D
Doaa Gamal
:: مسافر ::
الايام كتير وبالنسبه للسرقه شنطة ظهر بس تحطها قدام مش عالضهر ومفيش حاجة فالجيبوب من ورا وكارت navigo افضل حاجة بيبدا يوم الاحد والاتنين مش فاكرة بيقعد معاك اسبوع جميع الخطوط يكون معاك صورة الباسبور وصورة شخصيه وتاخد خريطه المترو وهتفهمها سهله وخد معاك اكل ممكن توفر فالميزانيه لو فيه ميكرويڤ تسخن فيه ابعت ايميل للفندق واساله لان الغدا اقل حاجة ٧ يورو شاورما او طعميه فممكن تعمل سندوتشات وتخرج بيها هتوفر كتير تونه وممكن حلاوة واكل نص سوا وممكن امستردام بالباص يوم وبروچ في نفس اليوم وخلي معاك صورة باسبورك وسيب الاصل فخزينة الفندق ومتنساش لو هتشتري يبقي معاك عشان التاكس فري
M
Mohamed Zaki Allam
:: مسافر ::
الحقيقه ٩ ايام في باريس مش كتير ، باريس متعه حتي لو مشيت في الشوارع وبالأخص طبعا الشانزليزيه ، انت لو قعدت بس علي مقعد او كافيه في الشانزليزيه مش حتمل ، اولا طبعا باريس غاليه بصفه عامه ، بالنسبة للتحذيرات هي السرقه وانت طالع او نازل من المترو مثلا او حتي وانت ماشي في الشانزليزيه في عز الزحمه ممكن واحد يخبط فيك ويحاول يعتذر لك وهوا بيكون أيده في جيبك ، قاعد في كافيه او مطعم متحطش الشنطه جنبك في الارض ومتحطش الموبايل قدامك علي الترابيزه لو الكافيه في الشارع بسهوله ممكن واحد يخطفه ويجري ، ما تنجزبش للنصابين ممكن واحد ييجي يقولك انا مسافر وما معيئس فلوس وبأبيه البالطو ده تمنه ٢٠٠ يورو بس انا بابيعه لك ب ٥٠ ،مش عايزين تخوفك قوي لكن حذّر وحد بالك كويس ، انا دائماً باستخدام المترو وباشتري كارنيه والكرنيه عشر تذاكر واستخدام المترو سهل قوي ، بالنسبة للفسح عندك الشانزلزيه وقوس النصر وميدان المسله وامام المسله حديقه حلوه ممكن تقعد شويه علي البحيره اللي فيها حديقه Tuileries , متحف اللوفر وده يوم تقريبا ، برج ايفل وتاخد مركب في نهر السين ظريفه ، كنيسه نوتر دام وتاكل شاورمه وبطاطس ، كنيسه ال Sacre Coeur وحي الفنانين ، قصر فرساي تحفه وده يوم كامل ، اخر مترو M1 محطه La Defenes وهناك فيه shopping mall كبير Quatre de Tempes , يوروديزني وده يوم كامل حلو قوي ، مبني الأوبرا وميدان الأوبرا ، حديقه حيوان باريس حلوه كمان ،منطقه ال La Defence ودي ممكن تمشي فيها
H
Hany Ahmed
:: مسافر ::
اول ماتنزل من الطياره وانت لسه في المطار اسال أي حد من فين تعمل كارت الموصلات ده بيبيقي للمترو والا بيس ده هيوفر ليك جدا جدا بس لازم يكون معاك صوره شخصيه والاهيعملك الاكارت اطلب منه خريطه باريس وداخل المطار هتلقي المترو الايوصلك للمحطه الرئيسيه بعدها ب3 محطات وبالتوفيق
وحاول تنزل في مكان اسمه برباس ده كله عرب وخد بالك لو انت اول مرة تسافر هيسالك علي حجز الفندق في المطار
بالتوفيق
انا مسافر إن شاء اللة يوم 22
وحاول تنزل في مكان اسمه برباس ده كله عرب وخد بالك لو انت اول مرة تسافر هيسالك علي حجز الفندق في المطار
بالتوفيق
انا مسافر إن شاء اللة يوم 22