K
Karim Hassan
:: مسافر ::
مطار سئ جدا وعايزله خريطة ولازم يكون وقت الترانزيت علي الاقل ساعتين والمشكلة الاكبر انك تقريبا هتختمي دخول منه ودة بيضيع وقت ... عموما هتلاقي علي البوردينج بار كود ومن اي شاشه عرض للرحلات هيكون جنبها شاشه تقدري تعملي سكان للباركود ويقولك انك هتركبي من اي بوابة ولون الباص اللي هتركبية عادة بيكون ازرق وتركزي علي رقم البوابة اللي مفروض تنزليها ... انا كانت هتفوت علي رحلة لبرشلونة شهر مارس اللي فات بسبب ام المطار دة
O
Omnia Abdelaal Ali
:: مسافر ::
اسوا مطار نزلت فيه ترانزيت ..بس هو نظيف وفيه اماكن كتير للأنتظار مريحه.... بيكلموا انجليزى وهتلاقى ناس بتكلم عربى كمان..بصى بما انك محجبه وعربيه فغالبا هتبقى من العينه العشوائيه للتفتيش ...خلى بالك جدا ما يبقاش اى حاجه ممنوعه فى الكارى اون ...ومتغلطيش وتحطى اى liquid . .زى البرفيوم وكريم اليد ...ألى اخره .وكمان الوزن ...بيدققوا معاكى فى كل حاجه ... فيه طبعا شاشات كبيره بيبقى عليها بيانات الرحلات ومواعيدها ورقم البوابه الى هتستنى عندها بالأنجليزى.... خدى بالك ما تلبسيش حاجه فيها خرز او ترتر عشان الجهاز الى بتعدى عليه.. .وفيه wireless ببلاش لمده نص ساعه او ساعه مش فاكره ..استغليه انك تدخلى على الأيميل تتاكدى ان شركه الطيران مبعتتلكيش اى تغيير بخصوص الرحله ..وان شاء الله رحله سعيده