبد الكرنك

بلاش تروح جزيرة الموز

فاصل مع بتوع الحانطور اوي و اي مركب برضو

افضل وقت شهر ١٢ و ١ و ٢

الفنادق حلوة و اسعارها كويسة ادخل بوكينج شوف اللي يناسب البادجت بتاعتك

 

[Yasmine Mohamed]

في محل ايس كريم مشهور اسمه winkes بتاع ٢ مش مصريين المان ، بس عندهم ايس كريم دوم و كركدية تحفة

 

[Ahmed Taha]

الاقصر محتاجة 3 ايام وافضل مكان تبقي فيه علشان قريب لو اوتيل يبقي stigen berger وخد اوضة Nile view او علي الاقل side Nile . لازم تروح معبد الاقصر والكرنك وتحضر عرض الصوت والضوء بليل في الكرنك طبعا العرض الاجنبي ابعد عن العرض العربي . معبد الاقصر بردو جميل بليل اعتقد اخر معاد للزيارة الساعة 8 او 9 . ولازم تزور علي الاقل 3 مقابر في البر الغربي في وادي الملوك بس تخلي بالك من الجو الحر في الصيف

 

[Asa Mohamed]

LoAy Fayez Omar Mohammed Abdelwahab

 

[Ahmed Badr]

علشان تلخص كل حاجه وتستمتع بكل المناطق وكل المزارات يبقي نايل كروز الاقصر اسوان.....افضل حاجه وكمان هتزور اسنا وادفو وكوم امبو وكل حاجه ف اسوان
احلي شهور ف الاقصر اخر شهر عشرة و١١و١٢ بس حضرتك لو هتحجز لازم تحجز من دلوقتي عشان اغلب الكروزات النضيفه احنا حجزناها

 

[Assma HaMed]

الكروز ممتعة جدا احلي من الاوتيل
مزارات الاقصر الكرنك و فيه بليل الصوت والضوء و وادي الملوك وطبعا حتشبسوت و معبد الأقصر
والهدايا التذكارية هتاك بالهبل

اسوان بقي الق ية النوبية ف غرب سهيل معبد فيلة السد العالي معبد ادفو.

 

[Ahmed Badr]

ولو محتاج اي مساعده ف الاقصر واسوان انا تحت امرك وموجود ف النيل لحد شهر ٢

 

[Rabab Mohamed]

Mohamed Torkey

 

[Yomna Magdy]

خد الcruisr بتاعت الاقصر و اسوان تبع شركة سياحة محترمة تكون عاملالكوا برنامج مع مرشد سياحي عشان هي كلها اثار.. لو مع نفسكوا مش هتستمتعوا بولا حاجة.

 

[Assma HaMed]

Kareem El-shazly

 

[ÂhMěď Ğåbęŕ Hâžėm]

للاقصر آخرها ٣ ايام ونفس الموضوع لاسوان .. افضل حل كروزه من الاقصر لاسوان ويكون شامله برنامج للرحله حتبقي امتع بس مكلفه عن انكم تكونوا لوحدكم

 

[Ahmed Badr]

ياجماعه انتو عارفين ان المعلومه امانه
يعني اللي بيكتب راي او معلومه دي امانه وهيتحاسب عليها
رجاااااء خاص. الامانه ف المعلومه
مش عيب ان الواحد يقول الله اعلم والله

 

[Amr Magdy]

نصيحه سافر الأقصر بطياره ومن هناك تاخد نايل كروز من الأقصر الى أسوان... بجد رحله رائعه

 

[AhMed Abd ElhaMeed]

انا من الاقصر وبقولك
انت خودي اسبوع احسن 3 ايام ف الاقصر و3 ايام ف اسوان
الاماكن اللي ف الاقصر
الكورنيش
ومعبد الكرنك ومعبد الاقصر والمتحف
وتاخود نايل كروز لي اسوان هتستمتع جدا
انصحك تنزل ع شهر 12 او 1
الجو بيكون ف الاقصر واسوان تحفه

 

[Mohammed Elseidy]

الحل الوحيد هو النايل كروز هتزور الاقصر وادفو وكوم امبو واسوان الجميلة

 

[Omnia Abdelsabour]

اسوان و النوبة احلى حاجة الاقصر تزورها متقعدش فيها الناس في اسوان ودوديين اكتر ... خد نايل كروز مثلا البرنامج هيعديكم على كل الحجات المهمة

 

[Mostafa Power]

فعلا مع كامل احترامي لاهل الاقصر وانا ليا اصحاب كتير من هناك بس مش من الاقصر نفسها اهل اسوان ودودين اكتر وبشوشين رجاله بصحيح وصعايده علي حق

 

[Mostafa Kamal]

ممكن تاخد النيل كروز و تلف كل حته و خد الى بتبدا من الاقصر احسن هتعدى على الاقصر و كوم امبو و ادفو و إسنا و اسوان